2024.12.24 16:22 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 23 – كۇنى، بەيجيڭ. 12 - ايدىڭ 23 - كۇنى مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي چياڭ سەرت بەرۋدى باقىلادى.
«جۇڭحۋا حالىق رەسپۋبليكاسىنىڭ نەگىزگى زاڭىنا» جانە «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ ادىسىنە» ساي، مەملەكەتتىك كەڭەس تاعايىنداعان 35 تاراۋ مەن ورىننىڭ 45 جاۋاپتىسى نەگىزگى زاڭعا زاڭ بويىنشا سەرت بەردى.
تۇستەن بۇرىن ساعات 9 دا مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ نەگىزگى زاڭعا سەرت بەرۋ سالتىنىڭ باستالعاندىعىن جاريالادى. كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن شىرقادى. وسىدان كەيىن سەرت بەرۋشىلەردىڭ باستاماشىسى قولىن نەگىزگى زاڭنىڭ ۇستىنە قويىپ، سەرت ءسوزىن وقىدى، باسقا دا سەرت بەرۋشىلەر ساپ تۇزەپ تۇرىپ، سەرت ءسوزىن بىرگە وقىدى.
سەرت بەرۋدەن كەيىن مەملەكەتتىك كەڭەستىڭ زۇڭليى لي چياڭ ءسوز سويلەدى. ول بىلاي دەپ باسا دارىپتەدى: اينىماس سەرتتى كوكەيدە بەرىك ساقتاپ، قاجىماس كۇرەس ارقىلى امالياتتا ايگىلەۋ، كەرەمەت ناتيجەلەرمەن تياناقتاندىرۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. نەگىزگى زاڭنىڭ بەدەلىن باستان - اياق قورعاپ، باستاماشىلدىقپەن زاڭعا قۇرمەت ەتىپ، زاڭدى ۇيرەنىپ، زاڭعا بويسۇنىپ، زاڭدى قولدانىپ، زاڭمەن باسقارۋ رۋحىنا بويسۇنىپ، اكىمشىلىكتى زاڭ بويىنشا قاتاڭ جۇرگىزىپ، زاڭمەن باسقارۋ وي جەلىسى مەن باسقارۋ سالۋ تاسىلىنەن پايدالانىپ ماسەلەنى شەشۋ قابىلەتىن ۇزدىكسىز جوعارىلاتۋ كەرەك. باستان - اياق پاك، تارتىپشەڭ بولىپ، دۇرىس ۇقىق كوزقاراسىن، ساياسي ناتيجە كوزقاراسىن، كاسىپ كوزقاراسىن ورناتىپ، باقىلاۋدى سانالىلىقپەن قابىلداپ، شىرىكتەسۋگە قارسى تۇرىپ، پاكتىكتى دارىپتەۋدىڭ ۇلگىسى بولۋ كەرەك.
لي چياڭ بىلاي دەپ اتاپ كورسەتتى: كەلەر جىلى ەلىمىزدىڭ ەكونوميكالىق، قوعامدىق دامۋى ءالى دە كوپتەگەن قيىنشىلىقتار مەن سىن - سايىسقا ءدوپ كەلەدى، قيىندىقتان تايسالماي العا ۇمتىلىپ، جاۋاپكەرشىلىك ارقالاپ، ىسكەرلىك كورسەتىپ، رەفورما مەن دامۋدىڭ جاڭا ءورىسىن قۇلشىنا اشۋ كەرەك. ءبىرىنشى، ناقتى ىستەۋدى ماڭداي الدى ورىنعا قويىپ، قايراتتانا العا ۇمتىلۋ كەرەك. ۋاقىتپەن جارىسۋ رۋحىمەن ىستەۋدى ماڭداي الدى ورىنعا قويۋعا تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن اشالاپ، ناقتىلاندىرىپ، ءبىر - بىرلەپ قاداعالاپ، ونىمدىلىككە قول جەتكىزۋ كەرەك. ءتۇرلى تۇراقسىز فاكتورلارعا قاراتا ۋاقىتتى ۇتىپ، بەلگىلەنگەن قىزمەتتەردىڭ ەرتە ىستەۋگە بولاتىندارىن ەرتە ىستەپ، كەش قالدىرماي، جەدەل ىلگەرىلەتىپ، ەكونوميكانىڭ قالپىنا كەلۋ جاعدايىن ۇزدىكسىز بەكەمدەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، بۇقارا مەن كاسىپورىنداردىڭ تالاپ - تىلەگىن ىرىقتىلىقپەن ۇعىسىپ، شۇعىل، قيىن، ۋايىمداعان، ءزارۋ ماسەلەلەردى بەلسەنە شەشۋ كەرەك. ەكىنشى، رەفورمادا قامال الۋ، باتىلدىقپەن جاڭالىق اشۋ كەرەك. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، قيىن ماسەلەلەرگە جولىققاندا شەگىنشەكتەمەي، قايشىلىقتان تايساقتاماي، ويلانۋداعى سىرعاقتىقتى باتىلدىقپەن تالقانداپ، ءونىمدى قىزمەت تۇتقاسىن بەلسەنە جوسپارلاپ، ءتۇرلى رەفورما مىندەتتەرىن ناقتى تياناقتاندىرۋ كەرەك. ءۇشىنشى، الدا ءجۇرىپ، سايكەسۋدى كۇشەيتۋ كەرەك. تاراۋلار، جەر - جەر سانالى تۇردە كەلەلى جاعداي اياسىندا وي جۇگىرتىپ جانە ارەكەتتەنىپ، ىرىقتىلىقپەن بايلانىس جاساپ، ءوزارا تولىقتاپ، قىزمەتتىڭ بىرىككەن كۇشىن قالىپتاستىرۋى كەرەك. ول بىلاي دەپ باسا دارىپتەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اناعۇرلىم تاسقىنداعان ىنتامەن، اناعۇرلىم تىڭعىلىقتى ستيلمەن اناعۇرلىم تاماشا ناتيجەگە قول جەتكىزىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە اناعۇرلىم زور ۇلەس قوسۋ كەرەك.
مەملەكەتتىك كەڭەستەگى باسشى جولداستار، سونداي - اق مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار قاتارلىلار قاتىناستى.
كەلۋ قاينارى: حالىق تورابى