شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن كەڭەس وتكىزدى

4 - ايدىڭ 14 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

4 - ايدىڭ 14 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن كەڭەس وتكىزدى. سۋرەتتە: كەڭەستەن كەيىن ەكى پارتيانىڭ باس شۋجيلەرى جۇڭگو مەن ۆيەتنام ەكى جاق قول قويعان 45 نۇسقا ەكى جاقتى سەلبەستىك قۇجاتىنىڭ كورمەلەنۋىنە بىرگە كۋا بولدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 4 - ايدىڭ 14 - كۇنى، حانوي (تىلشىلەر دۋ شاڭزى، حۋ زىشي). 4 - ايدىڭ 14 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن كەڭەس وتكىزدى.

شي جينپيڭ بىلاي دەپ اتاپ كورسەتتى: ۆيەتنامدا مەملەكەتتىك ساپاردا بولىپ، باس شۋجي سۋ لينمەن تۇڭعىش رەت ءوزارا ساپاردا بولعانىما وتە قۋانىشتىمىن. بيىل _ ۆيەتنام كوممۋنيستىك پارتياسى قۇرىلعاندىعىنىڭ 95 جىلدىعى، ۆيەتنامنىڭ رەسپۋبليكا قۇرعاندىعىنىڭ 80 جىلدىعى جانە وڭتۇستىگىنىڭ ازات بولعاندىعىنىڭ 50 جىلدىعى، مەن جۇڭگو كوممۋنيستىك پارتياسى مەن جۇڭگو ۇكىمەتى اتىنان ۆيەتنامدى قىزۋ قۇتتىقتايمىن.

جۇڭگو جاق ۆيەتنامنىڭ ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ءجۇرىپ، 2026 - جىلى ۆيەتنام كوممۋنيستىك پارتياسىنىڭ 14 - قۇرىلتايىن جەڭىسپەن اشىپ، پارتيا قۇرۋ، مەملەكەت قۇرۋ ”ەكى 100 جىلدىق“ كۇرەس نىساناسىنا قاراي ۇزدىكسىز قادام تاستاۋىن بۇرىنعىداي قولدايدى.

شي جينپيڭ بىلاي دەپ باسا دارىپتەدى: بيىل _ جۇڭگو مەن ۆيەتنام ديپلوماتيالىق قارىم - قاتىناس ورناتقاندىعىنىڭ 75 جىلدىعى جانە ”جۇڭگو - ۆيەتنام گۋمانيتارلىق اۋىس - كۇيىس جىلى“. 75 جىلدان بەرى حالىقارالىق جاعداي قالاي وزگەرسە دە، ەكى جاق مەملەكەتتىڭ تاۋەلسىزدىگى مەن ۇلتتىڭ ازاتتىعىنا قول جەتكىزۋ كۇرەسى بارىسىندا سوتسياليستىك قۇرىلىس ىستەرىندە قول ۇستاسا العا باسىپ، وزدەرىنىڭ وسىزاماندانۋىن ىلگەرىلەتۋ بارىسىندا ۇدەرە العا تارتىپ، سوتسياليستىك مەملەكەتتەردىڭ ىنتىماقتاسىپ، سەلبەستىك جاساۋىنىڭ ۇلگىسىنە اينالدى. اۋمالى - توكپەلى حالىقارالىق جاعداي الدىندا، جۇڭگو مەن ۆيەتنام بەيبىت دامۋدان جازباي، دوستىق سەلبەستىكتى تەرەڭدەتىپ، دۇنيە جۇزىنە قاستەرلى ورنىقتىلىق جانە تۇراقتىلىق اكەلدى. جاڭا تاريحي باستامادا ەكى جاق الدىڭعىلاردىڭ ءىزىن باسىپ، بولاشاققا جول اشىپ، قول ۇستاسا العا باسىپ، ”ۆيەتنام - جۇڭگو دوستىق سۇيىسپەنشىلىگى تەرەڭ، جولداس ۇستىنە باۋىرلاس بولۋ“ ءداستۇرلى دوستىعىن جالعاستىرىپ، ساياسي ءوزارا سەنىمى اناعۇرلىم جوعارى، حاۋىپسىزدىك سەلبەستىگى اناعۇرلىم ناقتى، ناقتى سەلبەستىگى اناعۇرلىم تەرەڭ، حالىق رايى نەگىزى اناعۇرلىم بەرىك، كوپ جاقتى سايكەسۋ - سەلبەسۋى اناعۇرلىم تىعىز، الاۋىزدىقتى باسقارىپ - تىزگىندەپ شەشۋى اناعۇرلىم جاقسى بولعان ”التى اناعۇرلىم“ جالپى تۇلعالىق نىساناسىن جالعاستىرىپ، جالپى بەتتىك ستراتەگيالىق سەلبەستىكتى جوعارى ساپامەن ىلگەرىلەتىپ، جۇڭگو ـ ۆيەتنام تاعدىرلاس ورتاق تۇلعاسى قۇرىلىسىنىڭ ورنىقتى قاداممەن الىسقا جەتۋىنە شىنايى كەپىلدىك ەتىپ، ادامزاتتىڭ تاعدىرلاس ورتاق تۇلعاسىن قۇرۋعا تىڭ دا اناعۇرلىم زور ۇلەس قوسۋ كەرەك.

شي جينپيڭ بىلاي دەپ اتاپ كورسەتتى: جۇڭگو مەن ۆيەتنامنىڭ تاعدىرلاس ورتاق تۇلعاسىن قۇرۋ ماڭىزدى دۇنيە جۇزىلىك مانگە يە. ەكى ەل بەيبىت دامۋ جولىمەن قول ۇستاسا ءجۇرىپ، ءبىر ميلليارد 500 ميلليوننان استام حالىق وسىزاماندانۋعا بىرگە قادام تاستاپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى مەن ورنىقتىلىعىن پارمەندى قورعاپ، بىرگە دامۋدى جەبەيدى. ەكى ەل دە سىرتقا ەسىك اشۋعا تاباندى بولىپ، وڭىرلىك كاسىپ تىزبەگى مەن قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋدا، ەكونوميكانىڭ جاھاندانۋىن جەبەۋدە بەلسەندى رول اتقاردى. كىشكەنە قايىق تار جول، تايعاق كەشۋلەردەن وتە المايدى، تار جول، تايعاق كەشۋلەردەن بىرگە وتكەندە عانا ورنىقتى تۇردە ۇزاققا ساپار شەگۋگە بولادى. جۇڭگو مەن ۆيەتنام ەكەۋى دە ەكونوميكانىڭ جاھاندانۋىنىڭ يگىلىگىن كورۋشىلەر، ستراتەگيالىق تۇراقتىلىقتى كۇشەيتىپ، سىڭار جاقتى زورەكەرلىككە بىرگە قارسى تۇرىپ، دۇنيە جۇزىلىك ەركىن ساۋدا ءتۇزىلىسىن جانە كاسىپ سالاسى تىزبەگى مەن قامداۋ تىزبەگىنىڭ ورنىقتىلىعىن قورعاۋ كەرەك.

شي جينپيڭ جۇڭگو ـ ۆيەتنام تاعدىرلاس ورتاق تۇلعاسى قۇرىلىسىن تەرەڭدەتۋ جونىندە 6 ءتۇرلى شارانى العا قويدى.

ءبىرىنشى، اناعۇرلىم جوعارى دەڭگەيدەگى ستراتەگيالىق ءوزارا سەنىمدىلىكتى كۇشەيتۋ.

ەكى پارتيانىڭ، ەكى ەلدىڭ باسشىلارى تۋىس - تۋعاندارداي بارىس - كەلىس جاساپ، كوبىرەك پىكىرلەسۋى كەرەك. ەكى جاق پارتيالار ارا، زاڭ شىعارۋ قۇرىلىمدارى، ساياسي كەڭەس ۇيىمدارى سياقتىلاردىڭ ارنالىق رولدارىن ويداعىداي ساۋلەلەندىرىپ، ەل باسقارۋ تاجىريبەلەرىن اۋىستىرۋدى تەرەڭدەتىپ، پارتيانىڭ مەملەكەتتىڭ وسىزاماندانۋىن ىلگەرىلەتۋگە باسشىلىق ەتۋ ورەسىن جوعارىلاتۋى كەرەك.

ەكىنشى، اناعۇرلىم بەرىك حاۋىپسىزدىك قالتقىسىن ورناتۋ. ەكى ەلدىڭ ديپلوماتيا، مەملەكەت قورعانىسى، قوعام حاۋىپسىزدىگى سىندى ”3 + 3“ ستراتەگيالىق پىكىرلەسۋ مەحانيزمىن مينيستر دارەجەلى ورىن ەتىپ بەلگىلەپ، ستراتەگيالىق سەلبەستىكتى كۇشەيتۋ كەرەك. قورعانىس ىستەرى مەن زاڭ اتقارۋ حاۋىپسىزدىگى سەلبەستىگى مەحانيزمىنىڭ رولىن ويداعىداي ساۋلەلەندىرىپ، توراپتا قۇمار ويناۋ، ەلەكتر الدامكوستىگى سياقتى شەكارا اتتاعان قىلمىستارعا باتىل سوققى بەرىپ، ەكى جاقتى جانە كوپ جاقتى، اسىرەسە، لانساڭ وزەنى ـ مەكونگ وزەنى سەلبەستىگى جۇلگەسىندەگى زاڭ اتقارۋ، ءادىليا سەلبەستىگىن كۇشەيتىپ، حالىق بۇقاراسىنىڭ ءومىرى مەن مال ـ مۇلكىنىڭ حاۋىپسىزدىگىن جانە ءوڭىردىڭ حاۋىپسىزدىگىن، ورنىقتىلىعىن قورعاۋ كەرەك.

ءۇشىنشى، اناعۇرلىم جوعارى ساپالى ءوزارا ءتيىمدى سەلبەستىكتى كەڭەيتۋ. جۇڭگونىڭ جاڭاشا وندىرگىش كۇشتەرى مەن ۆيەتنامنىڭ جاڭاشا وندىرگىش كۇشتەرىنىڭ جەدەل قالىپتاسۋى سىندى ماڭىزدى ورايدى يگەرىپ، ەكى ەلدىڭ ناقتى سەلبەستىگىنىڭ ساپاسىن، دارەجەسىن جوعارىلاتۋدى ىلگەرىلەتۋ كەرەك. ەكى جاقتىڭ ولشەمدى رەليستى تەمىر جولىن، جوعارى قارقىندى تاس جولىن، زەردەلى وتكەلىن جاپپاي تۇتاستىرۋدى ەرتەرەك جۇزەگە اسىرۋ كەرەك. جاساندى زەردە، زات تورابى سياقتى جوعارى تەحنيكا سەلبەستىگىن ىلگەرىلەتۋ كەرەك. جۇڭگونىڭ ەرەن كولەمدى بازارى ۆيەتنامعا باستان ـ اياق اشىق ۇستالادى، ۆيەتنامنىڭ ءتىپتى دە كوپ ساپالى ونىمدەرىنىڭ جۇڭگوعا ەكسپورت ەتىلۋىن قارسى الامىز. جۇڭگو جاق جۇڭگو كاسىپورىندارىن ۆيەتنامعا بارىپ قارجى قوسۋعا ىنتالاندىرادى، ۆيەتنامنىڭ اناعۇرلىم ءادىل، دوسجار شارۋاشىلىق ـ ساۋدا ورتاسىن قالىپتاستىرۋىن ءۇمىت ەتەدى.

ءتورتىنشى، اناعۇرلىم كەڭ كولەمدى حالىق رايى دانەكەرىن بەكەمدەۋ. بيىلعى ”جۇڭگو - ۆيەتنام گۋمانيتارلىق اۋىس - كۇيىس جىلىن“ وراي ەتىپ، بۇقارامەن ەتەنە، حالىقتىڭ قالاۋىنان شىعاتىن دوستىق قيمىلدارىن كوبىرەك وتكىزىپ، ساياحات، مادەنيەت، اقپارات قۇرالدارى، دەنساۋلىق ساقتاۋ سياقتى جاقتارداعى سەلبەستىكتى كۇشەيتۋ كەرەك. قىزىل بايلىقتى ۇزدىكسىز اشىپ، جاقسى دوستاردىڭ جاقسى اڭگىمەسىن شەرتىپ، الداعى 3 جىلدا ۆيەتنام جاستارىن جۇڭگوعا ”قىزىل زەرتتەۋ - ۇيرەنۋ ساپارىن“ ورىستەتۋگە ۇسىنىس ەتىپ، ەكى ەل حالقىنىڭ، اسىرەسە، جاس ۇرپاقتاردىڭ قىزىل بيلىكتىڭ وڭاي - وسپاق قولعا كەلمەگەندىگىن، ەكى ەلدىڭ تاتۋ كورشىلىك دوستىق سەلبەستىگىنىڭ اسا باعالى ەكەندىگىن تۇسىنۋىنە مۇمكىندىك جاساپ، جۇڭگو - ۆيەتنام قارىم - قاتىناسىنىڭ دامۋىنا جانە ءوز ەلدەرىنىڭ قۇرىلىسى ءۇشىن اناعۇرلىم كوپ جالىندى كۇش جەتىلدىرۋ كەرەك.

بەسىنشى، اناعۇرلىم تىعىز كوپ جاقتى سەلبەستىكتى ورىستەتۋ. دۇنيە جۇزىلىك ەكىنشى سوعىستىڭ جەڭىس جەتىستىكتەرىن بىرگە قورعاپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق ءتارتىپتى باتىل قورعاپ، دۇنيە ءجۇزىنىڭ بارابار، ءتارتىپتى كوپ ۇيەكتەنۋىن، ەكونوميكانىڭ سيىسىمدى جاھاندانۋىن ىلگەرىلەتىپ، دۇنيە جۇزىلىك ءۇش ءىرى باستاما جۇلگەسىندەگى سەلبەستىكتى كۇشەيتۋ كەرەك.

جۇڭگو جاقىن، ادال، ءتيىمدى، كەشىرىمشىل بولۋ ۇستانىمى مەن كورشىلەرمەن تاتۋ بولۋ، كورشىلەرمەن سەرىك بولۋ باعىتىنا تاباندى بولىپ، توڭىرەكتەگى ەلدەرمەن دوستىق سەلبەستىكتى تەرەڭدەتىپ، جۇڭگو ۇلگىسىندەگى وسىزامانداندىرۋ جەتىستىكتەرىنىڭ توڭىرەكتەگى ەلدەرگە اناعۇرلىم كوپ پايدا جەتكىزۋىنە مۇمكىندىك جاسايدى.

التىنشى، اناعۇرلىم ءتيىمدى تەڭىزدەگى ىقپالداستىقتى جۇزەگە اسىرۋ. ەكى ەل باسشىلارىنىڭ ورتاق تانىمىن ناقتى تياناقتاندىرىپ، تەڭىزدەگى ماسەلەلەردى ۇيلەسىمدى ءبىر جاقتى ەتىپ، تەڭىزدەگى سەلبەستىكتى كەڭەيتىپ، بىرگە اشۋعا كىرىسۋگە بەل بايلاپ، ”نانحاي تەڭىزى ارەكەت ولشەمىنىڭ“ تەزىرەك جاسالۋىن ىلگەرىلەتۋ كەرەك.

سۋ لين باس شۋجي، مەملەكەت ءتوراعاسى شي جينپيڭنىڭ ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى قارساڭىندا ۆيەتنامدا مەملەكەتتىك ساپاردا بولعاندىعىن قىزۋ قارسى الدى. سۋ لين مىنالاردى ءبىلدىردى: باس شۋجي شي جينپيڭ _ جۇڭگو حالقىنىڭ كورنەكتى كوسەمى ءارى ۆيەتنام حالقىنىڭ ۇلى دوسى. باس شۋجي شي جينپيڭ بيىل تۇڭعىش ساپارىندا ۆيەتنامعا كەلىپ، ۆيەتنام ـ جۇڭگو قارىم - قاتىناسىنا ءمان بەرەتىندىگىن جانە ۆيەتنامعا قولداۋ كورسەتەتىندىگىن تولىق ايگىلەدى. وسى رەتكى ساپار، ءسوز جوق، ەكى پارتيانىڭ، ەكى ەلدىڭ دوستىق بارىس ـ كەلىس تاريحىنداعى جاڭا بەلەسكە اينالىپ، ەكى ەلدىڭ ستراتەگيالىق مانگە يە تاعدىرلاس ورتاق تۇلعاسى قۇرىلىسىندا تىڭ ىلگەرىلەۋشىلىككە قول جەتكىزىلۋىن ىلگەرىلەتەدى.

سۋ لين مىنالاردى ءبىلدىردى: باس شۋجي شي جينپيڭنىڭ پارمەندى باسشىلىعىندا، جۇڭگوشا سوتسياليزم ىستەرىندە تاريحي تابىستارعا قول جەتتى، جۇڭگو ۇلگىسىندەگى وسىزامانداندىرۋ جاپپاي ىلگەرىلەتىلدى، جاڭاشا وندىرگىش كۇشتەر جەدەل دامىدى، جۇڭگونىڭ حالىقارالىق ورنى ۇزدىكسىز جوعارىلادى، ۆيەتنام جاق مۇنى شىن جۇرەكتەن قۇتتىقتايدى، جۇڭگونىڭ ۇزاق ۋاقىتتان بەرى ۆيەتنامدى زور كۇشپەن قولداعاندىعىنا جانە كومەكتەسكەندىگىنە العىس ايتادى.

سۋ لين مىنالاردى ءبىلدىردى: ۆيەتنام دا، جۇڭگو دا _ كوممۋنيستىك پارتيانىڭ باسشىلىعىنداعى سوتسياليستىك مەملەكەت، جۇڭگومەن قارىم - قاتىناستى دامىتۋ _ ۆيەتنامنىڭ وبيەكتيۆ تالابى، ستراتەگيالىق تالعامى جانە ماڭداي الدى العى شەشىمى. ۆيەتنام جاق ءبىر جۇڭگو ساياساتىن باتىل اتقارادى، جۇڭگونىڭ بىرلىككە كەلۋ ۇلى ءىسىن جۇزەگە اسىرۋىن قولدايدى، ءارقانداي ”تايۋان دەربەستىگى“ بولشەكتەۋشىلىك ارەكەتىنە باتىل قارسى تۇرادى. ۆيەتنام ـ جۇڭگو قارىم - قاتىناسىنىڭ ۇزدىكسىز دامۋىن ىلگەرىلەتۋ ەكى ەل حالقىنىڭ ءتۇبىرلى مۇددەسىنە، ءداۋىر اعىمىنا ۇيلەسەدى. ۆيەتنام جاق جۇڭگو جاقپەن ەكى پارتيانىڭ، ەكى ەلدىڭ جوعارى جىكتەگىلەرىنىڭ بارىس ـ كەلىسىن جيىلەتىپ، ەل باسقارۋ تاجىريبەلەرىن اۋىستىرۋدى كۇشەيتىپ، ستراتەگيالىق حاۋىپسىزدىك سەلبەستىگىن كۇشەيتىپ، ساياسي سەنىمدىلىكتى ۇزدىكسىز بەكەمدەۋدى؛ ەكى جاقتى سەلبەستىكتىڭ دەڭگەيىن جوعارىلاتىپ، ەكونوميكا ـ ساۋدا، عىلىم ـ تەحنيكا، نەگىزدىك قۇرىلعى، قورشاعان ورتانى قورعاۋ سياقتى سالالارداعى سەلبەستىكتىڭ اناعۇرلىم كوپ كورىنەۋ تۇيىندەرىن قالىپتاستىرۋدى؛ گۋمانيتارلىق اۋىس ـ كۇيىستى جەبەپ، جەرگىلىكتى ورىنداردىڭ، جاستاردىڭ بارىس ـ كەلىسىن ىلگەرىلەتىپ، ساياحات سەلبەستىگىن كۇشەيتىپ، حالىقتىڭ ءوزارا ءتۇسىنىسۋىن، ەتەنە بولۋىن كۇشەيتۋدى ءۇمىت ەتەدى. ۆيەتنام جاق باس شۋجي شي جينپيڭ العا قويعان ادامزاتتىڭ تاعدىرلاس ورتاق تۇلعاسى ۇستانىمى مەن 3 ءىرى دۇنيە جۇزىلىك باستاماسىن قولدايدى، جۇڭگو كوممۋنيستىك پارتياسى ورتالىق كوميتەتىنىڭ توڭىرەكتىك قىزمەت ماجىلىسىندە بەلگىلەنگەن توڭىرەكتەگى ەلدەرمەن ”بەس ۇلى مەكەن“ قۇرۋ جوباسىنا جانە تاتۋ كورشى، تىنىش كورشى، باي كورشى بولۋ باعىتىنا تاباندى بولعاندىعىن ايرىقشا القايدى. ۆيەتنام جاق جۇڭگو جاقپەن سايكەسۋدى جانە سەلبەسۋدى كۇشەيتىپ، كوپ جاقتىلىققا تاباندى بولىپ، بەيبىت قاتار تۇرۋدىڭ بەس پرينسيبىنەن جازباي، حالىقارالىق ساۋدا ەرەجەسىن قورعاپ، ەكى جاق قول قويعان كەلىسىمگە بويسۇنىپ، دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىن جەبەۋگە اناعۇرلىم زور ۇلەس قوسۋدى قالايدى. ۆيەتنام جاق جۇڭگو جاقپەن تەڭىزدەگى الاۋىزدىقتاردى ۇيلەسىمدى ءبىر جاقتى ەتىپ، تەڭىزدەگى ورنىقتىلىقتى قورعاۋدى قالايدى.

كەڭەستەن بۇرىن سۋ لين شي جينپيڭدى شاي ىشە وتىرىپ شاعىن كولەمدە اڭگىمەلەسۋگە ۇسىنىس ەتتى. ەكى پارتيانىڭ باس شۋجيلەرى پارتيانى، مەملەكەتتى جونگە سالۋ ۇستانىمى جونىندە پىكىر اۋىستىردى. شي جينپيڭ بىلاي دەپ اتاپ كورسەتتى: پارتيا قۇرىلىسى پارتيا مەن مەملەكەتتىڭ بولاشاعىنا، تاعدىرىنا سايادى، پارتيا ستيلى حالىقتىڭ قولداۋ - قولداماۋىنا سايادى. جۇڭگو كوممۋنيستىك پارتياسى ورتالىق كوميتەتى بيىل بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسىن ىشكەرىلەي ورىستەتىپ، ستيل قۇرىلىسىنىڭ تىڭ تابىستارى ارقىلى رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى پارمەندى كەپىلمەن قامداۋدى ۇيعاردى. ەكى پارتيانىڭ باس شۋجيلەرى اۋىس ـ كۇيىستى، ءوزارا ۇلگى الۋدى كۇشەيتىپ، سوتسياليزم جولىمەن بىرگە ويداعىداي جۇرۋگە ءبىر اۋىزدان ماقۇل بولدى.

كەڭەستەن كەيىن ەكى پارتيانىڭ باس شۋجيلەرى جۇڭگو مەن ۆيەتنام قول قويعان 45 نۇسقا ەكى جاقتى سەلبەستىك قۇجاتىنىڭ كورمەلەنۋىنە بىرگە كۋا بولدى، بۇلار ۇلاستىرۋ - تۇتاستىرۋ، جاساندى زەردە، كەدەندىك تەكسەرۋ ـ كارانتيندەۋ، اۋىل شارۋاشىلىق ونىمدەرى ساۋداسى، مادەنيەت جانە سپورت، حالىق تۇرمىسى، ادام كۇشى بايلىعىن اشۋ، اقپارات قۇرالدارى سياقتى سالالاردى قامتيدى.

ەكى جاق «جۇڭحۋا حالىق رەسپۋبليكاسى مەن ۆيەتنام سوتسياليستىك رەسپۋبليكاسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز تەرەڭدەتۋ، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن جەدەل قۇرۋ جونىندەگى بىرلەسكەن مالىمدەمەسىن» جاريالادى.

سول كۇنى كەشتە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لين، ۆيەتنامنىڭ مەملەكەت ءتوراعاسى لياڭ چياڭ شي جينپيڭگە بىرگە قارسى الۋ قوناعاسىن بەردى. ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شۋجيچۋىنىڭ شۋجيى قاتارلى باسشى جولداستار سەرىك بولىپ قاتىناستى.

ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى