سالماقتى اۋرۋدى ەمدەۋدى قامسىزداندىرۋدى ايىرىم ساتىپ الۋ كەرەك پە؟ مەملەكەتتىك ەمدەۋدى قامتاماسىزداندىرۋ مەڭگەرمەسى ءتۇسىندىردى 

سالماقتى اۋرۋدى ەمدەۋدى قامسىزداندىرۋدى ايىرىم ساتىپ الۋ كەرەك پە؟ قايدان ساتىپ الۋعا بولادى؟ 9 – ايدىڭ 10 – كۇنى وتكىزىلگەن مەملەكەتتىك كەڭەستىڭ اقپارات كەڭسەسىنىڭ اقپار جاريالاۋ ماجىلىسىندە، مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ باستىعى جاڭ كى مىنانى ءبىلدىردى: تەك قالا – اۋىل تۇرعىندارىنىڭ ەمدەلۋىن قامسىزداندىرۋعا قاتىناسسا بولعانى، سالماقتى اۋرۋدى ەمدەۋدى قامسىزداندىرۋ تولىمدىلىعىنا وزدىگىنەن يە بولادى، ونى ايىرىم ساتىپ الۋدىڭ قاجەتى جوق.

جاڭ كى بىلاي دەپ ءتۇسىندىردى: سالماقتى اۋرۋدى ەمدەۋدى قامسىزداندىرۋ — ەلىمىزدىڭ نەگىزدىك ەمدەۋدى قامسىزداندىرۋ جۇيەسىنىڭ ماڭىزدى مازمۇنىنىڭ ءبىرى. ەلىمىزدىڭ نەگىزدىك ەمدەۋدى قامسىزداندىرۋ جۇيەسىندەگى ءۇش ءىرى قامتاماسىزداندىرۋ جەكە – جەكە: نەگىزدىك ەمدەۋدى قامسىزداندىرۋ (اتاپ ايتقاندا، جۇمىسشى – قىزمەتكەرلەردىڭ ەمدەلۋىن قامسىزداندىرۋ، تۇرعىنداردىڭ ەمدەلۋىن قامسىزداندىرۋ)، قيىنشىلىعى بار جۇرتشىلىقتى ەمدەۋ جانە ولارعا كومەكتەسۋ، سونداي – اق، سالماقتى اۋرۋدى ەمدەۋدى قامسىزداندىرۋ.

جاڭ كى مىنانى ءبىلدىردى: تۇرعىنداردىڭ ەمدەلۋىن قامسىزداندىرۋعا قاتىناسقانداردىڭ سالماقتى اۋرۋدى ەمدەۋدى قامسىزداندىرۋدى ايىرىم ساتىپ الۋىنىڭ قاجەتى جوق، مۇنى كەيدە سەزىنە المايتىنىمىزدىڭ سەبەبى، ءبىز ”ءبىر بەكەت فورماسىندا ەسەپ جابۋدى“ جولعا قويعانبىز. ەگەر قامسىزداندىرۋعا قاتىناسۋشىلار ەمحانادا ەمدەلگەن كەزدە، وتە – موتە، بالنيتساعا جاتىپ ەمدەلگەن كەزدە، ءوزى تولەيتىن قاراجات ءمالىم مولشەردەن اسىپ كەتسە، سالماقتى اۋرۋدى ەمدەۋدى قامسىزداندىرۋ وزدىگىنەن ىسكە قوسىلىپ، ناۋقاستىڭ ءوزى تولەيتىن قاراجاتىن اناعۇرلىم كوپ ۇنەمدەۋىنە سەپتىگى تيەدى. ەمحانادان شىعۋ الدىندا ەسەپ جاساعان كەزدە ”سالماقتى اۋرۋدان قامسىزداندىرۋ قاراجاتىنان تولەۋ“ دەگەن ورىننان قاتىستى مازمۇنداردى تاۋىپ الۋعا بولادى.

كەلۋ قاينارى: حالىق تورابى