ەڭبەكاقىنى الدىن الا تاراتاتىن بولدى

جۇڭچيۋ مەرەكەسىن وتكىزىپ بولىپ، ەندى مەملەكەت مەرەكەسىن قارسى الۋ الدىندا تۇرمىز، بيىلعى مەملەكەت مەرەكەسىنە 10 – ايدىڭ 1- كۇنىنەن 7 – كۇنىنە دەيىن جيىنى 7 كۇن دەمالىس بەرىلەدى، 9 – ايدىڭ 29 – كۇنى (جەكسەنبى) جانە 10 – ايدىڭ 12 – كۇنى (سەنبى) قالىپتى قىزمەت كۇنى بولادى.

بۇل ادامداردىڭ ەڭبەكاقىسى الدىن الا تاراتىلادى

مەملەكەت مەرەكەسىنىڭ ۇزاق دەمالىسى دا كەلىپ جەتتى، ايلىق ەڭبەكاقىسىن ءار ايدىڭ 1 - كۇنىنەن 7 – كۇنىنە دەيىنگى ارالىقتا الاتىندارىڭىز ەڭبەكاقىلارىڭىزدى الدىن الا الاتىن بولاسىزدار.

«ەڭبەكاقى بەرۋ تۋرالى ۋاقىتشا اتقارىلاتىن بەلگىلەمەنىڭ» 7 – تارماعىنا نەگىزدەلگەندە، ەڭبەكاقى، ءسوز جوق، ادام ىستەتۋشى ورىن مەن ەڭبەكشىنىڭ كەلىسكەن ۋاقىتىندا بەرىلۋى كەرەك. ەگەر مەرەكە دمالىسى نەمەسە دەمالىس كۇندەرىنە تۋرا كەلسە، دەمالىسقا ەڭ جاقىن قىزمەت كۇنىندە الدىن الا بەرۋ كەرەك. ەڭبەك اقى كەمىندە ءبىر ايدا ءبىر رەت بەرىلۋى كەرەك، اپتالىق، كۇندىك، ساعاتتىق ەڭبەكاقى تۇزىمىن قولداناتىندار اپتا، كۇن، ساعات سايىن ەڭبەكاقى تاراتۋى كەرەك.

كوپتەگەن ورىندار ءار ايدىڭ 5 - كۇنىنەن بۇرىن ەڭبەكاقى تاراتادى، بۇل كوپتەگەن ورىنداردىڭ مەملەكەت مەرەكەسى دەمالىسىنا قارسى 9 – ايدىڭ اياعىندا ەڭبەكاقى تاراتاتىندىعىن بىلدىرەدى.

ۇستەمە جۇمىس ىستەگەندە ەڭبەكاقى قالاي ەسەپتەلىنەدى؟

مەملەكەت مەرەكەسى دەمالىسىندا ۇستەمە جۇمىستىڭ اقىسى قالاي ەسەپتەلىنەدى؟

10 - ايدىڭ 1 -، 2 -، 3 – كۇندەرى ۇستەمە جۇمىس ىستەگەندەر: وسى 3 كۇن زاڭدا بەلگىلەنگەن دەمالىس كۇنىنە جاتادى. ادام ىستەتۋشى ورىن ەڭبەكشىنى زاڭدا بەلگىلەنگەن دەمالىس كۇنىندە ۇستەمە جۇمىس ىستەۋگە ورنالاستىرسا، سول ادامنىڭ كۇندىك ەڭبەك اقىسىنىڭ %300 ىنەن تومەن بولماعان ەڭبەكاقى بەرۋى كەرەك، بۇل ەڭبەكاقىنى دەمالىس كۇنىنە ايىرباستاۋعا بولمايدى.

10 – ايدىڭ 4 -، 5 -، 6 -، 7 - كۇندەرى ۇستەمە جۇمىس ىستەگەندەر: بۇل 4 كۇن دەمالىس كۇنىنە جاتادى. ادام ىستەتۋشى ورىن ەڭبەكشىنى دەمالىس كۇنىندە ۇستەمە جۇمىس ىستەۋگە ورنالاستىرسا ءارى بۇل دەمالىستى تولىقتاپ بەرۋدى ورنالاستىرا الماسا، ەڭبەكشىنىڭ كۇندىك ەڭبەكاقىسىنىڭ %200 ىنەن تومەن بولماعان ەڭبەكاقى بەرۋى كەرەك.

كەلۋ قاينارى: حالىق تورابى