مەملەكەتتىك 14 - كەزەكتى حالىق قۇرىلتايىنىڭ تۇراقتى كوميتەتى كوميتەت باستىقتارىنىڭ 36 - رەتكى ءماجىلىسىن وتكىزدى

«حالىق گازەتى»، 12 - ايدىڭ 23 – كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 36 - رەتكى كوميتەت باستىقتارى ءماجىلىسى 12 - ايدىڭ 23 - كۇنى تۇستەن كەيىن بەيجيڭدەگى حالىق سارايىندا وتكىزىلدى. كوميتەت باستىعى جاۋ لىجي باسقاردى.

ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان ۋاكىلدەر زاڭىنا وزگەرىس ەنگىزۋ جوباسىن قاراۋ پىكىرى جونىندەگى باياندامانى، ارتقان قۇن سالىعى زاڭى جوباسىنا وزگەرىس ەنگىزۋ پىكىرى جونىندەگى مالىمەتتى، باقىلاۋ - تەكسەرۋ زاڭىنا وزگەرىس ەنگىزۋ ۇيعارىمى جوباسىنا وزگەرىس ەنگىزۋ پىكىرى جونىندەگى مالىمەتتى، عىلىم - تەحنيكانى جالپىلاستىرۋ زاڭىنا وزگەرىس ەنگىزۋ جوباسىن وزگەرتۋ پىكىرى جونىندەگى مالىمەتتى تىڭدادى، قاتىستى كەڭەستىك جوبالاردىڭ وكىلەتتى دايىندالعان نۇسقاسىن، جوبانىڭ وزگەرىس ەنگىزىلگەن نۇسقاسىن قارادى.

ءماجىلىس مەملەكەتتىك حالىق قۇرىلتايى سىرتقى ىستەر كوميتەتىنىڭ مەڭگەرۋشى مۇشەسى لوۋ چينجيان جاساعان «جۇڭحۋا حالىق رەسپۋبليكاسى مەن زيمبابۆە رەسپۋبليكاسىنىڭ وتكىزىپ بەرۋ شارتىن»، «جۇڭحۋا حالىق رەسپۋبليكاسى مەن سۋرينام رەسپۋبليكاسىنىڭ وتكىزىپ بەرۋ شارتىن» قاراۋ احۋالى جونىندەگى مالىمەتتى تىڭدادى، شارت بەكىتۋ جونىندەگى قاۋلى جوباسىنىڭ العاشقى نۇسقاسىن قارادى.

ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي جاساعان 14 - كەزەكتى مەملەكەتتىك حالىق قۇرىلتايى 3 - ءماجىلىسىن اشۋ جونىندەگى قارار جوباسىن قاراۋ جاعدايى جونىندەگى مالىمەت، ءىشىنارا ۋاكىلدەردىڭ ۋاكىلدىك تولىمدىلىعى جونىندەگى مالىمەت جانە مىندەتكە تاعايىنداۋ، مىندەتىنەن قالدىرۋ جوباسىن قاراۋ جاعدايى جونىندەگى مالىمەت سياقتىلاردى تىڭدادى، قاتىستى قارار جوبالارىن قارادى.

كوميتەت باستىقتارى ءماجىلىسى جوعارىداعى كەڭەس جوبالاردىڭ دايىندالعان نۇسقاسى، جوبانىڭ وزگەرىس ەنگىزىلگەن نۇسقاسى سياقتىلاردى تۇراقتى كوميتەت ءماجىلىسىنىڭ قاراۋىنا ۇسىنۋدى ۇيعاردى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر ماجىلىسكە قاتىناستى.

كەلۋ قاينارى: حالىق تورابى