«20 ـ كەزەكتى ورتالىق كوميتەتتىڭ 3 ـ رەتكى شارلاۋ جاعدايى جونىندەگى جالپىلىق باياندامانى» قارادى

شينحۋا اگەنتتىگى، 10 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 28 - كۇنى ءماجىلىس اشىپ، «20 ـ كەزەكتى ورتالىق كوميتەتتىڭ 3 ـ رەتكى شارلاۋ جاعدايى جونىندەگى جالپىلىق باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس مىنالاردى اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شارلاۋ قىزمەتى وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولىپ، ماسەلەنى باعدار ەتۋدى كورنەكتىلەندىرىپ، قاتاڭ نەگىزگى اۋەندى دايەكتىلەندىرىپ، ۇيىمداستىرۋ تاسىلىندە جاڭالىق اشىپ، جوعارى مەن تومەننىڭ ىقپالداستىعىن تەرەڭدەتىپ، وتكىر قانجارلىق رولىن ۇزدىكسىز ايگىلەدى. شارلاۋ جاعدايىنان قاراعاندا، ورتالىق پەن مەملەكەت ورگاندارىنىڭ، ورتالىق باسقارۋىنداعى فينانس ورىندارىنىڭ پارتيا قۇرىلىسى كۇشەيىپ، ءتۇرلى قىزمەتتەردە تىڭ تابىستارعا قول جەتكىزىلگەنىمەن، كەيبىر ماسەلەلەر دە ورىن تەۋىپ وتىر. شارلاۋدى، رەتتەۋ - تۇزەتۋدى قاتاڭ، مۇقيات يگەرىپ، ”ءبىرىنشى باسشىنىڭ“ جانە باسشىلىق القا مۇشەلەرىنىڭ ساياسي جاۋاپكەرشىلىگىن كۇشەيتىپ، شارلاۋدى، رەتتەۋ - تۇزەتۋدى ۇيىمدىق جاقتان ءبىر تۇتاس جوسپارلاۋدى جانە كۇندەلىكتى باقىلاۋدى كۇشەيتىپ، شارلاۋ، رەتتەۋ - تۇزەتۋدى رەفورمانى تەرەڭدەتۋمەن، پارتيانى جاپپاي قاتاڭ باسقارۋمەن ۇشتاستىرىپ، باسشىلىق القاسى جانە كادرلار قوسىنى قۇرىلىسىمەن ۇشتاستىرىپ، كۇندەلىكتى قىزمەتپەن، فۋنكتسيالىق مىندەتپەن توعىستىرىپ، رەتتەۋ - تۇزەتۋدىڭ ناقتى ونىمدىلىگىمەن جوعارى ساپالى دامۋدى ىلگەرىلەتۋ كەرەك.

ءماجىلىس بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپالارى) ساياسي دەڭگەيدى ۇزدىكسىز جوعارىلاتىپ، مىندەت اتقارۋدا ساياسي جاۋاپكەرشىلىك ارقالاۋدى كۇشەيتىپ، باتىلدىقپەن ىستەپ، شەبەرلىكپەن ىستەپ، قامال الىپ، قيىندىقتاردى جەڭىپ، ىرىقتىلىقپەن پارتيانىڭ قامىن جەپ، مەملەكەت ءۇشىن جاۋاپكەرشىلىگىن ادا ەتۋى كەرەك. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ورنالاستىرۋىن مۇقيات دايەكتىلەندىرىپ، رەفورما مىندەتىن تياناقتاندىرۋدى شەگە قاعۋ رۋحىمەن ويداعىداي يگەرۋ كەرەك. تاۋقىمەت تانىمىن كۇشەيتىپ، دامۋ مەن حاۋىپسىزدىكتى ءبىر تۇتاس ويداعىداي جوسپارلاپ، ءتۇيىندى سالالارداعى حاۋىپ - قاتەردەن كۇش سالا ساقتانىپ جانە ونى شەشىپ، حاۋىپسىزدىكتىڭ تومەنگى شەگىن مىقتاپ ساقتاۋ كەرەك. باسشىلىق القاسى قۇرىلىسىن كۇشەيتىپ، دەموكراتيالىق ورتالىقتاندىرۋ ءتۇزىمىن قاتاڭ اتقارىپ، باسشى كادرلاردىڭ وسە دە، تۇسە دە الۋىن ىلگەرىلەتىپ، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتۋ كەرەك. شىرىكتەسۋگە قارسى تۇرۋ كۇرەسىنىڭ جاعدايىن سەرگەكتىكپەن تانىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، شىرىكتەسۋگە قارسى تۇرۋ كۇرەسىن تۇبەگەيلى جۇرگىزىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋگە تاباندى بولىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى، جۇيەلى باسقارۋدى تەرەڭدەتىپ، شىرىكتەسۋدى جازالاۋدىڭ تەگەۋرىندى كۇيىن ۇزدىكسىز ساقتاپ، ۇقىقتى ورنالاستىرۋ جانە جۇرگىزۋدى تەجەۋ مەحانيزمىن ۇزدىكسىز كەمەلدەندىرىپ، شىرىكتەسۋدىڭ تۋىلاتىن توپىراعى مەن شارت - جاعدايىن كۇش سالا الاستاپ، شىرىكتەسۋ ماسەلەسىنەن ساقتانۋ جانە ونى باسقارۋدىڭ ۇدايىلانۋىن، باياندى ونىمدىلىگىن ىلگەرىلەتۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى