وقۋ – اعارتۋ مينيسترلىگى ورتا، باستاۋىش مەكتەپتەردىڭ بەلگىلەمەگە قايشى ارەكەتتەرىن تەكسەرىپ ءبىر جاقتى ەتۋ بارىسىنداعى ءبىر توپ تيپتىك دەلولاردى جاريالادى 

حالىق گازەتىنىڭ ءتىلشىسى حۋاڭ چاۋ 4 – ايدىڭ 13 – كۇنى بەيجيڭنەن حابارلايدى. وقۋ – اعارتۋ مينيسترلىگى جۋىردا ۇقتىرۋ شىعارىپ، حىبەي، جياڭسۋ، حىنان قاتارلى جەرلەردەگى ورتا، باستاۋىش مەكتەپتەردىڭ بەلگىلەمەگە قايشى ارەكەتتەرىن تەكسەرىپ ءبىر جاقتى ەتۋ بارىسىنداعى تيپتىك دەلولاردى جاريالادى ءارى نەگىزدىك وقۋ – اعارتۋ جاعىنداعى ارەكەتتەردى اناعۇرلىم ارناعا ءتۇسىرۋ جونىندە تالاپتاردى ورتاعا قويدى.

جاريالانعان دەلولار مەرزىمىنەن بۇرىن وقۋ باستاۋ، بەلگىلەمەگە قايشى تۇردە ساباق تولىقتاۋ قاتارلى ماسەلەلەرگە سايادى، بۇل ىسكە قاتىستى ولكەلەردەگى وقۋ – اعارتۋ تاراۋلارى قاتىستى مەكتەپتەرگە بۇكىل ولكە بويىنشا حابارلاندىرۋ شىعارىپ سىنداۋ، وزاتتاردى باعالاۋعا قاتىناسۋ تولىمدىلىعىن كۇشىنەن قالدىرۋ، داڭقتى اتاعىن كۇشىنەن قالدىرۋ، مەكتەپتىڭ باستى جاۋاپتىلارىن مىندەتىنەن قالدىرۋ قاتارلى ءبىر جاقتى ەتۋ شارالارىن اتقارعان.

ۇقتىرۋدا مىنالار ورتاعا قويىلعان: ورتا، باستاۋىش مەكتەپتەردەگى وقۋشىلاردىڭ مەكتەپتەگى ۋاقىتى ۇزاق بولۋ، مەرەكە – دەمالىس كەزىندە ساباق تولىقتاۋ قاتارلى بەلگىلەمەگە قايشى ارەكەتتەر وقۋشىلاردىڭ دەنساۋلىعىنا جانە وقۋ – اعارتۋدىڭ وبىرازىنا اۋىر دارەجەدە ىقپال جاسايدى. جەر – جەر ”ادام تاربيەلەۋدى نەگىز ەتۋ، دەنساۋلىقتى ءبىرىنشى ورىنعا قويۋ“ سىندى تانىمدى بەرىك ورناتىپ، وقۋ – اعارتۋدى زاڭمەن باسقارۋدى، مەكتەپتى زاڭمەن باسقارۋدى ىشكەرىلەي ورىستەتىپ، وقۋشىلاردىڭ زاڭدى ۇقىق – مۇددەسى مەن دەمالىس جاعىنداعى ۇقىق – مۇددەسىن قامتاماسىزداندىرۋى كەرەك.

ۇقتىرۋدا جەر – جەردەن تەكسەرىلىپ ءبىر جاقتى ەتىلگەن مەكتەپتەردىڭ ارەكەتىنەن ساباق الىپ، بەلگىلەمەگە قايشى ساباق تولىقتاۋدىڭ، وقۋشىلاردىڭ دەمالىس ۋاقىتىن يەلەپ الۋدىڭ زيانىن تولىق تانىپ جەتۋ؛ ورتا، باستاۋىش مەكتەپتەردىڭ مەكتەپتەگى دەمالىس ۋاقىتىن ۇيلەسىمدى ورنالاستىرۋ، وقۋشىلاردىڭ ۇيىقتاۋ جانە دەربەس ۇيرەنۋ، ءوزارا پىكىرلەسۋ ۋاقىتىنا تولىق كەپىلدىك ەتۋدى ”تومەنگى شەك“، مەرەكە – دەمالىس كۇندەرىندە، قىستىق – جازدىق دەمالىستا ساباق تولىقتاۋدى نەمەسە ءتۇرى وزگەرگەن فورمادا ساباق تولىقتاۋدى ”قىزىل سىزىق“ رەتىندە قاراۋ؛ جاۋاپكەرشىلىكتى قاتاڭ قۋزاستىرۋ، تەكسەرىپ ءبىر جاقتى ەتۋى پارمەندى بولماعان، نەمقۇرايدى قاراعان جەرلەرگە، بەلگىلەمەگە قاسارىسا قايشىلىق ىستەگەن، قايتا – قايتا تيىم سالسا دا تيىلماعان مەكتەپتەر مەن جاۋاپتىلارعا سايكەستى ءبىر جاقتى ەتۋ شارالارىن اتقارۋ جانە ولاردى جازالاۋ تالاپ ەتىلگەن.

كەلۋ قاينارى: حالىق تورابى