ورتالىق اسكەري ىستەر كوميتەتى بۇكىل ارميانىڭ جۇيەلىلەندىرۋ قۇرىلىسىنداعى وزات ورىنداردى ماداقتادى

شينحۋا اگەنتتىگى، 12 - ايدىڭ 23 - كۇنى بەيجيڭ (ليۋ جيمەي، ۋ شۇي). بىرنەشە كۇننىڭ الدىندا ورتالىق اسكەري ىستەر كوميتەتى «بۇكىل ارميانىڭ جۇيەلىلەندىرۋ قۇرىلىسىنداعى وزات ورىنداردى ماداقتاۋ جونىندەگى حابارلاندىرۋدى» باسىپ تاراتىپ، بۇكىل ارميانىڭ جۇيەلىلەندىرۋ قۇرىلىسىنداعى 10 وزات ورىندى ماداقتادى.

حابارلاندىرۋدا بىلاي دەپ اتاپ كورسەتىلدى: تاياۋ جىلداردان بەرى بۇكىل ارمياداعى اسكەري بولىمدەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، سوعىسقا دايىندالۋدىڭ، سوعىس جۇرگىزۋدىڭ جاڭا جاعدايىنا، جاڭا تالابىنا بەلسەنە ۇيلەسىپ، ارميانى زاڭمەن باسقارۋ ستراتەگياسىن جاپپاي يگەرىپ، اسكەري بولىمدەردى باسقارۋدى قاتاڭ تۇردە زاڭ بويىنشا كۇشەيتىپ، ارميانى باسقارۋ فورماسىنا تۇبەگەيلى بۇرىلىس جاساۋدى جەدەل ىلگەرىلەتىپ، ستيل، ءتارتىپ اناعۇرلىم قاتايىپ، اسكەري بولىمدەردىڭ ءتارتىبى اناعۇرلىم جۇيەلىلەنىپ، جۇيەلىلەندىرۋ قۇرىلىسىنداعى ءبىر توپ وزات تيپ جارىققا شىقتى.

حابارلاندىرۋدا بۇكىل ارمياداعى اسكەري بولىمدەر وزات ورىنداردى ۇلگى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىق اسكەري ىستەر كوميتەتىنىڭ «اسكەري بولىمدەردى باسقارۋدى جاپپاي قاتايتۋ، كۇشەيتۋ جونىندەگى پىكىرىن» مۇقيات تياناقتاندىرىپ، ارميانى زاڭمەن باسقارۋدىڭ كۇش سالۋ ءتۇيىنىن سوعىسقا قىزمەت وتەۋگە، شايقاس جۇرگىزۋگە اۋدارۋعا تاباندى بولىپ، اسكەري ىستەردى باسقارۋدى جاپپاي كۇشەيتىپ، باسقارۋ ۇلگىسىندە ۇزدىكسىز جاڭالىق اشىپ، ارميانى جۇيەلىلەندىرۋ قۇرىلىسىنىڭ اناعۇرلىم جوعارى دەڭگەيگە قاراي دامۋىن ىلگەرىلەتۋگە ۇندەلدى.

كەلۋ قاينارى: حالىق تورابى