2025.02.21 15:20 كەلۋ قاينارى : حالىق تورابى
حالىق گازەتىنىڭ ءتىلشىسى ديڭ ياسۇڭ 2 – ايدىڭ 20 – كۇنى بەيجيڭنەن حابارلايدى. كاسىپورىنداردىڭ ءوندىرىس پەن وقىتۋدى توعىستىرۋعا قاتىناسۋ بەلسەندىلىگى مەن ىرىقتىلىعىن تولىق جۇمىلدىرىپ، وقىتۋشىلار قوسىنى قۇرىلىمىن ساپالىلاندىرىپ، جوعارى مەكتەپتەردىڭ دارىندىلاردى جەتىلدىرۋ مەن ينجەنەريا امالياتىن، عىلىم ـ تەحنيكادا جاڭالىق جاراتۋدى ورگانيكالى ۇشتاستىرۋىن ىلگەرىلەتۋ ءۇشىن، جۋىردا وقۋ – اعارتۋ مينيسترلىگى قاتارلى 8 تاراۋ «جاي تولىق كۋرس دارەجەسىندەگى جوعارى مەكتەپتەردىڭ كاسىپتىك سالا بويىنشا قوسىمشا مىندەت وتەيتىن وقىتۋشىلاردى باسقارۋ ءادىسىن» باسىپ تاراتتى. بۇل جاي تولىق كۋرس دارەجەسىندەگى جوعارى مەكتەپتەرىنىڭ كاسىپتىك سالا بويىنشا قوسىمشا مىندەت وتەيتىن وقىتۋشىلار قوسىنى قۇرىلىسىنا نازار اۋدارۋ ءۇشىن شىعارىلعان تۇڭعىش ارناۋلى قۇجات.
كاسىپتىك سالا بويىنشا قوسىمشا مىندەت وتەيتىن وقىتۋشىلار دەگەنىمىز جاي تولىق كۋرس دارەجەسىندەگى جوعارى مەكتەپتەر ۇسىنىس ەتكەن، بەلگىلەنگەن وقۋ - اعارتۋ، وقىتۋ جانە امالياتتىق جاڭالىق جاراتۋ مىندەتىن قوسىمشا مىندەت وتەۋ تاسىلىمەن ۇستىنە العان كاسىپتىك مامانداردى، كاسىپتىك تەحنيكالىق دارىندىلاردى جانە جوعارى ونەرلى دارىندىلاردى كورسەتەدى. باسقارۋ ادىسىندە كاسىپتىك سالا بويىنشا قوسىمشا مىندەت وتەيتىن وقىتۋشىلاردىڭ كاسىپتىك قاينارى مەن كاسىپپەن شۇعىلدانۋ كەشىرمەلەرى ايقىندالىپ، ساياسي ساپاسى، جاسى، وقۋ تاريحى، قول جەتكىزگەن قولدانىلمالى جەتىستىكتەرى قاتارلى جاقتاردان كاسىپتىك سالا بويىنشا قوسىمشا مىندەت وتەيتىن وقىتۋشىلاردى تاڭداپ ۇسىنىس ەتۋدىڭ نەگىزگى شارتتارى ايقىندالىپ، تەحنيكالىق قابىلەت، كورنەكتى ۇلەس، باسقارۋ تاجىريبەسى قاتارلى جاقتاردى توڭىرەكتەي وتىرىپ، الدىمەن ويلاستىراتىن شارت – جاعدايلار ورتاعا قويىلعان.
باسقارۋ ادىسىنە ساي، كاسىپتىك سالا بويىنشا قوسىمشا مىندەت وتەيتىن وقىتۋشىلار دارىندىلاردى تاربيەلەۋگە قاتىناسۋ، مەكتەپ پەن كاسىپورىننىڭ سەلبەستىگىن ورىستەتۋ قاتارلى مىندەتتەردى ارقالاۋى كەرەك؛ جاي تولىق كۋرس دارەجەسىندەگى جوعارى مەكتەپتەر ۇسىنىس ەتۋ ءادىسىن كەمەلدەندىرۋ، ۇسىنىس ەتۋدى باسقارۋدى كۇشەيتۋ، ۇيىمدىق قامتاماسىزداندىرۋدى كۇشەيتۋ قاتارلى مىندەتتەردى ارقالاۋى كەرەك؛ كاسىپتىك سالا بويىنشا قوسىمشا مىندەت وتەيتىن وقىتۋشىلار تۇرعان ورىن دارىندىلاردى ۇسىنىس ەتۋگە قولداۋ كورسەتۋ، باسقارۋ مەن شابىتتاندىرۋدى كۇشەيتۋ قاتارلى مىندەتتەردى ۇستىنە الۋى كەرەك.
كەلۋ قاينارى: حالىق تورابى