مادەنيەتتە قۋاتتى ەل قۇرۋ ستراتەگيالىق نىساناسىن كوزدەپ، جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز دامىتۋ كەرەك

شينحۋا اگەنتتىگى، 10 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 28 - كۇنى تۇستەن كەيىن مادەنيەتتە قۋاتتى ەل قۇرۋ جونىندە 17 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: 2035 - جىلى مادەنيەتتە قۋاتتى ەل قۇرۋ ستراتەگيالىق نىساناسىن كوزدەپ، ماركسيزم سىندى ءتۇبىرلى جەتەكشى يدەياعا تاباندى بولىپ، تەلەگەي تەڭىز جۇڭحۋا وركەنيەتىنە تامىر تارتىپ، ينفورماتسيا تەحنيكاسىنىڭ دامۋ اعىمىنا ۇيلەسىپ، قۇدىرەتتى يدەيالىق جەتەكشىلىك قۋاتقا، رۋحاني ۇيىسۋ قۋاتىنا، قۇن باۋراۋ قۋاتىنا، حالىقارالىق ىقپالعا يە جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز دامىتىپ، حالىقتىڭ رۋحاني كۇشىن ۇزدىكسىز نىعايتىپ، قۇدىرەتتى ەل قۇرىلىسىنىڭ، ۇلتتىڭ گۇلدەنۋىنىڭ مادەنيەت نەگىزىن بەكەمدەۋ كەرەك.

بەيجيڭ داشۋەسى مەكتەپ باستىعىنىڭ ورىنباسارى، پروفەسسور ۋاڭ بو جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەتتىڭ ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ تۇسىندىرمەنى جانە تالقى سوزدەرىن تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىز مادەنيەت قۇرىلىسىن ەل باسقارۋداعى كورنەكتى ورىنعا قويۋعا تاباندى بولىپ، ءبىر قىدىرۋ كەلەلى ورنالاستىرۋ جاساپ، جاڭا ءداۋىر جۇڭگوشا سوتسياليستىك مادەنيەت يدەياسىن قالىپتاستىرىپ، مادەنيەت قۇرىلىسىنىڭ توركىنىن تۇزەپ، قاينارىن تازالاۋدى، تۋراشىلدىقتى ساقتاپ، جاڭالىق اشۋدى ىلگەرىلەتۋ بارىسىندا تاريحي جەتىستىككە قول جەتكىزىپ، مادەنيەتتە قۋاتتى سوتسياليستىك ەل قۇرىلىسىندا نىق قادام تاستادىق.

شي جينپيڭ بىلاي دەپ باسا دارىپتەدى: جۇڭگوشا سوتسياليستىك مادەنيەتتى دامىتۋ جولىنان اۋىتقىماۋ كەرەك. پارتيانىڭ باسشىلىعىنا تاباندى بولىپ، ينفورماتسيالاندىرۋ جاعدايىنداعى مادەنيەت سالاسىن باسقارۋ قابىلەتىن جوعارىلاتىپ، يدەيا، رۋح، مادەنيەت جاقتارىندا پارتيانىڭ بيلىك جۇرگىزۋ نەگىزى مەن بۇقارالىق نەگىزىن بەكەمدەۋ كەرەك. ماركسيزمنىڭ يدەولوگيا سالاسىنداعى جەتەكشىلىك ورنى سىندى ءتۇبىرلى تۇزىمگە تاباندى بولىپ، جاڭا ءداۋىر جۇڭگوشا سوتسياليستىك مادەنيەت يدەياسىن جاپپاي دايەكتىلەندىرىپ، وسىزاماندانۋعا، دۇنيەگە، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەتتى دامىتۋ كەرەك. سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، جۇڭگو رۋحىن، جۇڭگو قۇنىن، جۇڭگو كۇشىن ۇزدىكسىز قالىپتاستىرىپ، نەگىزگى اعىمدىق قۇندى، نەگىزگى اعىمدىق قوعامدىق پىكىردى، نەگىزگى اعىمدىق مادەنيەتتى دامىتۋ جانە ۇلعايتۋ كەرەك.

شي جينپيڭ بىلاي دەپ اتاپ كورسەتتى: بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تاسقىنداتۋعا كۇش سالۋ كەرەك. حالىقتى وزەك ەتكەن جاسامپازدىق بەتالىسىنا تاباندى بولىپ، قوعامدىق ونىمدىلىكتى ماڭداي الدى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىنە تاباندى بولىپ، جاڭالىق اشۋدىڭ، جاسامپازدىقتىڭ ومىرشەڭدىك كۇشىن قاۋلاتۋدى مادەنيەت ءتۇزىلىس، مەحانيزمى رەفورماسىن تەرەڭدەتۋدىڭ وزەكتى بۋىنى ەتىپ، مادەنيەت باسقارۋ ءتۇزىلىسى مەن ءوندىرىس - شارۋاشىلىق مەحانيزمىن جەدەل كەمەلدەندىرۋ كەرەك. مادەنيەت جاسامپازدىعى قابىلەتىن جوعارىلاتۋدى ارقاۋ ەتىپ، ادەبيەت - كوركەمونەر جاسامپازدىعىنا قىزمەت وتەۋ، جەتەكتەۋ، ۇيىمداستىرۋ قىزمەت مەحانيزمىن جاقسارتىپ، جۇرت جۇرەگىنە تەرەڭ ۇيالاعان ءبىر توپ ءداۋىر كلاسسيكتەرىن جارىققا شىعارىپ، جۇڭحۋا مادەنيەتىنىڭ جاڭا شىڭىن قالىپتاستىرۋ كەرەك. تاماشا مادەنيەت ەكولوگياسىن بەلسەنە قالىپتاستىرىپ، عىلىم دەموكراتياسىن، ادەبيەت - كوركەمونەر دەموكراتياسىن تولىق ساۋلەلەندىرىپ، جازۋشىلاردىڭ، كوركەمونەرشىلەردىڭ جانە مامان - وقىمىستىلاردىڭ ومىرگە تامىر تارتىپ، دەن قويا جاسامپازدىق جاراتۋىنا قولداۋ كورسەتىپ، مادەنيەتتە جاڭالىق اشۋدىڭ، جاسامپازدىق جاراتۋدىڭ ومىرشەڭدىك كۇشىن ۇزدىكسىز تاسقىنداتۋدى ىلگەرىلەتۋ كەرەك. مادەنيەت پەن عىلىم - تەحنيكا توعىسقان ءونىمدى مەحانيزم جونىندە ىزدەنىس جاساپ، مادەنيەت قۇرىلىسىندا سيفرلاندىرۋ ارقىلى دەم بەرۋدى، ينفورماتسيالاندىرۋ ارقىلى تيپتە بۇرىلىس جاساۋدى جۇزەگە اسىرىپ، مادەنيەت بايلىعى ابزالدىعىن مادەنيەتتىڭ دامۋ ابزالدىعىنا اينالدىرۋ كەرەك.

شي جينپيڭ بىلاي دەپ باسا دارىپتەدى: مادەنيەت قۇرىلىسىنىڭ ادامعا نازار اۋدارۋىنا، ادامدى تياناق ەتۋىنە باستان - اياق تاباندى بولۋ كەرەك. حالىق بۇقاراسىنىڭ الۋان ءتۇرلى، كوپ ساتىلى، كوپ جاقتى رۋحاني مادەنيەت قاجەتىن قاناعاتتاندىرۋدى كوزدە ۇستاي وتىرىپ، مادەنيەتكە قىزمەت وتەۋ جانە مادەنيەت ونىمدەرىمەن قامداۋ قابىلەتىن جوعارىلاتىپ، حالىق بۇقاراسىنىڭ مادەنيەت جاعىنداعى تابىس سەزىمىن، باقىت سەزىمىن كۇشەيتۋ كەرەك. مادەنيەتتىڭ جىگەردى جانۋ، مىنەز - قۇلىقتى جەتىلدىرۋ رولىن ساۋلەلەندىرۋگە باسا ءمان بەرىپ، بۇكىل ۇلتتىڭ تاسقىنداعان رۋحىن، جىگەرىن جەتىلدىرۋ كەرەك. دارىندىلاردىڭ ءوسىپ - جەتىلۋ زاڭدىلىعىنا قۇرمەت ەتىپ، مادەنيەت سالاسىنىڭ ەرەكشەلىگىنە ۇيلەسەتىن دارىندىلاردى تاڭداپ ءوسىرۋ، باۋلۋ، ىستەتۋ، شابىتتاندىرۋ مەحانيزمىن كەمەلدەندىرىپ، دارىندىلاردى تانيتىن، دارىندىلارعا ءمان بەرەتىن، دارىندىلاردى ايالايتىن تاماشا ساياساتتىق ورتا جاراتىپ، كولەمى زور، قۇرىلىمى ۇيلەسىمدى، باتىلدىقپەن جاڭالىق جاراتاتىن جوعارى دەڭگەيلى مادەنيەت دارىندىلار قوسىنىن قۇرۋ كەرەك.

شي جينپيڭ بىلاي دەپ اتاپ كورسەتتى: جاسامپازدىقپەن كادەگە جاراتۋ جانە جاسامپازدىقپەن دامىتۋ بارىسىندا جۇڭحۋا مادەنيەتىنىڭ تامىرىن جالعاۋ كەرەك. جۇڭحۋا ۇلتىنىڭ مادەنيەت نەگىزگى تۇلعالىق سيپاتىن اسقاقتاتىپ، سان - ساناقسىز كەشىرمەلەردى باستان كەشىرۋدەن قالعان اسىل قازىنانى ويداعىداي قورعاۋ، ساۋلەلەندىرۋ، دامىتۋ كەرەك. جۇڭحۋانىڭ تاڭداۋلى ءداستۇرلى مادەنيەتىنىڭ رۋحاني ءمانىن ىشكەرىلەي اشىپ جانە بايىمداپ، ماركسيزم ارقىلى جۇڭحۋانىڭ ءداستۇرلى مادەنيەتىندەگى تاڭداۋلى فاكتورلاردى جانداندىرۋ ءارى وعان جاڭا داۋىرلىك ءمان بەرىپ، جاڭا داۋىردەگى جۇڭگوشا سوتسياليستىك مادەنيەتتى دامىتۋ كەرەك.

تاريحقا قۇرمەت ەتۋ، مادەنيەتتى قىزۋ ءسۇيۋ نيەتىن ۇستانىپ، قورعاۋ ءبىرىنشى ورىندا تۇرۋ، ۇيلەسىمدى پايدالانۋ جانە ەڭ از ارالاسۋ پرينسيبىنە تاباندى بولىپ، مادەني مۇرالاردى جۇيەلى قورعاۋ مەن ءبىر تۇتاس باقىلاۋ - باسقارۋدى ىلگەرىلەتۋ كەرەك. مادەني مۇرالاردى قورعاۋ، جالعاستىرۋ ءتۇزىلىس، مەحانيزمىن اقاۋسىزداندىرىپ، زاڭ - ەرەجە، ءتۇزىم جۇيەسىن جەدەل كەمەلدەندىرۋ كەرەك.

شي جينپيڭ بىلاي دەپ باسا دارىپتەدى: مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپالىن ۇزدىكسىز جوعارىلاتۋ كەرەك. حالىقارالىق تاراتۋ جۇيەسىن قايتا قۇرۋدى ىلگەرىلەتىپ، تور ارقىلى سىرتقى ۇگىتتى جاسامپازدىقپەن ورىستەتىپ، كوپ ارنالى، ستەرەولدى سىرتقا تاراتۋ جاعدايىن قالىپتاستىرۋ كەرەك. جۇڭگو باستاماسىن اناعۇرلىم ىرىقتىلىقپەن ۇگىتتەپ، جۇڭحۋا مادەنيەتىن تاراتىپ، جۇڭگو وبرازىن ايگىلەۋ كەرەك. حالىقارالىق گۋمانيتارلىق اۋىس - كۇيىس پەن سەلبەستىكتى الۋان فورمامەن كەڭ كولەمدە ورىستەتۋ كەرەك. ادامزاتتىڭ بارلىق تاڭداۋلى وركەنيەت جەتىستىكتەرىنەن اناعۇرلىم بەلسەندى، ىرىقتى تۇردە ۇيرەنىپ، ۇلگى الىپ، ەرتە زاماننان قازىرگە دەيىن قالىپتاسقان، جۇڭگو مەن شەتەلدى توعىستىرعان ءبىر توپ مادەنيەت جەتىستىكتەرىن جاراتۋ كەرەك.

شي جينپيڭ سوڭىندا بىلاي دەپ باسا دارىپتەدى: مادەنيەتتە قۋاتتى ەل قۇرۋ − بۇكىل پارتيانىڭ، بۇكىل قوعامنىڭ ورتاق مىندەتى. پارتيا ورتالىق كوميتەتىنىڭ ۇگىت، يدەيا، مادەنيەت قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، مادەنيەت قۇرىلىسىنا باسشىلىق ەتۋ، باسقارۋ ءتۇزىلىس، مەحانيزمىن كەمەلدەندىرۋ كەرەك. ءار دارەجەلى پارتكومدار مەن ۇكىمەتتەر ۇيىمدىق باسشىلىقتى شىنايى كۇشەيتىپ، كادرلاردى دايىنداۋ، دارىندىلاردى تاربيەلەۋ، بايلىق ۇسىنىلىمى سياقتى قىزمەتتەردى ويداعىداي ىستەپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، مادەنيەتتە قۋاتتى ەل قۇرۋدىڭ قۇدىرەتتى بىرىككەن كۇشىن توپتاۋى كەرەك.

كەلۋ قاينارى: حالىق تورابى