مادەنيەت جانە ساياحات مينيسترلىگى ورتاڭعى كۇز مەرەكەسىنىڭ دەمالىسىندا ساياحاتقا شىعۋعا قاتىستى ەسكەرتۋ جاريالادى 

مادەنيەت جانە ساياحات مينيسترلىگى ورتاڭعى كۇز مەرەكەسىنىڭ دەمالىسىندا ساياحاتقا شىعۋعا قاتىستى ەسكەرتۋ جاريالادى.

2024 – جىلعى ورتاڭعى كۇز مەرەكەسى تاياپ قالدى، مادەنيەت جانە ساياحات مينيسترلىگى بارشا ساياحاتشىلارعا مىنانى ەسكەرتەدى:

ءبىرىنشى، ساياحات ساپارىن ۇيلەسىمدى ورنالاستىرۋ. ساياحات، قوعام حاۋىپسىزدىگى، قاتىناس، اۋا رايى، سىرتقى ىستەر قاتارلى تاراۋلار جاريالاعان ساپارعا شىعۋعا ساياتىن ەسكەرتۋلەرگە كوڭىل ءبولىپ، قاتىناس، كليمات شارت – جاعدايى مەن حاۋىپسىزدىك جاعدايى ويداعىداي بولماعان جەرلەرگە ساپارلاي بارۋدان ساق بولعان ءجون. ساياحات جولى مەن ۋاقىتىن ۇيلەسىمدى جوسپارلاپ، تيجارات تولىمدىلىعى بار ساياحات سەرىكتەستىكتەرىن تاڭداعان دۇرىس. ىسكە قوسىلماعان، اشىق ۇستالماعان جەرلەرگە، حاۋىپسىزدىكتى قامتاماسىزداندىرۋى جەتكىلىكتى بولماعان وڭىرلەرگە ساپارلاي بارماعان ءجون.

ەكىنشى، ساقتىقتى ويداعىداي ىستەۋ. جوعارى كەڭىستىكتەگى نىساندار، تەز قارقىندى نىساندار، سۋ ۇستىندەگى نىساندار، سۋعا سۇڭگۋدى قاجەت ەتەتىن نىساندار، شارلاۋ تۇرىندەگى نىساندار قاتارلى حاۋىپ – قاتەر دارەجەسى جوعارى نىساندارعا قاتىناسقان كەزدە، ءوز دەنساۋلىق جاعدايىنا ساي، شاما – شارقىنا قاراي قاتىناسىپ، ساقتىق شارالارىن ويداعىداي ىستەۋ كەرەك. ءوزى اۆتوموبيىل جۇرگىزىپ ساياحاتتايتىندار اۆتوموبيلدىڭ جاعدايىن ساپارعا شىعۋدان بۇرىن تەكسەرۋى، شارشاعان كەزدە اۆتوموبيل جۇرگىزۋدەن جانە اراق ىشكەن سوڭ اۆتوموبيل جۇرگىزۋدەن ساق بولۋى كەرەك. موتورلى كولىكتى جۇرگىزگەن نەمەسە وعان وتىرعان كەزدە، الەۋمەتتىك قاتىناس قۇرالدارىمەن ساپارعا شىققان كەزدە، جول بويى باستان – اياق حاۋىپسىزدىك بەلبەۋىن تاققان ءجون. قايىقپەن سەيىلدەگەن كەزدە، بەلگىلەمە بويىنشا قۇتقارۋ كيىمىن كيۋ، قاجەتتى قۇتقارۋ اسپاپتارى دايىندالماعان سەيىلدەۋ كەمەسىنە وتىرۋدان باس تارتۋ كەرەك.

ءۇشىنشى، ءورت اپاتىنىڭ حاۋپىنەن ساقتانۋ. كۇز مەزگىلى بولعان سوڭ، اۋا رايى، كليمات شارت – جاعدايىندا ءتيىمسىز فاكتورلار ارتادى، ساياحات بارىسىندا ورتتەن ساقتانۋعا ايرىقشا كوڭىل ءبولۋ كەرەك. تاۋعا شوق الىپ شىقپاۋ، ءشوبى مەن اعاشى قالىڭ جەر، جاپىراقتار جينالعان جەر قاتارلى وڭاي جاناتىن زاتتار بار جەردە نەمەسە ورتتەن ساقتانۋ ەسكەرتۋى بار جەرلەردە تەمەكى شەكپەۋ، ەت قاقتاماۋ نەمەسە وتتان پايدالانباۋ كەرەك. سول ورىننىڭ ورتتەن ساقتانۋعا جانە باسقا حاۋىپسىزدىككە ساياتىن ءتۇرلى بەلگىلەمەلەرىنە قاتاڭ بويسۇنۋ قاجەت. مەيمانحاناعا قونعان كەزدە، شۇعىل جاعدايدا بىتىراتۋ جولدارىن ۇعىسىپ، سافاعا، توسەككە جانتايىپ جاتىپ تەمەكى شەكپەگەن ءجون.

ءتورتىنشى، ساياحاتقا وركەنيەتتىلىكپەن شىعۋدى دارىپتەۋ. ساپارعا شىعاردان بۇرىن ساياحاتتاپ باراتىن جەردىڭ سالت – سانا، ادەت – عۇرپىن ۇعىسۋ ءارى قۇرمەتتەۋ، ساپار بارىسىندا ءتۇرلى زاڭ – تۇزىمدەرگە، قوعامدىق ءمورال مەن الەۋمەتتىك تارتىپكە، تاماشا سالتقا بويسۇنۋ قاجەت. سول ورىنداردىڭ ەكسكۋرسيالاۋعا، سەيىلدەۋگە قاتىستى ەسكەرتۋلەرىنە قۇرمەت ەتىپ، ەكولوگيالىق ورتانى قورعاۋ، مادەني مۇرالار مەن ەجەلگى ەسكەرتكىشتەردى ايالاۋ قاجەت. ”تاماقتى تاۋىسىپ جەۋ ارەكەتىن“ سانالىلىقپەن امالياتتا ايگىلەپ، ساياحات بارىسىندا لاستانۋدى ازايتۋعا، ۇنەمشىل بولۋعا، جاسىل تيپتى ساياحاتتاۋعا قۇلشىنۋ كەرەك.

كەلۋ قاينارى: حالىق تورابى