يۇننان ساياحات كاسىبىنىڭ جوعارى ساپالى دامۋىن جەدەل ىلگەرىلەتتى

تاۋ – سۋ كورىنىسى كوركەم، تاس ورماندارى كوز تارتادى، بۇل كۇندە ساياحات يۇنناننىڭ التىن ماڭدايشالىعىنا اينالعان.

2020 - جىلى 1 - ايدا باس شۋجي شي جينپيڭ يۇنناندا قىزمەت تەكسەرگەندە بىلاي دەپ باسا دارىپتەدى: ”ساياحات بازارىنداعى بىلىقپالىقتى زاڭ بويىنشا رەتتەۋ - جونگە سالۋدىڭ تابىسىن بەكەمدەپ، ساياحات كاسىبىنىڭ ۇزدىكسىز اقاۋسىز دامۋىن ىلگەرىلەتۋ كەرەك“.

باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان يۇننان ولكەسى تاياۋ جىلداردان بەرى ساياحات بايلىعىنىڭ جاڭا ابزالدىعىن تولىق اشىپ، ساياحات تۇتىنۋىنىڭ جاڭا قاجەتىنە ىرىقتىلىقپەن سايكەسىپ، ساياحاتتىڭ جاڭا قامداۋىن ۇزدىكسىز بايىتىپ، ساياحات بازارىن جونگە سالۋدى ۇزدىكسىز كۇشەيتىپ، ساياحات كاسىبىنىڭ جوعارى ساپالى دامۋىن جەدەل ىلگەرىلەتتى.

بيىلعى مەملەكەت مەرەكەسى دەمالىسىندا يۇننان ولكەسىندەگى 4A دارەجەلىدەن جوعارى 189 ساياحات كورىنىس رايونى 8 ميلليون 992 مىڭ 700 ادام - رەت ساياحاتشى قابىلداپ، سالىستىرمالى ولشەم بويىنشا سايكەس مەزگىلدەگىدەن %9.91 ارتتى؛ ساياحات قاراجاتى 47 ميلليارد 240 ميلليون يۋانعا جەتىپ، سالىستىرمالى ولشەم بويىنشا سايكەس مەزگىلدەگىدەن %8.9 ارتتى.

كاسىپ كۇيىندە جاڭالىق اشۋدى يگەردى –

ەرەكشە بايلىق قاينارىن اشىپ، جاڭا كەشىرمەلەر ازىرلەدى. ”جاياۋ ءجۇرۋ + ساڭىراۋقۇلاق جيناۋ“ ءتاسىلى ارقىلى گاۋليگۇڭ تاۋىن بارلاپ كورەدى، الىستان كەلگەن ساياحاتشى ۋاڭ جياۋ ايرىقشا شاتتانىپ: ”ورماننىڭ اۋا ساپاسى جاقسى، ساڭىراۋقۇلاق جيناۋمەن بىرگە، حايۋانات، وسىمدىك جونىندە مول ءبىلىم ۇيرەندىم“ دەدى. ەكولوگيالىق بايلىققا سۇيەنىپ، ورگانيزمدەردىڭ الۋان تۇرلىلىگى ساياحاتىن زور كۇشپەن دامىتىپ، شيشۋاڭباننا ىستىق بەلدەۋ جاڭبىرلى ورمان جەلىسى، پۋىرجيڭ مايشان بايىرعى شاي ورمان جەلىسى، يۇيشي چىڭجياڭ بايىرعى بيولوگيالىق تاس جەلىسى سياقتى كوپتەگەن سارا جەلىلەردى العا قويدى.

جاڭا قاجەتكە سايكەسىپ، جاڭا جاعدايدى كەڭەيتتى. ”ساڭشاندا جۇپ قۇراپ، ارحايدا سەرتتەستى“، 2023 – جىلى داليدى تاڭداپ توي سالتىن وتكىزۋ مولشەرى 4400 رەتتەن استى، ولاردىڭ %90 تەن استامى باسقا ولكەدەن كەلدى.

ساياحات ونىمدەرىمەن قامداۋدا جاسامپازدىق جاراتقان يۇننان ولكەسى جەرگىلىكتى جاعدايعا قاراي اۋىل - قىستاق ساياحاتى، كۇتىنۋ ساياحاتى، شەكارا اتتاعان ساياحات، دەنە تاربيە ساياحاتى، زەرتتەۋ - ۇيرەنۋ ساياحاتى سياقتى كاسىپ كۇيىن دامىتىپ، ساياحاتشىلاردىڭ جوعارى ساپالى، كوپ نەگىزدى قاجەتىن قاناعاتتاندىردى.

مادەنيەت پەن ساياحاتتىڭ توعىسۋىن جەبەدى −

ليجياڭ بايىرعى قالاسىندا سەيىل قۇرساڭىز، كوشە بويلارىندا ناشي بايىرعى مۋزىكاسى، لوبا ءبيى سياقتى ناشي ۇلتىنىڭ ءداستۇرلى مۋزىكاسى مەن ءان - ءبيى ارت - ارتىنان ورىندالىپ جاتادى. اتكرەتكا، ەستەلىك داپتەرى، ستاكان ... كونە قالانىڭ شاعىن دۇكەنىندە ناشي پىشىندەمەلى جازۋى مەن ۇلتتىق ەرەكشەلىككە يە سۋرەت سالىنعان مادەنيەت جاسامپازدىعى باسىلعان ونىمدەر بار، ول الىپ كەتۋگە بولاتىن ”يۇنناننىڭ ەستەمەسىنە“ اينالدى.

مادەنيەت پەن ساياحات ءبىر – بىرىنە ءار بەردى

”بەيزاتتىق مادەنيەت مۇراسى + ساياحات“ جاعىندا جاڭا نىساندار ۇزدىكسىز العا قويىلدى. چۋشيۇڭنىڭ جىلىنا ءبىر رەت وتكىزىلەتىن الاۋ ويىنى مەرەكەسىنىڭ شاتتىعى، تىڭچۇڭ سىمولا ۋازۋ قىستاعىنىڭ تارتىمدى ”قىستاق ساۋىق كەشى“، جيانشۇي زىتاۋ كوشەسىندەگى قولونەر بۇيىمدارىن جاساۋ كەشىرمەلەرى كوپتەگەن ساياحاتشىلاردىڭ ”ات بايلاۋ“ نىسانىنا اينالدى.

”يۇنناندا 777 جۇڭگو ءداستۇرلى قىستاعى، 6 دۇنيە جۇزىلىك مۇرا، 8 مەملەكەتتىك تاريحي مادەنيەت ايگىلى قالاسى بار“. يۇننان ولكەلىك مادەنيەت جانە ساياحات مەڭگەرمەسىنىڭ باستىعى جاۋ گولياڭ مىنانى ءبىلدىردى: ”’مادەنيەت پەن ساياحاتتى ىشكەرىلەي توعىستىرا دامىتۋ ءتۇزىلىس، مەحانيزمىن اقاۋسىزداندىرۋ‘ پارتيانىڭ 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىنا» جازىلدى. يۇننان مادەنيەت پەن ساياحاتتىڭ ىشكەرىلەي توعىسا دامۋىن ىلگەرىلەتىپ، جاسىل ەكولوگيا، الۋان ءتۇرلى ۇلتتىق سالت - سانا، ەرەكشەلىككە يە كاسىپ سالاسى سياقتى بايلىقتارعا سۇيەنىپ، بەيزاتتىق مادەنيەت مۇرالارىن جالعاستىرۋ، ساياحات كونسەرتى سياقتىلاردى ورگانيكالى توعىستىرىپ، مادەنيەتتى ازىق - تۇلىك، جاتىن ورىن، ءجۇرىس - تۇرىس، ساياحات، ساتىپ الۋ، كوڭىل اشۋ سياقتى ساياحات فاكتورلارىمەن توعىستىردى“.

بازار ءتارتىبىن قورعادى –

ساۋلەتتى شامدار جارقىراي جانعاندا شيشۋاڭباننا جيڭحۇڭ قالاسىنىڭ گاۋجۋاڭ شيشۋاڭجيڭ شيڭگۋاڭ كەشكى بازارىندا ادامدار ءيىن تىرەستى. ساياحاتشى سۋ چيۇڭ كيىم - كەشەك تاڭداي ءجۇرىپ سۋرەت تارتۋدا، ول: ”مەن رەسمي شاعىن قولدانىستان وسى ساۋداگەردى تاڭدادىم، جاسىرىپ – جابارى جوق، الاڭسىز ساتىپ الامىن“ دەدى. ۇيلەسىمسىز تومەن باعادا ساياحاتتاۋ، تۇتىنۋعا ماجبۇرلەۋ سياقتى ماسەلەلەرگە باعىتتاي وتىرىپ، شيشۋاڭباننادعى كوپتەگەن تاراۋ بىرلەسىپ ارناۋلى جونگە سالۋ قىزمەتىن ورىستەتىپ، ساياحاتشىلاردىڭ تۇتىنۋ بارىسىنىڭ جاريالى، جايلى بولۋىنا كەپىلدىك ەتتى.

ساياحاتشىلاردىڭ الاڭسىز تۇرۋىنا، كوڭىلدى ويناۋىنا، الاڭسىز تاماقتانۋىنا، الاڭسىز ساتىپ الۋىنا مۇمكىندىك جاساۋ ءۇشىن، يۇننان ولكەسى تاياۋ جىلداردان بەرى كوپ كەزەكتى ساياحات ءتارتىبىن جونگە سالۋ ارناۋلى قيمىلىن ورىستەتىپ، بازاردى باقىلاۋ - باسقارۋ، بەلگىلەمەگە قايشى تەكسەرىپ ءبىر جاقتى ەتۋ، كاسىپ سالاسىنىڭ سەنىمدىلىگى، دەلو اشۋ سياقتى جاقتاردان ساياحات ءتارتىبىن اناعۇرلىم ارناعا ءتۇسىرىپ، ساياحاتقا قىزمەت وتەۋ ساپاسىن جوعارىلاتتى. بيىل الدىڭعى 8 ايدا يۇننان ولكەسى بويىنشا ساياحاتقا ساياتىن ارىز - شاعىمدى قابىلداۋ سايكەس مەزگىلدەگىدەن %41.9 تومەندەدى.

ۇننان ولكەلىك پارتكومنىڭ شۋجيى ۋاڭ نيڭ مىنانى ءبىلدىردى: ”يۇننان ولكەسىنىڭ ساياحات كاسىبى تيبىن وزگەرتىپ، دارەجەسىن جوعارىلاتۋدىڭ شەشۋشى كەزەڭىندە تۇر، ساياحات دامۋىنىڭ جاڭا بەتالىسىن يگەرىپ، ساياحات ونىمدەرىن، ۇلگىسىن، كاسىپ كۇيىندە جاڭالىق اشۋدى جانە قىزمەت وتەۋدى بار كۇشپەن ىلگەرىلەتىپ، يۇنناننىڭ وزگەشە مادەنيەت ساياحات بايلىعىن جوعارى ساپالى دامۋدىڭ تىرەكتى كاسىبىنە، حالىق تۇرمىسى كاسىبىنە، باقىت كاسىبىنە اينالدىرامىز“.

كەلۋ قاينارى: حالىق تورابى