قازىنا مينيسترلىگى: بيىل ورتالىق قازىنا 66 ميلليارد 700 ميلليون يۋان كاسىپتەندىرۋ قوسىمشا قاراجاتىن ءتۇسىردى

10 - ايدىڭ 12 - كۇنى تۇستەن بۇرىن، مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن اشتى، قازىنا مينيسترلىگىنىڭ جاۋاپتىسى قاتىستى جاعدايلاردى تانىستىردى.

قازىنا مينيسترى لان فۋ – ان بىلاي دەدى:

بيىل جىل باسىنان بەرى، ورتالىق قازىنادان جۇمىستانۋعا 66 ميلليارد 700 ميلليون يۋان كومەك قارجى بوساتىلىپ، جەرگىلىكتى ورىنداردىڭ جوعارى مەكتەپ بىتىرگەن وقۋشىلار سياقتى ءتۇيىندى قاۋىمنىڭ جۇمىستانۋى، كاسىپتىك ونەرىن جەتىلدىرۋى سياقتى قىزمەتتەردى ويداعىداي ىستەۋىنە قولداۋ كورسەتىلدى.

1 – ايدان 9 – ايعا دەيىن بۇكىل ەل بويىنشا وقۋ - اعارتۋ شىعىسى 3 تريلليون يۋاننان استى.

بۇكىل ەل بويىنشا جالپى تۇلعالىق جاقتان %3 تىك سالىستىرما بويىنشا زەينەتكەرلەردىڭ نەگىزگى زەينەتاقى دەڭگەيى جوعارىلاتىلىپ، قالا - اۋىل تۇرعىندارىنىڭ نەگىزدىك زەينەتاقىسىنىڭ ەڭ تومەنگى ولشەمى زور دارەجەدە جوعارىلاتىلدى.

نەگىزگى الەۋمەتتىك دەنساۋلىق ساقتاۋعا قىزمەت وتەۋ قاراجاتىنا قازىنادان بەرىلەتىن كومەك قاراجات ولشەمى ءار ادامعا جىلىنا 94 يۋانعا جوعارىلاتىلدى، قالا - اۋىل تۇرعىندارىنىڭ نەگىزگى ەمدەلۋىن قامسىزداندىرۋعا قازىنادان بەرىلەتىن كومەك قاراجات ولشەمى ءار ادامعا جىلىنا 670 يۋانعا جوعارىلاتىلدى.

كەلۋ قاينارى: حالىق تورابى