رەتتەلدى! مەملەكەت جاعىنان وقۋشىلارعا سيلىق قاراجات پەن كومەك قاراجات بەرۋ ولشەمى جوعارىلاتىلدى ءارى كولەمى كەڭەيتىلدى 

قازىنا مينيسترلىگى، وقۋ – اعارتۋ مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى 10 – ايدىڭ 29 – كۇنى ۇقتىرۋ جاريالاپ، جوعارى دارەجەلى وقۋ – اعارتۋ كەزەڭى مەن ورتا مەكتەپ كەزەڭىندەگى وقۋشىلارعا مەملەكەت جاعىنان سيلىق قاراجات جانە قوسىمشا قاراجات بەرۋ ساياساتىن رەتتەدى.

وسى رەتكى رەتتەۋ بارىسىندا تولىق كۋرس پەن ارناۋلى كۋرس وقيتىن وقۋشىلارعا مەملەكەت جاعىنان بەرىلەتىن سيلىق قاراجاتىنىڭ، مەملەكەتتىك شابىتتاندىرۋ سيلىق قاراجاتىنىڭ جانە اسپيرانتتارعا بەرىلەتىن سيلىق قاراجاتىنىڭ ولشەمى ۇيلەسىمدى جوعارىلاتىلدى، تولىق كۋرس جانە ورتا مەكتەپ كەزەڭىندەگى وقۋشىلارعا مەملەكەت جاعىنان بەرىلەتىن كومەك قاراجاتىنىڭ ولشەمى جوعارىلاتىلدى؛ جوعارى مەكتەپتەردە مەملەكەت جاعىنان بەرىلەتىن سيلىق قاراجاتتىڭ سانى دا زور مولشەردە ارتتىرىلدى، ورتا دارەجەلى كاسىپتىك مەكتەپتەردەگى مەملەكەت جاعىنان بەرىلەتىن كومەك قاراجاتىنىڭ قامتۋ كولەمى كەڭەيتىلىپ، وقۋشىلار مەن مەكتەپتەردىڭ ءىس جۇزىندىك قاجەتىمەن اناعۇرلىم ۇشتاستىرىلدى.

جۋىرداعى جىلداردان بەرى، ەلىمىز مەملەكەت جاعىنان وقۋشىلارعا قارجىلاي كومەك بەرۋدىڭ ساياساتتىق جۇيەسىن ۇزدىكسىز كەمەلدەندىرىپ، مەملەكەتتىڭ قارجىلاي كومەكتەسۋ دەڭگەيىن بىرتىندەپ جوعارىلاتتى. 2023 – جىلى ەلىمىز بويىنشا ءار كەزەڭدەگى وقۋشىلاردان جيىنى 160 ميللليون وقۋشىعا (رەت) قارجىلاي كومەك بەرىپ، قارجىلاي كومەك بەرۋ سوماسى جيىنى 311 ميلليارد 100 ميلليون يۋان بولدى.

وسى رەت وقۋشىلارعا قارجىلاي كومەك بەرۋ ساياساتىن رەتتەۋ ارقىلى ۇزدىك وقۋشىلاردى سيلاپ، قيىنشىلىعى بار وقۋشىلارعا كومەكتەسۋ تەبىنى اناعۇرلىم ارتتىرىلىپ، قامتيتىن وقۋشىلار توبى اناعۇرلىم كوبەيتىلەدى، بارلىق وقۋ كەزەڭىندەگى وقۋشىلاردى قامتيتىن قارجىلاي كومەك بەرۋ جۇيەسى اناعۇرلىم كەمەلدەندىرىلىپ، پارتيا ورتالىق كوميتەتى مەن مەملەكەتتىڭ كەڭەستىڭ جاڭادان ورتاعا قويعان ءبىرقىدىرۋ ساياساتتارىنداعى قاتىستى ورنالاستىرۋلارى تياناقتاندىرىلادى.

كەلۋ قاينارى: حالىق تورابى