حالىق اقشاسى جونىندە قۋانىشتى حابار 

جۋىرداعى جىلداردان بەرى، ەلىمىز حالىق اقشاسىن شەكارا اتتاپ پايدالانۋ جاعىنداعى تۇزىمدىك ورنالاستىرۋلار مەن نەگىزدىك قۇرىلعىلار قۇرىلىسىن ۇزدىكسىز جاقسارتىپ، فينانس بازارىن قوس باعىتتا اشىق ۇستاۋدى ىلگەرىلەتىپ، ساياساتتىق جاقتا شەكارانىڭ ءىشى – سىرتىنداعى تۇلعالاردىڭ حالىق اقشاسىن يەلەنۋىنە، قولدانۋىنا اناعۇرلىم ويداعىداي ورتا جاراتىپ، حالىق اقشاسىن حالىقارادا پايدالانۋدىڭ ءتۇرلى كورسەتكىشتەرى ورنىقتى جوعارىلادى.

· 2024 – جىلى، حالىق اقشاسىمەن شەكارا اتتاپ الىم – بەرىم جاساۋ سوماسى جيىنى 64 تريلليون 100 ميلليارد يۋان بولىپ، الدىڭعى جىلداعىمەن سالىستىرعاندا %23 ارتقان.

· حالىق اقشاسىمەن شەكارا اتتاپ تولەۋ جۇيەسىنىڭ (CIPS) قامتۋ كولەمى كورنەكتى كەڭەيىپ، 2024 – جىلى 12 - ايدىڭ سوڭىنا دەيىن، كاسىپتىك قىزمەتى دۇنيە جۇزىندەگى 185 مەملەكەت پەن رايوندى قامتىدى، 2024 – جىلى شەكارا اتتاپ حالىق اقشاسىمەن ءبىر جاقتى ەتىلگەن تولەۋ سوماسى 175 تريلليون يۋان بولىپ، الدىڭعى جىلداعىمەن سالىستىرعاندا %22.7 ارتقان.

· قازىر حالىق اقشاسى دۇنيە ءجۇزى بويىنشا ساۋدالىق قارجى قۇراۋدا قولدانىلاتىن ءۇشىنشى ءىرى ۆاليۋتاعا اينالدى. 2024 – جىلى شەتەل قارجىسىنداعى فينانس قۇرىلىمدارى مەن كاسىپورىنداردىڭ جۇڭگودا تاراتقان ”مىسىق ايۋ“ اتىنداعى زايومى 200 ميلليارد دوللار بولىپ، الدىڭعى جىلداعىمەن سالىستىرعاندا %32 ارتقان. شەكارا سىرتىندا حالىق اقشاسىمەن تاراتىلعان زايوم الدىڭعى جىلداعىمەن سالىستىرعاندا %150 ارتقان. 2024 – جىلدىڭ سوڭىنا دەيىن، جۇڭگو جيىنى 40 نەشە مەملەكەت پەن رايوننىڭ ورتالىق بانكەلەرىمەن نەمەسە ۆاليۋتا باسقارۋشى ورىندارىمەن ءبىر – ءبىرىنىڭ ۆاليۋتاسىن اۋىستىراتىن ەكى جاقتى كەلىسىمشارتتارعا قول قويعان.

كەلۋ قاينارى: حالىق تورابى