بۇكىل ەلىمىزدەگى قىستاق قۇرىلىسىن ساناققا الۋ – تەكسەرۋ جاعىنداعى 2025 – جىلعى قىزمەت باستالدى 

ءتىلشىنىڭ 4 – ايدىڭ 8 – كۇنى تۇرعىن ءۇي جانە قالا – اۋىل قۇرىلىسى مينيسترلىگىنەن ۇعىسۋىنشا، اۋىل – قىستاقتى كوركەيتۋ ارەكەتىن اتقارۋدى ىلگەرىلەتۋ، بۇكىل ەلىمىزدەگى قىستاق قۇرىلىسىنىڭ جاعدايىن يەلەۋ ءۇشىن، تۇرعىن ءۇي جانە قالا – اۋىل قۇرىلىسى مينيسترلىگى جەر – جەردەن 5 – ايدىڭ 31 – كۇنىنەن بۇرىن بۇكىل ەلىمىزدەگى قىستاق قۇرىلىسىن ساناققا الۋ – تەكسەرۋدى ورىنداپ بولۋدى تالاپ ەتكەن. وسى رەتكى تەكسەرۋدىڭ كولەمى بۇكىل ەلىمىزدەگى بارلىق اكىمشىلىك قىستاقتاردى قامتيدى؛ ساناققا الۋ مازمۇنىندا قىستاقتىڭ جاعدايى، جان سانى جانە ەكونوميكاسى، قورا – جايلارى مەن عيماراتتارى، نەگىزدىك قۇرىلعىلارى، الەۋمەتتىك ورتاسى، قۇرىلىستى باسقارۋ قاتارلى جاعدايلارى، سونداي – اق، قىستاقتىڭ ناق بەينەسىن ايگىلەيتىن سۋرەتتەر قامتىلادى؛ تەكسەرىلەتىن مالىمەتتەردىڭ شەكتى مەرزىمى 2024 – جىلى 12 – ايدىڭ 31 – كۇنىنە دەيىن بولادى.

تۇرعىن ءۇي جانە قالا – اۋىل قۇرىلىسى مينيسترلىگى مىنانى ءبىلدىردى: بۇكىل ەلىمىزدەگى اۋىل – قىستاقتاردىڭ قۇرىلىسىن ساناققا الۋ – تەكسەرۋ ساندى مالىمەتتەرى اۋىل – قىستاق قۇرىلىسىنا باعا بەرۋدى ورىستەتۋدەگى نەگىزدىك ساندى مالىمەتتەردى جانە اۋىل – قىستاقتى گۇلدەندىرۋ ستراتەگياسىن ىلگەرىلەتۋدەگى ناقتى ناتيجەلەردى باعالاۋعا قاتىستى كورسەتكىشتەردى بەلگىلەۋدىڭ نەگىزى سانالادى، جەرگىلىكتى ءار دارەجەلى تۇرعىن ءۇي جانە قالا – اۋىل قۇرىلىسى تاراۋلارى ساندى مالىمەتتەردى دەر كەزىندە، تولىق، دۇرىس تۇردە جوعارىعا مالىمدەۋى كەرەك، ساندى مالىمەتتى جالعاننان جاساۋ، الدامشىلىق ىستەۋ قاتارلى جاعدايلاردان قاتاڭ ساقتانۋ ءارى مۇنداي ارەكەتتەردى وتكىزگەندەردى جازالاۋ كەرەك. (باس ستانسيا ورتالىق تەلەۆيزيا ءتىلشىسى شۇي جيڭ)

كەلۋ قاينارى: حالىق تورابى