شي جينپيڭ اراب بىرىككەن امىرلىگىنىڭ زۇڭتۇڭى مۇحاممەدپەن جۇڭگو مەن اراب بىرىككەن امىرلىگىنىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 1 - كۇنى، بەيجيڭ. 11 - ايدىڭ 1 - كۇنى مەملەكەت ءتوراعاسى شي جينپيڭ اراب بىرىككەن امىرلىگىنىڭ زۇڭتۇڭى مۇحاممەدپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن اراب بىرىككەن امىرلىگى ەكى ەل − ءوزارا سەنىم ارتاتىن جاقسى دوستار، سەلبەسىپ تەڭ يگىلىككە كەنەلەتىن ابزال سەرىكتەر. ديپلوماتيالىق قارىم - قاتىناس ورناتقان 40 جىلدان بەرى جۇڭگو مەن اراب بىرىككەن امىرلىگىنىڭ قارىم - قاتىناسى اقاۋسىز، ورنىقتى دامۋدى ساقتادى، ەكى ەلدىڭ ساياسي ءوزارا سەنىمدىلىگى ۇزدىكسىز بەكەمدەلىپ، دامۋ ستراتەگياسى ىشكەرىلەي ءتۇيىلىستى، ءار سالاداعى ناقتى سەلبەستىكتە مول تابىسقا قول جەتكىزدى، گۋمانيتارلىق اۋىس - كۇيىس قويۋ دا ءجيى بولىپ، وڭىرلىك جانە حالىقارالىق ىستەردە تاماشا بايلانىستى جانە سايكەسۋدى ساقتادى. بيىل 5 - ايدا زۇڭتۇڭ مىرزا جۇڭگودا مەملەكەتتىك ساپاردا بولعاندا، مەن سىزبەن ماڭىزدى ورتاق تانىمعا كەلىپ، كەلەسى ساتىداعى جۇڭگو - اراب بىرىككەن امىرلىگى قارىم - قاتىناسىنىڭ دامۋىنا ايقىن باعدار كورسەتتىك. مەن جۇڭگو - اراب بىرىككەن امىرلىگى قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن جاڭا باستاما ەتىپ، جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتىپ، جۇڭگو - اراب بىرىككەن امىرلىگى ەكى ەل حالىقتارىن اناعۇرلىم ويداعىداي باقىتقا كەنەلتۋمەن بىرگە، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋگە دە اناعۇرلىم زور ۇلەس قوسۋدى قالايمىن.

مۇحاممەد مىنالاردى ءبىلدىردى: اراب بىرىككەن امىرلىگى، جۇڭگو ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعى بايلانىسىمەن مەن ءتوراعا شي جينپيڭدى ەڭ ىستىق ىقىلاسپەن قۇتتىقتايمىن جانە ەڭ تاماشا تىلەك بىلدىرەمىن، ەكى ەلدىڭ ۇزدىكسىز دامۋىن، گۇلدەنۋىن، ءار سالادا اناعۇرلىم كوپ سەلبەستىك ورىستەتۋىن تىلەيمىن. اراب بىرىككەن امىرلىگى جاعى اراب بىرىككەن امىرلىگى مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىن بەكەمدەۋگە جانە دامىتۋعا باستان - اياق كۇش سالىپ، ەكى ەل حالىقتارىن باقىتقا كەنەلتەدى.

سول كۇنى مەملەكەتتىك كەڭەستىڭ زۇڭليى لي چياڭ اراب بىرىككەن امىرلىگىنىڭ ورىنباسار زۇڭتۇڭى، قوسىمشا زۇڭليى مۇحاممەدپەن ءوزارا قۇتتىقتاۋ تەلەگرامماسىن جولدادى. لي چياڭ مىنالاردى ءبىلدىردى: جۇڭگو جاق اراب بىرىككەن امىرلىگى جاعىمەن قول ۇستاسا قۇلشىنىپ، جۇڭگو مەن اراب بىرىككەن امىرلىگىنىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن وراي ەتىپ، ءتوراعا شي جينپيڭ مۇحاممەد زۇڭتۇڭمەن كەلىسكەن ماڭىزدى ورتاق تانىمدى ويداعىداي تياناقتاندىرىپ، جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايدى.

مۇحاممەد مىنانى ءبىلدىردى: اراب بىرىككەن امىرلىگى جاعى جۇڭگو جاقپەن ەكى جاقتى قارىم - قاتىناستى تەرەڭدەتىپ، ءار سالاداعى سەلبەستىكتى كۇشەيتۋدى قالايدى.

كەلۋ قاينارى: حالىق تورابى