شي جينپيڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسقان ءبىر ءبولىم افريكا ەلدەرىنىڭ باسشىلارىمەن جەكە - جەكە كەزدەستى

9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن كونگونىڭ (كينشاسا) زۇڭتۇڭى چيسيكەديمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن ماليدىڭ زۇڭتۇڭى گويتامەن كەزدەستى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن كومورونىڭ زۇڭتۇڭى ازاليمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن توگونىڭ زۇڭتۇڭى فاۋرەمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن جيبۋتيدىڭ زۇڭتۇڭى گەللەمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

9 - ايدىڭ 2 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن سەيشەلدىڭ زۇڭتۇڭى رامكالاۋانمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

9 - ايدىڭ 2 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن ەليتريانىڭ زۇڭتۇڭى يساياسپەن كەزدەستى.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

9 - ايدىڭ 2 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن گۆينەيانىڭ زۇڭتۇڭى دۋمبۋيامەن كەزدەستى.

سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

شي جينپيڭ كونگونىڭ (كينشاسا) زۇڭتۇڭى چيسيكەديمەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر تۋ ميڭ، ۋىن شين). 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن كونگونىڭ (كينشاسا) زۇڭتۇڭى چيسيكەديمەن كەزدەستى.

شي جينپيڭ چيسيكەديدىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەندىگىن قارسى الدى. شي جينپيڭ بىلاي دەپ اتاپ كورسەتتى: بىلتىر 5 - ايدا ءبىز جۇڭگو - كونگو قارىم - قاتىناسىن جاپپاي ستراتەگيالىق سەلبەستىك سەرىكتەستىك قارىم - قاتىناس دەڭگەيىنە بىرگە كوتەردىك. سول كەزدە ءبىز كەلىسكەن كوپتەگەن ورتاق تانىم ناقتى تياناقتانىپ، ەكى ەلدىڭ ءار سالاداعى ناقتى سەلبەستىگى ۇشقان قۇستاي دامىپ، ەكى جاقتى يگىلىككە كەنەلتتى، ستراتەگيالىق مانگە يە بولىپ، وركەندەپ كەلە جاتقان ەلدەردىڭ وسىزامانداندىرۋدى قول ۇستاسا ىلگەرىلەتۋىنىڭ ۇلگىسىنە اينالدى. جۇڭگو جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە، كونگو (كينشاسا) دا مەملەكەتتىڭ دامۋى مەن گۇلدەنۋىنىڭ جاڭا كەزەڭىنە ءوتتى، ەكى ەل وسىزامانداندىرۋ جولىنداعى كاسىپتەس، مۇراتتاس دوس، ءوزارا پايدا جەتكىزىپ، تەڭ يگىلىككە كەنەلەتىن جاقسى دوس، بەيبىتشىلىكتى بىرگە قاراستىراتىن جاقسى دوس بولۋى كەرەك. جۇڭگو جاق كونگو جاقتىڭ مەملەكەتتىڭ يەلىك ۇقىعىن قورعاپ، دەربەس دامۋدى جۇزەگە اسىرۋىن قولدايدى، كونگومەن ساياسي سەنىمدىلىكتى بەكەمدەپ، ءبىر - ءبىرىن باتىل قولداپ، بىرگە دامۋعا ۇمتىلىپ، اۋىل شارۋاشىلىعى، كەن ونىمدەرىن مانەرلەۋ، كاسىپتىك تاربيەلەۋ سياقتى سالالارداعى سەلبەستىكتى تەرەڭدەتىپ، كونگونىڭ بايلىق ابزالدىعىن دامۋدىڭ قوزعاۋشى قۋاتىنا اينالدىرۋىنا ۇزدىكسىز كومەكتەسۋدى قالايدى.

شي جينپيڭ بىلاي دەپ باسا دارىپتەدى: جۇڭگو - افريكا ەكى جاق وسى رەتكى باسشىلار ماجىلىسىندە جۇڭگو - افريكا قارىم - قاتىناسىنىڭ جاڭا ورنىن تۇراقتاندىرىپ، جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋدەگى ءبىر قىدىرۋ كەلەلى شارالارىن جاريالاپ، جۇڭگو - افريكا قارىم - قاتىناسى دامۋىنىڭ جاڭا جوباسىن بىرگە جاسايدى. جۇڭگو جاق كونگو جاقپەن تاريحي ورايدى يگەرىپ، ستراتەگيالىق ءوزارا سەنىمدىلىكتى كۇشەيتىپ، ءوزارا ءتيىمدى سەلبەستىكتى تەرەڭدەتىپ، جۇڭگو - افريكا سەلبەستىگىن قول ۇستاسا ىلگەرىلەتىپ، وركەندەپ كەلە جاتقان ەلدەردىڭ ورتاق مۇددەسىن بىرگە قورعاپ، ”دۇنيە ءجۇزىنىڭ وڭتۇستىگىندەگى“ ەلدەردىڭ دۇنيە ءجۇزىنىڭ زور وزگەرىسىندە بەيبىتشىلىككە تالپىنۋىن، دامۋعا تالپىنۋىن ىلگەرىلەتۋدى قالايدى.

چيسيكەدي مىنانى ءبىلدىردى: كونگو، جۇڭگو ەكى جاقتىڭ سۇيىسپەنشىلىگى باۋىرلاستارداي، دوستىعى بەرىك، شىنايى، ەكى جاقتى سەلبەستىك تەڭ تۇرعىدا قۇرمەت ەتۋ مەن وسكەلەڭ ءوزارا سەنىمدىلىكتى نەگىز ەتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىردى. كونگو جاق ءتوراعا شي جينپيڭنىڭ كورنەكتى باسشىلىق قۋاتىنا سۇيىنەدى، جۇڭگونىڭ تابىستى تاجىريبەلەرىن ۇيرەنىپ جانە ودان ۇلگى الىپ، جۇڭگونى ەڭ الدىمەن ويلاستىرىلاتىن سەلبەستىك سەرىگى ەتىپ، دوستىقتى جانە ءار سالاداعى ناقتى سەلبەستىكتى ۇزدىكسىز تەرەڭدەتۋدى ءۇمىت ەتەدى. جۇڭگو جاقتىڭ كونگونىڭ (كينشاسا) مەملەكەتتىڭ يەلىك ۇقىعى مەن تاۋەلسىزدىگىن قورعاۋىن قولداعاندىعىنا العىس ايتامىن، كونگو جاق ءبىر جۇڭگو ساياساتىن باتىل اتقارادى، تايۋاننىڭ جۇڭگو تەرريتورياسىنىڭ ايرىلماس ءبىر بولىگى ەكەندىگىن مويىندايدى. جۇڭگو ـ افريكا سەلبەستىك تالقى مىنبەرى افريكا ەلدەرىنىڭ دامۋ ارمانىن جۇزەگە اسىرۋىنا ماڭىزدى وراي ازىرلەدى، وسى رەتكى باسشىلار ءماجىلىسىنىڭ، ءسوز جوق، تابىسقا جەتىپ، افريكا ەلدەرى حالىقتارىنا اناعۇرلىم كوپ ناقتى جەتىستىكتەر اكەلەتىندىگىنە سەنەمىن.

باسشىلار ءماجىلىسى كەزىندە جۇڭگو مەن كونگو ەكى جاق ەكونوميكالىق سەرىكتەستىك قارىم - قاتىناستى بىرگە دامىتۋ، ادام كۇشى بايلىعىن اشۋ، كەدەن قابىلەتى قۇرىلىسى، اقپارات سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويادى.

ۋاڭ ي كەزدەسۋدە بىرگە بولدى.

شي جينپيڭ ماليدىڭ زۇڭتۇڭى گويتامەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر ۋىن شين، لي دىشين). 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن ماليدىڭ زۇڭتۇڭى گويتامەن كەزدەستى. ەكى ەل مەملەكەت باسشىلارى جۇڭگو مەن ماليدىڭ قارىم - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.

شي جينپيڭ بىلاي دەپ اتاپ كورسەتتى: جۇڭگو مەن ماليدىڭ دوستىعىن ەكى ەلدىڭ اعا بۋىن باسشىلارى تىكەلەي ورناتتى. 60 جىلدىڭ الدىندا ەكى جاق بىرلەسكەن مازمۇنداما جاريالادى، بۇل جۇڭگونىڭ شەتەلگە كومەك بەرۋدەگى سەگىز تارماقتى پرينسيبىنە تۇڭعىش رەت جازىلىپ، وندا مەملەكەتتىڭ يەلىك ۇقىعىنا قۇرمەت ەتۋ، دەربەس شارۋاشىلىقتى دامىتۋ، ىشكى ىستەرگە كيلىكپەۋ دارىپتەلدى. بۇل پرينسيپتەر − جۇڭگو مەن ماليدىڭ ۇزاق ۋاقىتتىق دوستىق سەلبەستىگىنىڭ باعدارناماسى ءارى جۇڭگو مەن افريكانىڭ حالىقارالىق جاڭا ءتارتىپ ورناتۋدى ىلگەرىلەتۋىنىڭ باستاماسى. قازىرگى جاعدايدا جۇڭگو جاق مالي جاقپەن ءداستۇرلى دوستىقتى ساۋلەلەندىرىپ، ماليدىڭ ەكونوميكانى دامىتۋىنا، حالىق تۇرمىسىن جاقسارتۋىنا ۇزدىكسىز تاباندىلىقپەن قولداۋ كورسەتۋدى قالايدى. جۇڭگو جاق جۇڭگو كاسىپورىندارىن ماليعا بارىپ قارجى قوسىپ، اۋىل شارۋاشىلىعى، ەنەرگيا، كەن ونىمدەرىن اشۋ، نەگىزدىك قۇرىلعى قۇرىلىسى سياقتى سالالارداعى سەلبەستىكتى تەرەڭدەتۋگە ۇزدىكسىز شابىتتاندىرادى، مالي جاقتىڭ جۇڭگو كاسىپورىندارىنىڭ حاۋىپسىزدىگىن قامتاماسىز ەتۋىن جانە ساياسات جاعىندا قولايلىلىق جاساۋىن ءۇمىت ەتەمىن.

شي جينپيڭ بىلاي دەپ باسا دارىپتەدى: جۇڭگو جاق افريكا حالقىنىڭ بولاشاق تاعدىردى دەربەس بەلگىلەۋىن باستان - اياق قولداپ كەلەدى، مالي سياقتى افريكا ەلدەرىمەن ءوزارا قولداۋ كورسەتىپ، ءوز مەملەكەت جاعدايىنا ۇيلەسەتىن وسىزامانداندىرۋ جولىمەن قول ۇستاسا ءجۇرۋدى قالايدى. وسى رەتكى جۇڭگو - افريكا سەلبەستىك تالقى مىنبەرىنىڭ باسشىلار ءماجىلىسى جاڭا داۋىردەگى جۇڭگو - افريكا سەلبەستىگىنىڭ جاڭا جوباسىن جاساۋعا كۇش سالىپ، وسىزاماندانۋدى قول ۇستاسا ىلگەرىلەتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن بىرگە قۇرۋعا كۇش سالادى. جۇڭگو جاق مالي جاقپەن بىرگە باسشىلار ءماجىلىسىنىڭ تابىستى بولۋىن ىلگەرىلەتۋدى قالايدى.

گويتا مىنانى ءبىلدىردى: جۇڭگو جاقتىڭ وسى رەتكى جۇڭگو - افريكا سەلبەستىك تالقى مىنبەرى باسشىلار ءماجىلىسىن وتكىزگەندىگىنە ءارى ءبىزدى ىستىق ىقىلاسپەن دوسجار بەينەدە كۇتىپ العاندىعىنا العىس ايتامىن. مالي، جۇڭگو ەكى ەل حالىقتارى باۋىرلاستىق سۇيىسپەنشىلىككە يە، ەكى جاقتى سەلبەستىك شىنايى، ناقتى بولدى. جۇڭگو جاقتىڭ ماليدىڭ ەكونوميكالىق، قوعامدىق دامۋىنا ءتۇرلى جاقتان قاستەرلى كومەك كورسەتكەندىگىنە العىس ايتامىن. مالي جاق مالي مەن جۇڭگونىڭ دوستىعىن ونان ارى بەكەمدەپ، ستراتەگيالىق سەرىكتەستىك قارىم - قاتىناستى جوعارىلاتىپ، اۋىل شارۋاشىلىعى، ەنەرگيا، كەن، حاۋىپسىزدىك سياقتى سالالارداعى ءوزارا پايدا جەتكىزۋ سەلبەستىگىن تەرەڭدەتۋدى ءۇمىت ەتەدى. دۇنيە جۇزىندە ءبىر عانا جۇڭگو بار، مالي ءبىر جۇڭگو پرينسيبىن باتىل اتقارادى. مالي مەن جۇڭگو دا مەملەكەتتىڭ يەلىك ۇقىعى مەن تاۋەلسىزدىگىنە قۇرمەت ەتەدى، ەكەۋى دە باسقا ەلدىڭ ىشكى ىسىنە كيلىگۋگە قارسى تۇرادى. مالي جاق جۇڭگو جاقتىڭ ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىن جەبەۋ جولىنداعى قۇلشىنىسى مەن ۇلەسىن القايدى، جۇڭگو جاقپەن كوپ جاقتى سەلبەستىكتى نىعايتۋدى ءۇمىت ەتەدى.

ۋاڭ ي كەزدەسۋدە بىرگە بولدى.

شي جينپيڭ كومورونىڭ زۇڭتۇڭى ازاليمەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر لو شين، ۋىن شين). 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن كومورونىڭ زۇڭتۇڭى ازاليمەن كەزدەستى. ەكى ەل مەملەكەت باسشىلارى جۇڭگو - كومورو قارىم - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.

شي جينپيڭ بىلاي دەپ اتاپ كورسەتتى: جۇڭگو − كومورومەن ءبىرىنشى بولىپ ديپلوماتيالىق قارىم - قاتىناس ورناتقان مەملەكەت، كەلەر جىلى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قارسى الامىز. ەكى ەل ساياسي جاقتا ءبىرىن - ءبىرى باتىل قولداپ، ءار سالاداعى ناقتى سەلبەستىكتە سۇبەلى تابىستارعا قول جەتكىزىپ، ءىرى، شاعىن ەلدەردىڭ تەڭ تۇرعىدا مامىلە جاساۋىنىڭ، ىنتىماقتاسا سەلبەسۋىنىڭ ۇلگىسىن ورناتتى. جۇڭگو مەن كومورو اسقار تاۋلار مەن الىپ مۇحيت ءبولىپ جاتقان شالعايداعى ەلدەر بولعانىمەن، ەكى ەل حالىقتارىنىڭ تاماشا تۇرمىسقا تالپىنۋ تىلەگى ۇقساس. ەستۋىمشە، جۇڭگونىڭ «تاۋ - تەڭىز سۇيىسپەنشىلىگى» اتتى تەلە تەاترى تاياۋدا كومورودا دابىرالى تاراتىلىپتى. جۇڭگو جاق كومورو جاقپەن كەدەيلەردى ازايتۋ سەلبەستىگىن ورىستەتۋدى قالايدى، كومورو حالقىنىڭ ءوزىنىڭ وڭىرلىك ارتىقشىلىعى مەن تەڭىز - مۇحيت بايلىعىن دامۋدىڭ قوزعاۋشى قۋاتىنا اينالدىرىپ، جۇڭگو - كومورو تاعدىرلاس ورتاق تۇلعاسىن ورناتۋدىڭ ”تاۋ - تەڭىز سۇيىسپەنشىلىگىن“ ۇزدىكسىز جالعاستىرۋىن قولدايدى. جۇڭگو جاق كومورو جاقپەن بەزگەك اۋرۋىن جەدەل الاستاۋ نىسانىن ۇزدىكسىز سەلبەسىپ اتقارىپ، كومورو جاقتىڭ ”2025 - جىلى بەزگەك اۋرۋىن تۇبەگەيلى جويۋ“ نىساناسىن ەرتەرەك جۇزەگە اسىرۋىنا كومەكتەسۋدى قالايدى. وسى رەتكى باسشىلار ءماجىلىسىن وراي ەتىپ، ەكونوميكا - ساۋدا، قارجى قوسۋ، نەگىزدىك قۇرىلعى، تەڭىز - مۇحيت بالىق شارۋاشىلىعى، كليمات وزگەرىسى سياقتى سالالارداعى ناقتى سەلبەستىكتى كەڭەيتىپ، ەكى جاقتى قارىم - قاتىناستىڭ دامۋىنا جاڭا قوزعاۋشى كۇش قوسۋىمىز كەرەك.

شي جينپيڭ كومورونىڭ افريكا وداعىنىڭ كەزەكتى ءتوراعا ەلى مىندەتىن وتەگەن كەزدە اتقارعان بەلسەندى رولىن القادى ءارى بىلاي دەپ اتاپ كورسەتتى: جۇڭگو كومورومەن بەيبىت قاتار تۇرۋدىڭ بەس پرينسيبىن ۇستانىپ، افريكا وداعى، اراب ەلدەرى وداعى، ءىسلام سەلبەستىك ۇيىمى اياسىندا قارىم - قاتىناستى، سەلبەستىكتى كۇشەيتىپ، ”دۇنيە ءجۇزىنىڭ وڭتۇستىگىندەگى“ جاڭادان گۇلدەنگەن كۇشتەردى زورايتىپ، دۇنيە جۇزىلىك باسقارۋ جۇيەسى رەفورماسىن ىلگەرىلەتۋدى قالايدى.

ازالي مىنالاردى ءبىلدىردى: جۇڭگو جاقتىڭ ءبىزدى باۋىرلاستارداي دوسجار بەينەمەن كۇتىپ العاندىعىنا العىس ايتامىن، جۇڭگونىڭ جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسىن ءساتتى اشقاندىعىن قۇتتىقتايمىن، ءتوراعا شي جينپيڭنىڭ باسشىلىعىندا، جۇڭگونىڭ اناعۇرلىم زور دامۋ جەتىستىكتەرىنە، ءسوز جوق، قول جەتكىزەتىندىگىنە سەنەمىن. ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى، ”ءبىر بەلدەۋ، ءبىر جولدى“ بىرگە قۇرۋ جانە 3 ۇلكەن دۇنيە جۇزىلىك باستاما دۇنيە ءجۇزىنىڭ بەيبىت دامۋىن جانە بىرگە گۇلدەنۋىن جۇزەگە اسىرۋدى ىلگەرىلەتۋ جونىنەن ايرىقشا ماڭىزدى، كومورو جاق بار كۇشپەن قولدايدى. كومورو جاق جۇڭگومەن دوستىق قارىم - قاتىناستى بەكەمدەپ، جوعارىلاتىپ، كومورو - جۇڭگو قارىم - قاتىناسىن افريكا - جۇڭگو سەلبەستىگىنىڭ ۇلگىسىنە اينالدىرۋدى قالايدى. وسى رەتكى جۇڭگو - افريكا سەلبەستىك تالقى مىنبەرى باسشىلار ءماجىلىسىنىڭ افريكا ەلدەرىنىڭ دامۋىنا اناعۇرلىم دەم بەرەتىندىگىنە سەنەمىن. كومورو جاق جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن قولدايدى، جۇڭگونىڭ مەملەكەتتىڭ تۇتاستىعىن جۇزەگە اسىرۋىن قولدايدى، تايۋاننىڭ، ءسوز جوق، جۇڭگوعا قايتا ورالاتىندىعىنا سەنەدى. جۇڭگو جاقتىڭ كومورو جاقتىڭ افريكا ەلدەرى وداعىنا كەزەكتى ءتوراعا ەل قىزمەتىن اتقارۋىنا قولداۋ كورسەتكەندىگىنە العىس ايتامىن، جۇڭگو جاقپەن كوپ جاقتى جۇلگەدە بايلانىس جاساۋدى، سەلبەسۋدى جيىلەتىپ، وركەندەپ كەلە جاتقان ەلدەردىڭ ىنتىماقتى، سەلبەستىكتى كۇشەيتۋىن ىلگەرىلەتىپ، وڭىرلىك قاقتىعىستاردى تىلدەسۋ ارقىلى شەشۋدى قالايمىز.

باسشىلار ءماجىلىسى كەزىندە جۇڭگو مەن كومورو ەكى جاق ەكونوميكا ـ ساۋدا، دامۋ سياقتى سالالارداعى ەكى جاقتى سەلبەستىك قۇجاتتارىنا قول قويدى.

ۋاڭ ي كەزدەسۋدە بىرگە بولدى.

شي جينپيڭ توگونىڭ زۇڭتۇڭى فاۋرەمەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر ۋىن شين، لۋ چاڭ). 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن توگونىڭ زۇڭتۇڭى فاۋرەمەن كەزدەستى. ەكى ەل مەملەكەت باسشىلارى جۇڭگو مەن توگونىڭ قارىم - قاتىناسىن جاپپاي ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.

شي جينپيڭ فاۋرەنىڭ ۇزاق ۋاقىتتان بەرى جۇڭگو – توگو قارىم - قاتىناسىنىڭ دامۋىنا جانە جۇڭگو - افريكا سەلبەستىك تالقى مىنبەرىنىڭ مەحانيزم قۇرىلىسىنا ماڭىزدى ۇلەس قوسقانىن القاپ، بىلاي دەپ اتاپ كورسەتتى: جۇڭگو جاق افريكانىڭ بىرلەسىپ ءوزىن الۋەتتەندىرۋ جانە ءبىر تۇلعالانۋ اياق الىسىن باتىل قولدايدى. وسى رەتكى تالقى مىنبەرىنىڭ باسشىلار ءماجىلىسى جۇڭگو - افريكا سەلبەستىگىنىڭ جاڭا جوباسىن جاساۋعا كۇش سالادى، جۇڭگو - افريكا قارىم - قاتىناسى تاريحىندا بەلەستىك مانگە يە. جۇڭگو جاق توگو جاقپەن تىعىز سەلبەسىپ، باسشىلار ءماجىلىسىنىڭ تابىستى بولۋىن ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن توگونىڭ، جۇڭگو مەن افريكانىڭ ءداستۇرلى دوستىعىن ەكى جاقتىڭ اعا بۋىن باسشىلارى بىرگە ورناتتى. جاڭا داۋىرگە قادام تاستاعاننان كەيىن جۇڭگو مەن توگونىڭ قارىم - قاتىناسى ىشكەرىلەي دامىپ، ومىرشەڭدىك كۇشىن ايگىلەدى. ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان - اياق ءبىرىن - ءبىرى باتىل قولداپ كەلەدى، ەكى ەلدىڭ دوستىعى ۋاقىت وتكەن سايىن بەكەمدەلىپ، ءوزارا سەنىمدىلىگى بەرىك بولىپ، مەملەكەتتەر اراسىنداعى شىنايى دوستىقتىڭ، ىنتىماقتاسا سەلبەسۋدىڭ ۇلگىسىنە اينالدى. جۇڭگو قاق توگومەن ساياسي سەنىمدىلىكتى اناعۇرلىم كۇشەيتىپ، نەگىزدىك قۇرىلعى، اۋىل شارۋاشىلىعى، سۋ يگىلىگى، ۇلاستىرۋ - تۇتاستىرۋ سياقتى سالالارداعى ناقتى سەلبەستىكتى كەڭەيتىپ، كوپ جاقتى سەلبەستىكتى تەرەڭدەتىپ، ءوڭىردىڭ ىنتىماعى مەن ورنىقتىلىعىن جەبەۋدى قالايدى.

فاۋرە مىنالاردى ءبىلدىردى: جۇڭگو - افريكا سەلبەستىك تالقى مىنبەرى داۋىرمەن بىرگە العا باسىپ، افريكا ەلدەرىنىڭ دامۋ قاجەتىنە سايكەسىپ، افريكا ەلدەرىنىڭ دامۋىن جانە افريكا - جۇڭگو دوستىق قارىم - قاتىناسىن جەبەۋدىڭ ماڭىزدى تىرەگىنە اينالدى. بۇگىنگى دۇنيە ءجۇزى اناعۇرلىم كوپ حاۋىپ - قاتەرگە ءدوپ كەلىپ وتىر، جۇڭگونىڭ قولداۋى مەن سەلبەستىگى افريكانىڭ حاۋىپسىزدىگى مەن دامۋى جونىنەن توتەنشە ماڭىزدى. ءتوراعا شي جينپيڭنىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىن ۇيىمداستىرعاندىعىنا العىس ايتامىن، وسى رەتكى باسشىلار ءماجىلىسىنىڭ افريكا - جۇڭگو سەلبەستىگىنە تىڭ قوزعاۋشى كۇش قوسىپ، افريكا مەن دۇنيە ءجۇزىنىڭ حاۋىپسىزدىگى مەن دامۋىن، سونداي - اق وركەنيەتتىڭ العا باسۋىن جەبەۋگە تىڭ ۇلەس قوساتىندىعىنا سەنەمىن. توگو - جۇڭگو سەلبەستىگى ءوزارا قۇرمەت ەتۋدىڭ جانە بىرگە دامۋدىڭ بەرىك نەگىزىنە سۇيەنگەن، ستراتەگيالىق سيپاتقا يە. جۇڭگومەن دوستىق اۋىس - كۇيىس جانە سەلبەستىك توگونىڭ قابىلەت قۇرىلىسى مەن مەملەكەتتىڭ دامۋىن پارمەندى جەبەدى، توگو جاق جۇڭگو جاقپەن نەگىزدىك قۇرىلعى، عىلىم - تەحنيكا جانە سيفرلى ەكونوميكا سياقتى سالالارداعى سەلبەستىكتى كۇشەيتۋدى ءۇمىت ەتەدى. توگو جاق ءبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن قولدايدى، جۇڭگونىڭ تايۋان جانە نانحاي تەڭىزى سياقتى ماسەلەلەردەگى تۇرعىسىن قولدايدى.

ۋاڭ ي كەزدەسۋدە بىرگە بولدى.

شي جينپيڭ جيبۋتيدىڭ زۇڭتۇڭى گەللەمەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر ۋىن شين، گو يۇيجيڭ). 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن جيبۋتيدىڭ زۇڭتۇڭى گەللەمەن كەزدەستى. ەكى ەل مەملەكەت باسشىلارى جۇڭگو - جيبۋتي قارىم - قاتىناسىن جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.

شي جينپيڭ بىلاي دەپ اتاپ كورسەتتى: گەللە زۇڭتۇڭ جۇڭگو - افريكا سەلبەستىك تالقى مىنبەرى قۇرىلعاننان بەرى وتكىزىلگەن بارلىق باسشىلار ماجىلىسىنە قاتىناستى، ول − تالقى مىنبەرىنىڭ ۇزدىكسىز ەسەيىپ - ەرجەتكەندىگىنىڭ كۋاگەرى جانە جەبەۋشىسى. مەن مۇنى ايرىقشا القايمىن، سىزبەن تىعىز سەلبەسىپ، وسى رەتكى باسشىلار ءماجىلىسىنىڭ تابىستى بولۋىن ىلگەرىلەتۋدى قالايمىن.

شي جينپيڭ بىلاي دەپ باسا دارىپتەدى: بيىل − جۇڭگو مەن جيبۋتيدىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعى. 45 جىلدان بەرى جۇڭگو مەن جيبۋتي ءبىر - بىرىنە ادال بولىپ، تاۋقىمەتتى بىرگە ارقالاپ، ەكونوميكالىق سەلبەستىكتە ءوزارا پايدا جەتكىزىپ، ءوزارا تيىمدىلىك جەتكىزىپ، حالىق بارىس – كەلىس بارىسىندا ءبىرىن - ءبىرى ءتۇسىنىپ، ءبىر - بىرىنە جاقىن بولىپ، وڭتۇستىك - وڭتۇستىك سەلبەستىگىنىڭ ۇلگىسى دەپ اتالدى. جۇڭگو جاق جيبۋتي جاقپەن بىرگە ءوزارا قولداۋ كورسەتەتىن تاڭداۋلى داستۇرگە مۇراگەرلىك ەتىپ، ءوزارا ۇيرەنەتىن، ءوزارا ۇلگى الاتىن قۇندى تاجىريبەلەردى ساۋلەلەندىرىپ، سەلبەسىپ تەڭ يگىلىككە كەنەلۋدىڭ مۇددە دانەكەرىن بەكەمدەپ، بەيبىت قاتار تۇرۋدىڭ ماڭىزدى ورتاق تانىمىن ۇيىستىرىپ، ەكى ەل قارىم - قاتىناسىنىڭ اناعۇرلىم كوپ جاڭا جەتىستىكتەرگە قول جەتكىزۋىن ىلگەرىلەتۋدى قالايدى. جۇڭگو جاق جيبۋتي جاقتىڭ ادديس ابەبا - جيبۋتي تەمىر جولى، حالىقارالىق ەركىن ساۋدا رايونى سياقتى نىسانداردى ويداعىداي جۇرگىزۋىن قولداپ، وڭىرلىك ساۋدا، زات اينالىمى تورابىن قۇرىپ، افريكاداعى تۇڭعىش لۋبان شەبەرحاناسىن بىرگە ويداعىداي ىسكە قوسىپ، جيبۋتيدىڭ اناعۇرلىم كوپ ەكونوميكالىق قۇرىلىسقا قاجەتتى جوعارى ساپالى دارىندىلاردى باۋلۋىنا كومەكتەسۋدى قالايدى. جۇڭگو جاق جيبۋتي جاقتىڭ ۇكىمەتتەر ارا دامۋ ۇيىمىنا كەزەكتى ءتوراعا ەل مىندەتىن اتقارىپ، افريكا ءمۇيىسىنىڭ، ءتىپتى افريكا ءوڭىرىنىڭ بەيبىتشىلىگى مەن دامۋىنا تىڭ ۇلەس قوسۋىن قولدايدى.

گەللە مىنالاردى ءبىلدىردى: مەن ءار رەت جۇڭگوعا ساپارلاي بارعانىمدا ءوز ۇيىمە كەلگەندەي سەزىنەمىن، جۇڭگو جاقتىڭ جان - جاقتى، ىقىلاستى ورنالاستىرۋىنا العىس ايتامىن. جيبۋتي - جۇڭگو قارىم - قاتىناسى 45 جىلدى باسىپ ءوتتى، بۇل − جۇڭگونىڭ جەدەل دامۋىنا جانە جيبۋتي - جۇڭگو قارىم - قاتىناسىنىڭ جەدەل دامۋىنا سەرىك بولعان 45 جىل. جۇڭگو جاقتىڭ جيبۋتي ەكونوميكاسىنىڭ دامۋى مەن حالىق تۇرمىسىن جاقسارتۋعا قاستەرلى كومەك كورسەتكەندىگىنە العىس ايتامىن. جيبۋتي جاق جيبۋتي - جۇڭگو قارىم - قاتىناسىندا جارىققا شىققان ومىرشەڭدىك كۇشكە ءدان ريزا، جۇڭگو جاقپەن ادديس ابەبا - جيبۋتي تەمىر جولى سياقتى ماڭىزدى نىسانداردى ۇزدىكسىز ىلگەرىلەتۋدى، ءار سالاداعى ناقتى سەلبەستىكتى اناعۇرلىم تەرەڭدەتۋدى قالايدى. قازىرگى حالىقارالىق، وڭىرلىك جاعدايدا، جيبۋتي جاق جۇڭگو جاقپەن بايلانىس جاساۋدى، سەلبەسۋدى كۇشەيتىپ، ءوڭىردىڭ حاۋىپسىزدىگى مەن دامۋىن جەبەۋ ءۇشىن بىرگە قۇلشىنۋدى ءۇمىت ەتەدى. وسى رەتكى جۇڭگو ـ افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ، ءسوز جوق، تابىستى بولىپ، افريكا ەلدەرىنىڭ دامۋىنا اناعۇرلىم دەم بەرەتىندىگىنە سەنەمىن.

باسشىلار ءماجىلىسى كەزىندە جۇڭگو – جيبۋتي ەكى جاق ەكونوميكا - ساۋدا، دامۋ، اۆياتسيا - عارىش سياقتى سالالارداعى سەلبەستىك قۇجاتتارىنا قول قويدى.

ۋاڭ ي كەزدەسۋدە بىرگە بولدى.

شي جينپيڭ سەيشەلدىڭ زۇڭتۇڭى رامكالاۋانمەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر جىڭ ميڭدا، ۋەي مىڭجيا). 9 - ايدىڭ 2 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن سەيشەلدىڭ زۇڭتۇڭى رامكالاۋانمەن كەزدەستى. ەكى ەل مەملەكەت باسشىلارى ەكى ەل قارىم - قاتىناسىن ستراتەگيالىق ارىپتەستىك قارىم - قاتىناسقا كوتەرەتىندىكتەرىن جاريالادى.

شي جينپيڭ بىلاي دەپ اتاپ كورسەتتى: جۇڭگو مەن سەيشەل مۇحيتتىڭ ەكى باسىنا ورنالاسقان، دوستىق بارىس - كەلىس ارقىلى تاۋ – تەڭىزدى باسىپ وتەتىن بەرىك دوستىق ورناتتى. جۇڭگو - سەيشەل قارىم - قاتىناسى − ۇلكەندى - كىشىلى ەلدەردىڭ شىنايى دوستىعىنىڭ، تەڭ تۇرعىدا قاتار تۇرۋىنىڭ، ءوزارا قارايلاسىپ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسى. ەكى ەل ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن قولداۋدى ۇزدىكسىز الدىمەن ەسكەرىلەتىن ءىس ەتىپ، ستراتەگيالىق ءوزارا سەنىمدىلىككە، بىرگە دامۋعا، ورتاق حاۋىپسىزدىككە، ءداستۇرلى دوستىققا تاباندى بولۋى كەرەك. سەيشەل جاقتىڭ جۇڭگو − ءۇندى مۇحيت ءوڭىرى دامۋ سەلبەستىك تالقى مىنبەرىنە ۇزدىكسىز قاتىناسىپ، تەڭىز - مۇحيت بايلىعىن باياندى اشۋدى جەدەل ىلگەرىلەتىپ، سەيشەل كوك ءتۇستى ەكونوميكاسىنىڭ كومەسكى كۇشىن دامۋدىڭ قوزعاۋشى قۋاتىنا اينالدىرۋىن قارسى الادى. جۇڭگو جاق سەيشەل جاقپەن بىرگە شۇعىل جاعدايعا توتەپ بەرۋ جانە اپاتتان ساقتانۋ، اپات زيانىن ازايتۋ سەلبەستىگىن كۇشەيتۋدى قالايدى، سەيشەلدىڭ تەڭىز قاراقشىلارى مەن زاڭسىز قيمىلدارعا سوققى بەرۋىن قولدايدى، جۇڭگو - سەيشەل تىكە اۋە قاتىناس جەلىسىن اشۋدى قولداپ، ەكى ەل ساياحاتشىلارىن قوس باعىتتا كوپتەپ بارىپ - كەلۋگە شابىتتاندىرادى. سەيشەلدىڭ ءتىپتى دە كوپ ۇزدىك وقۋشىلارىنىڭ جۇڭگوعا كەلىپ ءبىلىم الىپ، ەكى ەلدىڭ دوستىق ىستەرىنە مۇراگەرلىك ەتۋىن قارسى الامىز.

شي جينپيڭ بىلاي دەپ باسا دارىپتەدى: جۇڭگو - افريكا سەلبەستىگى ءوزارا پايدا جەتكىزىپ، تەڭ يگىلىككە كەنەلۋگە، داۋىرمەن بىرگە العا باسۋعا تاباندى بولىپ، باستان - اياق حالىقارانىڭ افريكامەن سەلبەستىك جاساۋىنىڭ الدىڭعى لەگىندە ءجۇردى. جۇڭگو - افريكا سەلبەستىك تالقى مىنبەرى قۇرىلعان 24 جىلدان بەرى جۇڭگو - افريكا سەلبەستىگىنىڭ كۇللى دۇنيە ءجۇزىن جالت قاراتقان تابىستارعا قول جەتكىزۋىنە جەتەكشىلىك ەتتى. جۇڭگو جاق سەيشەلمەن بىرگە وسى رەتكى باسشىلار ءماجىلىسىنىڭ تابىستى بولۋىن، جۇڭگو - افريكا سەلبەستىگىنىڭ ءتىپتى دە كوپ قوماقتى جەتىستىكتەرگە قول جەتكىزۋىن ىلگەرىلەتۋدى قالايدى.

رامكالاۋان مىنالاردى ءبىلدىردى: سەيشەل - جۇڭگو دوستىعى ءوزارا قۇرمەت ەتۋدى، ءوزارا پايدا جەتكىزىپ، تەڭ يگىلىككە كەنەلۋدى نەگىز ەتەدى، ەكى ەل قارىم - قاتىناسى باستان - اياق تاماشا دامۋدى ساقتاپ كەلەدى. جۇڭگو جاقتىڭ سەيشەلگە ءتۇرلى جاقتان قاستەرلى كومەك كورسەتكەندىگىنە العىس ايتامىن، جۇڭگو ۆاكسيناسىنىڭ ارقاسىندا سەيشەل جاڭا تيپتى ايدارشا ۆيرۋس وكپە قابىنۋ ىندەتىن ءبىرشاما تەز جەڭىپ، ەكونوميكالىق، قوعامدىق دامۋدى قالپىنا كەلتىرە الدى. سەيشەل جاق ءتوراعا شي جينپيڭنىڭ كورەگەندىگى مەن كەلەلى ۇستانىم باستاماسىنا سۇيىنەدى، جۇڭگو جاقپەن ۇزدىكسىز تاباندىلىقپەن ءبىر - ءبىرىن قولداپ، ءبىر - ءبىرىنىڭ ناعىز دوسى بولۋدى قالايدى. سەيشەل ءبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ تۇتاستىعىن جۇزەگە اسىرۋىن قولدايدى. سەيشەل جاق جۇڭگو جاقپەن ءار سالاداعى اۋىس - كۇيىستى، سەلبەستىكتى تەرەڭدەتىپ، حالىقارالىق سەلبەستىكتى جيىلەتۋدى قالايدى. چىڭدۋدان سەيشەلگە توتە ۇشاتىن اۋە قاتىناسىنىڭ اشىلۋىن كۇتەمىز، جۇڭگو تەڭىز ارمياسىنىڭ ”بەيبىتشىلىك كەمەسىنىڭ“ تاعى دا سەيشەلگە ساپارلاي بارۋىن قارسى الامىز. جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ تابىستى بولۋىن تىلەيمىن.

باسشىلار ءماجىلىسى كەزىندە جۇڭگو - سەيشەل ەكى جاق ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسى، جەرگىلىكتى ورىندار سەلبەستىگى سياقتى كوپ ءتۇرلى ەكى جاقتى سەلبەستىك قۇجاتتارىنا قول قويادى.

ۋاڭ ي كەزدەسۋدە بىرگە بولدى.

شي جينپيڭ ەليتريانىڭ زۇڭتۇڭى يساياسپەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر ما جويان، جاڭ مانزى). 9 - ايدىڭ 2 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن ەليتريانىڭ زۇڭتۇڭى يساياسپەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن ەليتريا ديپلوماتيالىق قارىم - قاتىناس ورناتقان 30 نەشە جىلدان بەرى باستان - اياق ءوزارا سەنىم ارتىپ، ءبىر - ءبىرىن بەرىك، پارمەندى قولدادى. بىلتىر 5 - ايدا زۇڭتۇڭ مىرزا جۇڭگودا مەملەكەتتىك ساپاردا بولدى، ءبىز كەلىسكەن ماڭىزدى ورتاق تانىمدا بەلسەندى ىلگەرىلەۋشىلىككە قول جەتكىزىلدى. جۇڭگو جاق ەليتريا جاقتىڭ دەربەس، ءوز - وزىنە قوجايىن بولۋ ديپلوماتيالىق ساياساتىنا تاباندى بولىپ، مەملەكەتتىڭ يەلىك ۇقىعى مەن ار - نامىسىن باتىل قورعاپ، جۇڭگو - ەليتريا قارىم - قاتىناسىنا ستراتەگيالىق بيىكتەن جانە ۇزاق بولاشاقتىق تۇرعىدان مامىلە جاساعاندىعىن القايدى، ەليتريامەن ساياسي ءوزارا سەنىمدىلىكتى تەرەڭدەتىپ، ناقتى ىستەر سەلبەستىگىن ىلگەرىلەتىپ، بىرگە دامۋدى جۇزەگە اسىرۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن ەليتريا جۇرەكتەرى توعىسقان جاقسى باۋىرلاس بولۋى، ءوزارا پايدا جەتكىزىپ، تەڭ يگىلىككە كەنەلەتىن جاقسى سەرىك بولۋى، ادىلدىك پەن تۋراشىلدىقتى قورعايتىن جاقسى دوس بولۋى كەرەك. جۇڭگو جاق ەليتريا جاقپەن ءار جىكتەگىلەردىڭ بارىس - كەلىسىن جانە ەل باسقارۋ تاجىريبەلەرىن اۋىستىرۋدى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋ، جۇڭگو - افريكا سەلبەستىك تالقى مىنبەرى، ”افريكا ءمۇيىسىنىڭ بەيبىت دامۋ وي جەلىسى“ سياقتى باستامالاردان جانە مەحانيزم تۇعىرلارىنان ويداعىداي پايدالانىپ، ەنەرگيا، نەگىزدىك قۇرىلعى، اۋىل شارۋاشىلىعى سياقتى سالالارداعى سەلبەستىكتى تەرەڭدەتىپ، ەليتريا جاقتىڭ ونەركاسىپتەنۋ جانە اۋىل شارۋاشىلىعىن وسىزامانداندىرۋ اياق الىسىنا دەم بەرۋدى قالايدى. جۇڭگو مەن ەليتريانىڭ كوپتەگەن كەلەلى حالىقارالىق جانە وڭىرلىك ماسەلە جونىندەگى كوزقاراسى جاقىن، جۇڭگو جاق ەليتريا جاقپەن سەلبەسۋدى، سايكەسۋدى ساقتاپ، قالىڭ وركەندەپ كەلە جاتقان ەلدەردىڭ ورىندى ۇقىق - مۇددەسىن اناعۇرلىم ويداعىداي قورعاپ، اناعۇرلىم ءادىل، ۇيلەسىمدى حالىقارالىق تارتىپكە كۇش سالۋدى قالايدى.

يساياس مىنالاردى ءبىلدىردى: مەن 57 جىلدىڭ الدىندا جۇڭگوعا تۇڭعىش رەت ساپارلاي كەلدىم، جارتى عاسىردان استام ۋاقىتتان بەرى جۇڭگونىڭ قول جەتكىزگەن ۇلى دامۋ جەتىستىكتەرى مەن وراسان زور وزگەرىستەرىنە ءوز كوزىممەن كۋا بولدىم. جۇڭگونىڭ حالىقاراداعى ورنى وتە ماڭىزدى، كۇن سايىن دۇنيە ءجۇزىن باسقارۋ وزگەرىسىنە جەتەكشىلىك ەتەتىن شەشۋشى كۇشكە اينالىپ كەلەدى. ەليتريا - جۇڭگو قارىم - قاتىناسىنىڭ تاريحى تەرەڭ، دوستىعى بەرىك، سەلبەستىگى جاقسى، ەكى جاق كوپتەگەن ماسەلەدە ورتاق تانىمعا يە. جۇڭگومەن سەلبەستىك جاساۋ افريكا ەلدەرىنىڭ دامۋدى اناعۇرلىم ويداعىداي جۇزەگە اسىرىپ، وتارشىلدىققا، زورەكەرلىككە قارسى تۇرىپ، حالىقارادا تەڭدىك جانە ابىرويعا يە بولۋىندا كومەكتەسۋ رولىن اتقارۋدا، بۇدان كەيىن دە سولاي بولا بەرمەك. ەليتريا جاق ءبىر جۇڭگو ساياساتىن باتىل اتقارادى. ەليتريا جاق جۇڭگو جاقپەن ەنەرگيا، نەگىزدىك قۇرىلعى، تەڭىز - مۇحيت سياقتى سالالارداعى سەلبەستىكتى تەرەڭدەتۋدى ءۇمىت ەتەدى. افريكا - جۇڭگو سەلبەستىگى حالىقارانىڭ افريكامەن سەلبەستىگى جونىنەن ماڭىزدى جەتەكشىلىك رولعا يە. ەليتريا جاق وسى رەتكى جۇڭگو - افريكا سەلبەستىك تالقى مىنبەرى باسشىلار ءماجىلىسىنىڭ تابىستى بولۋىن، افريكا ەلدەرىنىڭ سىن - سايىستى، قيىنشىلىقتى جەڭىپ، اناعۇرلىم كوپ دامۋ ورايىنا يە بولىپ، حاۋىپسىزدىكتى، ورنىقتىلىقتى جانە باياندى دامۋدى جۇزەگە اسىرۋىنا دەم بەرىپ، بۇكىل افريكا حالقىنا باقىت جاراتۋىن تىلەيدى.

باسشىلار ءماجىلىسى كەزىندە جۇڭگو، ەليتريا ەكى جاق اۋىل شارۋاشىلىعى، راديو - تەلەۆيزيا سياقتى سالالارداعى ەكى جاقتى سەلبەستىك قۇجاتتارىنا قول قويادى.

ۋاڭ ي كەزدەسۋدە بىرگە بولدى.

شي جينپيڭ گۆينەيانىڭ زۇڭتۇڭى دۋمبۋيامەن كەزدەستى

شينحۋا اگەنتتىگى، 9 - ايدىڭ 2 - كۇنى، بەيجيڭ (تىلشىلەر شاۋ ي - بو، جاۋ شۇي). 9 - ايدىڭ 2 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەن گۆينەيانىڭ زۇڭتۇڭى دۋمبۋيامەن كەزدەستى.

شي جينپيڭ بىلاي دەپ اتاپ كورسەتتى: گۆينەيا − ساحارانىڭ وڭتۇستىگىندەگى افريكا ەلدەرى ىشىنەن جاڭا جۇڭگومەن ءبىرىنشى رەت ديپلوماتيالىق قارىم - قاتىناس ورناتقان ەل، كەلەر ايدا ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعىن قارسى الامىز. 65 جىلدان بەرى ەكى جاق ءوزارا قۇرمەتتەۋدەن جازباي، قارسى جاقتىڭ دەربەس، ءوز - وزىنە قوجايىن بولۋ جولىمەن ءجۇرۋىن قولدادى؛ تەڭدىك، ءوزارا تيىمدىلىكتەن جازباي، ساياسي شارت قويىلماعان ناقتى ىستەر سەلبەستىگىن ورىستەتتى؛ ءوزارا قارايلاسۋعا، كومەكتەسۋگە تاباندى بولىپ، قارسى جاق قيىنشىلىققا جولىققاندا ءوزارا قولداۋ كورسەتتى. جۇڭگو جاق گۆينەيا جاقپەن بىرگە جۇڭگو مەن گۆينەيانىڭ ءداستۇرلى دوستىعىن ويداعىداي جەتىلدىرىپ جانە ساۋلەلەندىرىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا باتىل قولداۋ كورسەتۋدى قالايدى. وسى رەتكى باسشىلار ءماجىلىسى العا قوياتىن كەلەلى شارالاردى بىرگە ويداعىداي تياناقتاندىرىپ، نەگىزدىك قۇرىلعىلار، بايلىقتى اشۋ، اۋىل - قىستاقتى دامىتۋ جانە كەدەيلىكتى ازايتۋ، ەمدەۋ، دەنساۋلىق ساقتاۋ سياقتى سالالارداعى سەلبەستىكتى كۇشەيتىپ، گۆينەيانىڭ بايلىق ابزالدىعىن دامۋدىڭ قوزعاۋشى كۇشىنە اينالدىرىپ، جۇڭگو مەن گۆينەيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ەكى ەل حالىقتارىن اناعۇرلىم ويداعىداي يگىلىككە كەنەلتۋىنە دەم بەرۋ كەرەك.

شي جينپيڭ بىلاي دەپ باسا دارىپتەدى: افريكا سياقتى وركەندەپ كەلە جاتقان ەلدەرمەن ىنتىماقتى، سەلبەستىكتى كۇشەيتۋ − جۇڭگو ديپلوماتياسىنىڭ ىرگە تاسى. جۇڭگو - افريكا سەلبەستىك تالقى مىنبەرى جۇڭگو مەن افريكانىڭ ناقتى سەلبەستىگىن ىلگەرىلەتۋدىڭ ءونىمدى مەحانيزمى عانا ەمەس، ونان دا ماڭىزدىسى، وڭتۇستىك - وڭتۇستىك سەلبەستىگىنىڭ تۋى. جۇڭگو جاق گۆينەيا جاقپەن تىعىز سەلبەسىپ، وسى رەتكى باسشىلار ءماجىلىسىنىڭ تابىستى بولۋىن ىلگەرىلەتۋدى، دۇنيە ءجۇزىنىڭ وڭتۇستىگىندەگى كۇشتەردى ۇيىستىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

دۋمبۋيا مىنالاردى ءبىلدىردى: جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ماجىلىسىنە قاتىناسۋ ءۇشىن جۇڭگوعا كەلگەندىگىمدى ەرەكشە داڭق سەزىنەمىن. گۆينەيا − ساحارانىڭ وڭتۇستىگىندەگى افريكا ەلدەرى ىشىنەن جاڭا جۇڭگومەن ءبىرىنشى رەت ديپلوماتيالىق قارىم - قاتىناس ورناتقان ەل، گۆينەيا ءبىر جۇڭگو ساياساتىنا تاباندى بولادى، دۇنيە جۇزىندە ءبىر عانا جۇڭگو، ياعني جۇڭحۋا حالىق رەسپۋبليكاسى بار دەپ مويىندايدى. ءتوراعا شي جينپيڭ جۇڭگوعا باسشىلىق ەتىپ وراسان زور دامۋ جەتىستىكتەرىنە قول جەتكىزدى، جۇڭگونىڭ دامۋىنداعى وزىق ۇستانىم مەن تابىستى تاجىريبەلەر گۆينەيا ءۇشىن باعالى ونەگە بولدى. جۇڭگونىڭ گۆينەيانىڭ ەكونوميكالىق، قوعامدىق دامۋىنا قاستەرلى قولداۋ كورسەتكەندىگىنە العىس ايتامىن، جۇڭگو كاسىپورىندارىنىڭ گۆينەياداعى قارجى قوسۋ سەلبەستىگى گۆينەيانىڭ ەكونوميكالىق دامۋى مەن حالىق تۇرمىسىنىڭ جاقسارۋىن جەبەدى، بۇل − ءوزارا پايدا جەتكىزىپ، تەڭ يگىلىككە كەنەلۋدىڭ ۇلگىسى. گۆينەيا جاق وسى رەتكى جۇڭگو ـ افريكا سەلبەستىك تالقى مىنبەرى باسشىلار ءماجىلىسىنىڭ تابىستى بولاتىندىعىنا، نەگىزدىك قۇرىلعى، ەنەرگيا، كەن، قاتىناس، ساياحات سياقتى سالالارداعى سەلبەستىكتىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتەتىندىگىنە سەنەدى.

ۋاڭ ي كەزدەسۋدە بىرگە بولدى.

    كەلۋ قاينارى: حالىق تورابى