رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامىتۋدا جاڭا جاعداي جاراتۋ كەرەك

9 - ايدىڭ 12 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گانسۋ ولكەسىنىڭ لانجوۋ قالاسىندا حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋدى جاپپاي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 9 - ايدىڭ 12 – كۇنى، لانجوۋ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 12 - كۇنى تۇستەن كەيىن گانسۋ ولكەسىنىڭ لانجوۋ قالاسىندا حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋدى جاپپاي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: پارتيا 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن مۇقيات دايەكتىلەندىرىپ، قورعاۋعا باسا ءمان بەرۋ، وڭاۋدى ءتۇيىن ەتۋ ستراتەگيالىق تالابىن مىقتى يگەرىپ، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، ەكولوگيانى الدىمەن ەسكەرۋگە، جاسىل دامۋعا تاباندى بولىپ، سۋ جاعدايىنا قاراي ىستەپ، سۋ ۇنەمدەۋدى الدىمەن ەسكەرۋگە تاباندى بولىپ، جەرگىلىكتى جاعدايعا قاراي ىستەپ، تۇرلەر بويىنشا شارا قولدانۋعا تاباندى بولىپ، ءبىر تۇتاس جوسپارلاپ، سايكەستى ىلگەرىلەتۋگە تاباندى بولىپ، تۇتاس اعارداعى ەكولوگيانى قورعاۋدى تىڭ ساتىعا كوتەرىپ، جاسىل دامۋعا بۇرىلىس جاساۋدا تىڭ ىلگەرىلەۋشىلىككە، جوعارى ساپالى دامۋدا جاڭا ونىمدىلىككە قول جەتكىزىپ، حالىق بۇقاراسىنىڭ تۇرمىسىن اناعۇرلىم جاقسارتىپ، حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامىتۋدا جاڭا جاعداي جاراتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اڭگىمە ماجىلىسىنە قاتىناستى.

اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، گانسۋ ولكەلىك پارتكومنىڭ شۋجيى حۋ چاڭشىڭ، شانشي ولكەلىك پارتكومنىڭ شۋجيى جاۋ ي - دى، حىنان ولكەلىك پارتكومنىڭ شۋجيى لوۋ ياڭشىڭ ىلگەرىندى - كەيىندى ءسوز سويلەپ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋدى ىلگەرىلەتۋ قىزمەت جاعدايلارىنان مالىمەت بەرىپ، ۇسىنىس - پىكىر ايتتى. اڭگىمە ماجىلىسىنە قاتىناسقان باسقا ولكە، اۆتونوميالى رايونداردىڭ نەگىزگى جاۋاپتىلارى جازباشا ءسوز تاپسىردى.

كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: پارتيا ورتالىق كوميتەتى حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ ستراتەگياسىن العا قويعاننان بەرى حۋاڭحى وزەنى الابىنىڭ ەكولوگيالىق ورتاسىنىڭ ساپاسى ورنىقتى جوعارىلاپ، سۋ حاۋىپسىزدىگىن قامتاماسىز ەتۋ قابىلەتى ۇزدىكسىز كۇشەيىپ، ەنەرگيا جانە استىق حاۋىپسىزدىگى نەگىزى ۇزدىكسىز بەكەمدەلىپ، جوعارى ساپالى دامۋداعى كورىنەۋ تۇيىندەر كوپتەپ جارىققا شىقتى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ اناعۇرلىم جوعارى باستاماعا كوتەرىلدى. سونىمەن بىرگە، ءالى دە كوپتەگەن قيىن ماسەلەنى ىشكەرىلەي شەشۋگە تۋرا كەلەتىندىگىن كورە ءبىلۋىمىز كەرەك.

شي جينپيڭ بىلاي دەپ باسا دارىپتەدى: حۋاڭحى وزەنى الابىنىڭ ەكولوگياسىن جاپپاي قورعاۋ، جاپپاي سايكەستىرۋ جاعدايىن ۇزدىكسىز كەمەلدەندىرىپ، مەملەكەتتىڭ ەكولوگيالىق حاۋىپسىزدىك قالتقىسىن بەكەمدەۋ كەرەك. حۋاڭحى وزەنى ەكولوگياسىن وڭاۋدىڭ جۇيەلىلىگىن، تۇتاس تۇلعالىلىعىن، سايكەستىلىگىن اناعۇرلىم كورنەكتەندىرىپ، جوعارعى، تومەنگى اعارداعى ءبىر تۇلعالانعان ەكولوگيالىق ورتانى وڭاۋ جۇيەسىن ورناتۋدى ىلگەرىلەتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسىن ىشكەرىلەي اتقارىپ، اعارلار ەكولوگيالىق جۇيەسىنىڭ ورنىقتىلىعىن جوعارىلاتۋ كەرەك. ”ءۇش تەرىستىك“ ىقتاسىن ورمانى ينجەنەرياسىندا بىرلەسىپ ساقتانۋ، بىرلەسىپ باسقاردى كۇشەيتىپ، جالپى تۇلعالىق ونىمدىلىكتى جوعارىلاتۋ كەرەك. كومىر قازىلىپ ويىلعان وڭىرلەر ەكولوگياسىن جالپىلىق وڭاۋدى كۇشەيتىپ، بايلىق قاينارىندىق وڭىرلەردە ارتۋ فورماسىنا بۇرىلىس جاساپ دامۋ جاڭا جولىن بەلسەنە قاراستىرۋ كەرەك. لاستانۋدان ساقتانۋ - وڭاۋدان قامال الۋ شايقاسىن ۇزدىكسىز ىشكەرىلەي جۇرگىزىپ، ماڭىزدى تارماق وزەندەر مەن ءتۇيىندى كول - سۋ قويمالارىن باسقارۋدى كۇشەيتىپ، وزەن - كول جاعالاۋىنداعى وڭىرلەردىڭ ەكولوگيالىق ورتا نەگىزدىك قۇرىلعىلار قۇرىلىسىن ويداعىداي جۇرگىزۋ كەرەك. اتموسفەرانىڭ لاستانۋىن جالپىلىق وڭاۋدى كۇشەيتىپ، ءتۇيىندى كاسىپ سالالارىن لاس زاتتاردى بارىنشا از شىعاراتىن ەتىپ قايتا قۇرۋدى جەدەلدەتىپ، كومىردەن تازا، ءونىمدى پايدالانۋدى بارىنشا ىلگەرىلەتىلۋ كەرەك. ”بىتىراڭقى، بىلىققان، لاستاۋشى“ كاسىپورىنداردى زاڭ بويىنشا باسقاىرپ، حاۋىپ - قاتەر قاينارىن ءونىمدى تىزگىندەۋ كەرەك. جاسىل، تومەن كومىرتەكتى دامۋعا قولداۋ كورسەتەتىن قازىنا - سالىق، فينانس، قارجى قوسۋ، باعا ساياساتى جانە ولشەم جۇيەسىن اتقارۋ، ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن اقاۋسىزداندىرۋ كەرەك. تۇتاس اعارداعى، بازارلانعان، كوپ نەگىزدى ەكولوگيانى قورعاۋعا تولىقتاما بەرۋ مەحانيزمىن ورناتۋ جاعىندا ىزدەنىس جاساۋ كەرەك.

شي جينپيڭ بىلاي دەپ اتاپ كورسەتتى: سۋ بايلىعىن قورعاۋ - پايدالانۋداعى ەڭ قاتاڭ ءتۇزىمدى اتقارىپ، سۋ بايلىعىنان ۇنەمدى، شوعىرلى پايدالانۋ دەڭگەيىن جوعارىلاتۋ كەرەك. سۋ بايلىعىن اشۋ - پايدالانۋدىڭ جوعارى شەگىن قاتاڭ ساقتاپ، سۋعا قاراي قالانى، سۋعا قاراي جەردى، سۋعا قاراي حالىق سانىن، سۋعا قاراي ءونىمدى بەلگىلەۋ شارالارىن ايقىنداپ، تۇتاس وزەن الابىن قامتىعان سۋدان پايدالانۋ جالپى مولشەرىن تىزگىندەۋ جۇيەسىن اقاۋسىزداندىرىپ،، نەگىزگى جانە تارماق اعارلارداعى سۋ بايلىعىن عىلمي ورنالاستىرۋ كەرەك. جەر استى سۋ دەڭگەيىن مەڭگەرۋدى كۇشەيتىپ، ورتا - تومەنگى اعارداعى جەر استى سۋىن قالىپتان تىس اشۋدى باسقارۋ تەبىنىن ارتتىرۋ كەرەك. اۋىز سۋ قاينارلارىن قورعاۋدى كۇشەيتۋ كەرەك. ”1987 - جىلعى سۋ ءبولىس جوباسىن“ ورنىقتى ساپالىلاندىرۋ جانە رەتتەۋ كەرەك. سۋ ۇقىعى ساۋداسىن ىلگەرىلەتۋ جونىندە بەلسەنە ىزدەنىس جاساپ جانە ارناعا ءتۇسىرىپ، سۋ بايلىعى اقىسىن سالىققا وزگەرتۋدى جاپپاي اتقارۋ كەرەك. سۋ ۇنەمدەۋ قيمىلىن اتقارىپ، سۋ ۇنەمدەيتىن قوعام قۇرۋدى جەدەلدەتۋ كەرەك.

شي جينپيڭ بىلاي دەپ باسا دارىپتەدى: اپاتتان ساقتانۋ، اپات زيانىن ازايتۋ جۇيەسىن كەمەلدەندىرىپ، حۋاڭحى وزەنىنىڭ تىنىشتىعىن بار كۇشپەن قامتاماسىز ەتۋ كەرەك. سۋ مەن قۇمدى رەتتەۋ مەحانيزمىن اقاۋسىزداندىرىپ، تىرەكتى سۋ قويمالارى سياقتى كەلەلى سۋ يگىلىگى ينجەنەريالارىن نەگىز ەتكەن تىزگىندەۋ جۇيەسىن كەمەلدەندىرۋ كەرەك. نەگىزگى اعاردا ءتۇيىندى وزەن بولەكتەرىن، قاتەرلى بولەكتەردى باسقارۋدى ىلگەرىلەتىپ، ماڭىزدى توسپا، سۋ قويمالارى مەن نەگىزدىك قۇرىلعىلاردىڭ حاۋىپسىزدىگىنە كەپىلدىك ەتۋ كەرەك. حۋاڭحى سۋ يگىلىگى تورابى كەلەلى ينجەنەرياسىن ءبىر تۇتاس جوسپارلاپ ىلگەرىلەتۋ كەرەك. اپاتتى باقىلاۋ، الدىن الا سيگنال بەرۋ، ساقتاندىرۋ جانە شۇعىل جاعدايعا توتەپ بەرۋ ۇندەۋىن كۇشەيتۋ كەرەك. حاۋىپ - قاتەردى تەكسەرۋ، حاۋىپ - قاتەردى جويۋ تەبىنىن ارتتىرۋ، اپاتتان ساقتانۋ، اپات زيانىن ازايتۋ ۇگىت - تاربيەسىن جانە ۇدايىلانعان، ناقتى شايقاس سيپاتىنداعى جۇمىلدىرۋ جاتتىعۋىن كۇشەيتۋ كەرەك.

شي جينپيڭ بىلاي دەپ اتاپ كورسەتتى: دامۋ فورماسىندا جاپپاي جاسىل تيپكە بۇرىلىس جاساۋدى ىلگەرىلەتۋ، ەرەكشە ابزالدىققا يە وسىزامانعى كاسىپ جۇيەسىن قۇرۋ كەرەك. استىق جانە ماڭىزدى اۋىل شارۋاشىلىق ونىمدەرى ءوندىرىسىن استە بوساڭسىتپاي مىقتى يگەرىپ، اۋىل شارۋاشىلىق عىلىم – تەحنيكاسىمەن جانە جابدىقتارىمەن سۇيەمەلدەۋدى كۇشەيتىپ، اۋىل شارۋاشىلىعىندا ۇيلەسىمدى كولەمدەگى تيجاراتتى دامىتىپ، جەرگىلىكتى جاعدايعا قاراي ەرەكشەلىككە يە، ابزالدىعى بار اۋىل شارۋاشىلىعىن دامىتۋ كەرەك. قۋاڭشىلىققا، سۋ اپاتىنا توتەپ بەرىپ مول ءونىم الۋعا كەپىلدىك ەتەتىن جوعارى ولشەمدى ەگىس اتىزدارىن قۇرىپ، سورتاڭ جەرلەردى جالپىلىق وزگەرتىپ پايدالانۋدى مىقتى يگەرىپ، ەگىستىك جەردىڭ ساپاسىن كۇش سالا جوعارىلاتۋ كەرەك. كەلەلى نىساندار قۇرىلىسىن ورنالاستىرۋدى ساپالىلاندىرىپ، جەر بەتى اعىن سۋلارىنا، جەر استى سۋىنا جاسايتىن ىقپالدى ەڭ زور دارەجەدە تومەندەتۋ كەرەك. جاسىل، تومەن كومىرتەكتى ەكونوميكانى زور كۇشپەن دامىتىپ، ءىرى تۇرپاتتى جەل ەلەكتر، فوتوۆولت بازاسى جانە سىرتقا ەلەكتر جەتكىزۋ ارناسىن جوبالاۋ قۇرىلىسىن تارتىپپەن ىلگەرىلەتىپ، ءتۇيىندى كاسىپ سالالارىندا تازا ەنەرگيا ارقىلى ورىن باستىرۋدى جەدەلدەتۋ كەرەك. كاسىپ سالاسى عىلىم - تەحنيكاسىندا جاڭالىق جاراتۋ قۋاتىن كۇش سالا جوعارىلاتىپ، ءتۇيىندى كاسىپتەردە ەنەرگيا ۇنەمدەۋ، كومىر قىشقىل گازىن شىعارۋ مولشەرىن تومەندەتۋدى جانە جابدىقتاردى جاڭالاۋدى ىلگەرىلەتىپ، ستراتەگيالىق جاڭادان گۇلدەنگەن كاسىپ سالالارىن، وزىق جاساۋ كاسىبى شوعىرىن زورايتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. ءوڭىر ىشىندە جوعارى مەكتەپتەر، عىلمي زەرتتەۋ ورىندارى سياقتىلاردىڭ تەحنيكانى وتكىزىپ بەرۋ جانە كاسىپ سالالاندىرۋعا قىزمەت وتەۋ مەحانيزمىن قۇرۋىنا دەم بەرىپ، كاسىپ سالاسى تىزبەگىنىڭ، جاڭالىق جاراتۋ تىزبەگىنىڭ سايكەسۋ دەڭگەيىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: رەفورمانى جاپپاي تەرەڭدەتىپ، ەسىك اشۋدى كەڭەيتىپ، جوعارى ساپالى دامۋعا قوزعاۋشى كۇش ۇستەۋ كەرەك. مەملەكەت بويىنشا بىرلىككە كەلگەن ءىرى بازار قۇرىلىسىنا ىشكەرىلەي ات سالىسىپ، ءتۇرلى فورماداعى جەرگىلىكتكتى قورعامپازدىقتى باتىل جويۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىقتىق شارۋاشىلىقتىڭ دامۋىن، زورايۋىن جەبەۋ ساياساتتىق شارالارىن جاپپاي تياناقتاندىرۋ كەرەك. وڭىرلىك ەكونوميكالىق ورنالاستىرۋ مەن مەملەكەت جەر بايلىعى اياسى جۇيەسىن قۇرىپ، ەرەكشە ءىرى قالالاردا ماندىك دامۋ جولىمەن ءجۇرىپ، حۋاڭحى وزەنى جاعالاۋىنداعى قالالار شوعىرىندا حالىق سانىنىڭ شوعىرلانۋ ورەسىن جانە كاسىپ سالاسىنىڭ سەلبەستىك قابىلەتىن جوعارىلاتۋ كەرەك. قاتىناس، ەنەرگيا، سۋ يگىلىگى سياقتى ولكە، اۆتونوميالى رايون اتتاعان كەلەلى نەگىزدىك قۇرىلعىلار جۇيەسىن كەمەلدەندىرىپ، جاڭاشا نەگىزدىك قۇرىلعىلار قۇرىلىسىن ىلگەرىلەتۋ كەرەك. باسقا وڭىرمەن ستراتەگيالىق ۇشتاسۋدى كۇشەيتىپ، ەركىن ساۋدا سىناق رايونى قۇرىلىسىنىڭ سايكەسۋىن، ىقپالداستىعىن جەبەۋ كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا بەلسەنە ات سالىسىپ، جوعارى دەڭگەيدە سىرتقا ەسىك اشۋ ارقىلى دامۋ اياسىن كەڭەيتۋ كەرەك.

شي جينپيڭ بىلاي دەپ اتاپ كورسەتتى: جاڭاشا قالا - قالاشىقتاندىرۋدى جانە اۋىل - قىستاقتى كوركەيتۋدى ءبىر تۇتاس جوسپارلاپ، حالىقتىڭ ىرىس - قۇتىن ورنىقتى ارتتىرۋ كەرەك. ءىرى، ورتا، شاعىن قالالار مەن شاعىن قالا - قالاشىقتاردى سايكەستى دامىتۋعا جەتەكتەپ، اۋدان ورتالىعىنىڭ كاسىپ سالاسى مەن حالىق سانىنىڭ كوتەرىمدىلىك قۋاتىن جوعارىلاتىپ، ەكولوگياسى ءالسىز رايونداردىڭ كوتەرىمدىلىك قىسىمىن جەڭىلدەتۋ كەرەك. اۋدان ورتالىعىنىڭ قالانى تۇتاستىرۋ، اۋىل - قىستاقتى جەتەكتەۋ رولىن اناعۇرلىم ويداعىداي ساۋلەلەندىرىپ، اۋدان وڭىرىندە قالا مەن اۋىلدىڭ توعىسپالى دامۋىن الدىمەن جۇزەگە اسىرۋ كەرەك. قىستاق قۇرىلىسىن تۇرگە ءبولىپ ىلگەرىلەتىپ، قونىستانۋعا، كاسىپكە قولايلى جانە كوركەم اۋىل - قىستاق قۇرۋ كەرەك. جالپىعا ءتيىمدى، نەگىزدىك، ەڭ تومەنگى شەكتەن تۇسىرىلمەيتىن حالىق تۇرمىسىن قامتاماسىزداندىرۋدى كۇشەيتۋ كەرەك. جۇمىستاندىرۋدى كورنەكتى ورىنعا قويىپ، قالا - قالاشىقتا كاسىپ سالاسىن دامىتۋدا جانە اۋىل - قىستاق كاسىپ سالاسىن جەتىلدىرۋدە جۇمىستاندىرۋ سيىمدىلىعىن كەڭەيتۋگە ءمان بەرۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ جانە كەڭەيتىپ، كولەمدى قايتا كەدەيلەسۋدەن ساقتانۋ كەرەك. پارتيانىڭ جاڭا داۋىردەگى ۇلت قىزمەتى جونىندەگى كەلەلى باعىت - ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعىندا وزات ورىن قۇرۋدى ىشكەرىلەي جۇرگىزىپ، ۇلت، ءدىن ىستەرىن زاڭ بويىنشا باسقارىپ، جۇڭحۋا ۇلتى ورتاق تۇلعاسى تانىمىن بەكەمدەۋ كەرەك.

شي جينپيڭ بىلاي دەپ باسا دارىپتەدى: حۋاڭحى وزەنى الابى − جۇڭحۋا ۇلتى مەن جۇڭحۋا وركەنيەتىنىڭ ماڭىزدى باستاۋ كوزى، حۋاڭحى وزەنى مادەنيەتىن ويداعىداي قورعاپ، ساۋلەلەندىرىپ، تاريحي مادەنيەت جۇلگەسى مەن ۇلت مادەنيەتىنىڭ جان تامىرىن ويداعىداي جالعاستىرۋ كەرەك. مادەني مۇرالار مەن جاراتىلىستىق مۇرالاردى تۇتاس تۇلعالىق، جۇيەلى قورعاۋدى كۇشەيتىپ، ارحەولوگيا سياقتى قىزمەتتەردى ىشكەرىلەي ىلگەرىلەتۋ كەرەك. توڭكەرىستىك مادەنيەت بايلىعىن ويداعىداي قورعاپ، توڭكەرىستىك مادەنيەتتى اسقاقتاتىپ، سوتسياليستىك وزىق مادەنيەتتى دامىتۋ كەرەك. حۋاڭحى وزەنى مادەنيەتىنىڭ داۋىرلىك قۇنىن ىشكەرىلەي اشىپ، جۇڭحۋا ۇلتىنىڭ تالىقپاي تالپىناتىن، قاجىماس ۇلتتىق قاسيەتى مەن كۇرەس رۋحىن تولىق ايگىلەۋ كەرەك. مادەنيەت پەن ساياحاتتىڭ توعىسپالى دامۋىن ىلگەرىلەتىپ، حالىقارالىق ىقپالعا يە حۋاڭحى وزەنى مادەنيەت، ساياحات بەلدەۋىن قۇرۋ كەرەك.

شي جينپيڭ بىلاي دەپ اتاپ كورسەتتى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىقتىڭ وڭىرلىك سايكەستى دامۋعا باسشىلىق ەتۋ گرۋپپاسى ءبىر تۇتاس جوسپارلاپ سايكەستىرۋدى جانە قۋزاۋ - جەتەكشىلىك ەتۋدى كۇشەيتىپ، ورتالىقتاعى قاتىستى تاراۋلار ىرىقتىلىقپەن ناتيجە جاراتىپ، قولداۋ سەرپىنىن ارتتىرىپ، حۋاڭحى وزەنى جاعالاۋىنداعى ولكەلىك، اۆتونوميالى رايوندىق پارتكوم مەن ۇكىمەت نەگىزگى تۇلعالىق جاۋاپكەرشىلىكتى ارقالاپ، قوعامداعى ءار جاقتىڭ بەلسەندىلىگىن تولىق جۇمىلدىرىپ، ءبىر نيەتپەن سەلبەسىپ، جاڭا داۋىردەگى ”“حۋاڭحى وزەنى حورىن“ اسقاقتاتا شىرقاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم زور ۇلەس قوسۋى كەرەك.

شي جينپيڭ سوڭىندا بىلاي دەپ باسا دارىپتەدى: جەر - جەر، تاراۋلار پارتيا ورتالىق كوميتەتىنىڭ ەكونوميكالىق قىزمەت جونىندەگى ورنالاستىرۋلارىن جانە ءتۇرلى كەلەلى شارالارىن مۇقيات دايەكتىلەندىرىپ، تياناقتاندىرىپ، 3 - توقساننىڭ سوڭى مەن 4 - توقسانداعى ەكونوميكالىق قىزمەتتەردى ويداعىداي يگەرىپ، تۇتاس جىلداعى ەكونوميكالىق، قوعامدىق دامۋدىڭ نىسانا مىندەتتەرىن قۇلشىنا ورىنداۋى كەرەك.

ديڭ شۋەشياڭ سوزىندە مىنالاردى ءبىلدىردى: پارتيا 20 - قۇرىلتايىنىڭ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەكولوگيانى الدىمەن ويلاستىرۋعا، جاسىل دامۋعا تاباندى بولىپ، حۋاڭحى وزەنى الابىنىڭ ەكولوگياسىن قورعاۋدىڭ جانە جوعارى ساپالى دامىتۋدىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك. جاپپاي قورعاۋدى شەشۋشى مىندەت ەتۋگە تاباندى بولىپ، ورتانىڭ لاستانۋىنان ساقتانۋ - وڭاۋدى ىشكەرىلەي ىلگەرىلەتىپ، مەملەكەتتىڭ بەرىك، پارمەندى ەكولوگيالىق حاۋىپسىزدىك قالتقىسىن جەدەل ورناتۋ كەرەك. ”ادام مەن سۋدىڭ قاتىناسى“ سىندى كەلەلى ءىستى دەن قويا ويداعىداي ىستەپ، سۋ جاعدايىنا قاراي قالا ىستەرىن، سۋ جاعدايىنا قارا وڭىرلىك ىستەردى، سۋ جاعدايىنا قاراي حالىق سانى ىستەرىن، سۋ جاعدايىنا قاراي ءونىم مولشەرىن تۇراقتاندىرۋ پرينسيبىن جان - جاقتى دايەكتىلەندىرىپ، تۇتاس وزەن الابىنىڭ سۋ بايلىعىن عىلمي ورنالاستىرۋ كەرەك. نەگىزگى تۇلعالىق فۋنكتسيالىق دەڭگەيگە ساي، ءوز جەرلەرىنىڭ سالىستىرمالى ابزالدىعىن ساۋلەلەندىرىپ، كاسىپ سالاسى عىلىم - تەحنيكاسىندا جاڭالىق جاراتۋ قابىلەتىن كۇش سالا جوعارىلاتىپ، جەرگىلىكتكى جاعدايعا قاراي جاڭاشا وندىرگىش كۇشتەردى دامىتۋ كەرەك. رەفورما جاساپ، ەسىك اشۋدى جاپپاي تەرەڭدەتىپ، بۇكىل ەلدىڭ بىرلىككە كەلگەن ءىرى بازار قۇرىلىسىنا اناعۇرلىم ويداعىداي ات سالىسىپ، ىشكە، سىرتقا ەسىك اشۋدىڭ كەڭدىگى مەن تەرەڭدىگىن ارتتىرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامىتۋعا قۇدىرەتتى قوزعاۋشى كۇش جانە ومىرشەڭدىك كۇش قوسۋ كەرەك.

حى ليفىڭ، ۋ جىڭلۇڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى ولكە، اۆتونوميالى رايوندارداعى جاۋاپتى جولداستار اڭگىمە ماجىلىسىنە قاتىناستى.

كەلۋ قاينارى: حالىق تورابى