دۇنيە جۇزىلىك رەكوردتى جاڭالادى! ەلىمىز عالىمدارىن قۇتتىقتايمىز 

ەلىمىز عالىمدارى 10 – ايدىڭ 29 – كۇنى شيزاڭ اۆتونوميالى رايونى ناچۇي قالاسى شۋاڭحۋ اۋدانى پۋروگاڭرى مۇزدىق القابىنان دۇنيە ءجۇزى بويىنشا ورتاشا – تومەن ەندىكتەگى مۇزدىقتىڭ ەڭ ۇزىن مۇزدىق بىلتەسىن بۇرعىلاپ الدى، ونىڭ ۇزىندىعى 324 مەترگە جەتىپ، دۇنيە جۇزىلىك رەكوردتى جاڭالادى.

سۋرەتتە: عىلىمي زەرتتەۋ ۇيىمى پۋروگاڭرى مۇزدىق القابىنىڭ ۇشار باسىنداعى تەڭىز دەڭگەيىنەن 6100 مەتر بيىكتىكتەگى مۇزدىق دوعاسىنىڭ C قىزمەت تۇيىنىندەگى لاگەردە قىزمەت ىستەۋدە.

پۋروگاڭرى مۇزدىق القابى دۇنيە جۇزىندەگى ورتاشا – تومەن ەندىكتەگى ەڭ ءىرى مۇزدىق القابى سانالادى. قالىڭدىعىن ولشەۋ، مۇزدىق بىلتەسىن الۋ ارقىلى پۋروگاڭرى مۇزدىق القابىندا تۋىلعان وزگەرىستەر مەن وعان تابى تۇسكەن قورشاعان ورتانىڭ وزگەرىسىن اناعۇرلىم ويداعىداي بارلاۋعا، وسى ارقىلى دۇنيە جۇزىندەگى كليماتتىڭ جىلىنۋىنىڭ مۇزدىققا بولعان اسەرىن اناعۇرلىم جان – جاقتى تۇسىنۋگە بولادى.

سۋرەتتە: عىلىمي زەرتتەۋ قىزمەتكەرلەرى مۇزدىقتى بۇرعىلاۋدا.

وسى رەتكى عىلىمي زەرتتەۋ قىزمەتى بارىسىندا، قىزمەتكەرلەر تاعى ءبىر ورىننان 172 مەترلىك جەر قاباتىنا جاناسقان مۇزدىق بىلتەسىن قازىپ الدى. جەر قاباتىمەن جاناسقان مۇزدىق بىلتەسى دەگەنىمىز مۇزدىقتىڭ بەتكى قاباتىنان ەڭ تۇپكى قاباتىنىڭ تاۋ جىنىسى قاباتىمەن جاناسقان تۇسىنا دەيىن جالعاساتىن مۇزدىق بىلتەسىن كورسەتەدى، مۇزدىق قالىپتاسقان ءداۋىر مەن تۇپكى جاعىنداعى ارەكەت جاعدايىن زەرتتەۋدە ماڭىزدى ءمان الادى.

كەلۋ قاينارى: حالىق تورابى