لي چياڭ حالىقارالىق اتوم ەنەرگياسى قۇرىلىمىنىڭ 68 - كەزەكتى جينالىسىنا قۇتتىقتاۋ حاتىن جولدادى

شينحۋا اگەنتتىگى، 9 - ايدىڭ 18 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 9 - ايدىڭ 16 – كۇنى حالىقارالىق اتوم ەنەرگياسى قۇرىلىمىنىڭ 68 - كەزەكتى جينالىسىنا قۇتتىقتاۋ حاتىن جولدادى.

لي چياڭ الدىمەن جۇڭگو ۇكىمەتى اتىنان جينالىستىڭ اشىلعاندىعىن قۇتتىقتادى. ول بىلاي دەپ اتاپ كورسەتتى: يادرو ەنەرگياسى − ماڭىزدى تازا ەنەرگيا. ءتوراعا شي جينپيڭ ءادىل، سەلبەسكەن، تەڭ يگىلىككە كەنەلەتىن حالىقارالىق يادرو حاۋىپسىزدىگى جۇيەسىن ورناتۋدى العا قويدى. جۇڭگو حالىقارالىق اتوم ەنەرگياسى قۇرىلىمىنا كىرگەن 40 جىلدان بەرى باستان - اياق ءىس جۇزىندىك ارەكەتى ارقىلى حالىقارالىق اتوم ەنەرگياسى قۇرىلىمىنىڭ قىزمەتىن قولداپ كەلەدى، ەكى جاق يادرو ەنەرگياسىن اشۋ، پايدالانۋ، يادرو حاۋىپسىزدىگى جانە يادرو حاۋىپسىزدىگىن قورعاۋ، قامتاماسىز ەتۋ، باقىلاۋ جانە كەڭەيۋدەن ساقتانۋ سياقتى سالالاردا جان - جاقتى سەلبەستىك ورناتىپ، سۇبەلى تابىستارعا قول جەتكىزىپ، دۇنيە ءجۇزىنىڭ يادرو ەنەرگياسىن باسقارۋ مەن دامىتۋعا ماڭىزدى كۇش قوستى.

لي چياڭ مىنانى ءبىلدىردى: جۇڭگو حالىقارالىق اتوم ەنەرگياسى قۇرىلىمىمەن جانە باسقا دا مۇشە ەلدەرمەن سەلبەستىكتى اناعۇرلىم كۇشەيتىپ، دۇنيە ءجۇزىنىڭ يادرو ەنەرگياسىن باسقارۋدىڭ اناعۇرلىم ءادىل، ۇيلەسىمدى بولۋىن، يادرو ەنەرگياسىنىڭ دامۋىنىڭ اناعۇرلىم جالپىعا ءتيىمدى، سيىسىمدى بولۋىن، يادرو ەنەرگياسى سەلبەستىگىنىڭ اناعۇرلىم اشىق، ءتارتىپتى بولۋىن قول ۇستاسا ىلگەرىلەتۋدى قالايدى.

كەلۋ قاينارى: حالىق تورابى