حالىق ىستەرى سالاسىندا قارتتاردى كۇتىمدەۋشى قىزمەتكەر قاتارلى دارىندىلاردى جەتىلدىرۋگە كۇش سالادى 

حالىق گازەتىنىڭ ءتىلشىسى ي شۋران، يڭ نيڭ – ي 4 – ايدىڭ 14 – كۇنى بەيجيڭنەن حابارلايدى. حالىق ىستەرى مينيسترلىگى 4 – ايدىڭ 14 – كۇنى 2025 – جىلعى 2 – توقسانداعى كەزەكتى اقپار جاريالاۋ ءماجىلىسىن اشىپ، حالىق ىستەرى مينيسترلىگى مەن ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىرگە باسىپ تاراتقان «جاڭا داۋىردەگى حالىق ىستەرى سالاسىنداعى ونەرلى دارىندىلار قوسىنىن قۇرۋدى كۇشەيتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) تانىستىردى. ۇعىسۋعا قاراعاندا، بۇل ەكى تاراۋدىڭ تۇڭعىش رەت حالىق ىستەرى سالاسىنداعى ونەرلى دارىندىلارعا قاتىستى قۇجاتتى بىرلەسىپ ورتاعا قويۋى ەكەن.

«پىكىردە» دارىندىلاردى جەتىلدىرۋ جۇيەسىن كەمەلدەندىرۋ، دارىندىلاردى ىستەتۋ جاعىنداعى ءتۇزىمدى جاقسارتۋ، دارىندىلارعا باعا بەرۋ ارناسىن ىركىلىسسىزدەندىرۋ، دارىندىلاردى شابىتتاندىرۋ مەحانيزمىن كەمەلدەندىرۋ قاتارلى جاقتاردا ناقتى شارالار ورتاعا قويىلعان.

دارىندىلاردى جەتىلدىرۋ جاعىندا، «پىكىردە» قارتتاردى كۇتىمدەۋشى قاتارلى شۇعىل قاجەتتى، كەمشىل دارىندىلاردى جەتىلدىرۋ تەبىنىن ارتتىرۋ كەرەك ەكەندىگى، شارتقا ساي كەلەتىن كۋرسقا قاتىناسۋشىلارعا كاسىپتىك كۋرس قوسىمشا قاراجاتىن، كاسىپتىك ونەرىنە باعا بەرۋ قوسىمشا قاراجاتىن جانە ونەرىن جەتىلدىرۋ قوسىمشا قاراجاتىن بەرۋ ءارى قوسىمشا قاراجات ولشەمىن يكەمدى باعالاۋ جانە رەتتەۋ مەحانيزمىن ورناتۋ ورتاعا قويىلعان.

دارىندىلاردى ىستەتۋ جاعىندا، «پىكىردە» ادام ىستەتۋشى ورىنداردى حالىق ىستەرى سالاسىنداعى قۇرىلىمدىق باسقارۋعا قاتىناسقان ونەرلى دارىندىلاردى تاڭداپ ىستەتۋدى الدىمەن ويلاستىرۋعا شابىتتاندىرۋ، ولاردىڭ كۋرس ارقىلى ءبىلىمىن جەتىلدىرۋ، سول سالاداعىلارمەن اۋىس – كۇيىس جاساۋ، تەحنيكالىق جاقتا جاڭالىق اشۋ قاتارلى قيمىلدارعا قاتىناسۋىنا قولداۋ كورسەتۋ، حالىق ىستەرى سالاسىنداعى ونەرلى دارىندىلاردىڭ كاسىپتىك تەحنيكالىق قىزمەتتەرگە نەمەسە باسقارۋ قىزمەتىنە قاراي ويىسۋ ارناسىن ىركىلىسسىزدەندىرۋ ايقىن بەلگىلەنگەن.

كەلۋ قاينارى: حالىق تورابى