شي جينپيڭ ۆيەتنامنىڭ زۇڭليى فان ميڭجىڭمەن كەزدەستى

4 - ايدىڭ 14 - كۇنى كەشتە مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتى تۇرعان جەردە ۆيەتنامنىڭ زۇڭليى فان ميڭجىڭمەن كەزدەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 4 - ايدىڭ 14 - كۇنى، حانوي (تىلشىلەر شيڭ شۋە، شىن شياۋشياۋ). 4 - ايدىڭ 14 - كۇنى كەشتە مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتى تۇرعان جەردە ۆيەتنامنىڭ زۇڭليى فان ميڭجىڭمەن كەزدەستى.

شي جينپيڭ بىلاي دەپ اتاپ كورسەتتى: ۆيەتنام پارتياسى مەن ۇكىمەتىنىڭ باسشىلىعىندا، ۆيەتنامنىڭ ساياسيى، قوعامى ورنىقتى بولدى، جاڭارتۋ ىستەرى قۋانارلىق تابىسقا قول جەتكىزدى، حالىقاراداعى ورنى كۇن سايىن جوعارىلادى، جۇڭگو بۇعان قۋانادى.

جۇڭگو مەن ۆيەتنام ۇلتتى گۇلدەندىرۋدى جۇزەگە اسىرۋ، مەملەكەتتىڭ دامۋىن جەدەلدەتۋ تاريحي بورىشىن ارقالاپ وتىر، تاعدىرلاس ورتاق تۇلعا تانىمىن بەرىك ورناتىپ، جالپى بەتتىك ستراتەگيالىق سەلبەستىكتى تەرەڭدەتىپ، وزدەرىنىڭ وسىزاماندانۋ اياق الىسىنا قىزمەت ەتىپ، جۇڭگو ـ ۆيەتنام تاعدىرلاس ورتاق تۇلعاسى قۇرىلىسىنىڭ جەتىستىكتەرىنەن ەكى ەل حالقىن اناعۇرلىم ويداعىداي يگىلىكتەندىرۋ كەرەك.

شي جينپيڭ بىلاي دەپ باسا دارىپتەدى: ەكى جاق ستراتەگيالىق سەلبەستىكتى كۇشەيتىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ ساياسي نەگىزىن بەكەمدەۋى كەرەك. جوعارى جىكتەگىلەردىڭ بارىس ـ كەلىسىن جيىلەتىپ، ستراتەگيالىق قارىم ـ قاتىناستى كۇشەيتىپ، زورەكەرلىككە، سىڭار جاقتىلىققا، قورعانىمپازدىققا بىرگە قارسى تۇرىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن ويداعىداي تياناقتاندىرىپ، حالىقارالىق ادىلدىك پەن ادىلەتتىلىكتى بىرگە قورعاپ، ازيانىڭ، ءتىپتى، دۇنيە ءجۇزىنىڭ بەيبىتشىلىگى مەن ورنىقتىلىعىن جانە دامىپ، گۇلدەنۋىن قورعاۋ كەرەك.

ەكى جاق جوعارى ساپالى دامۋدى ىلگەرىلەتىپ، ەكى ەلدىڭ وسىزامانداندىرۋعا قول ۇستاسا قادام تاستاۋىنا بەرىك ستراتەگيالىق تىرەك ازىرلەۋى كەرەك. جۇڭگو مەن ۆيەتنامنىڭ قۇرلىق، تەڭىز تۇتاسقان وڭىرلىك ابزالدىعىن تولىق ساۋلەلەندىرىپ، دامۋ ستراتەگياسىن ۇشتاستىرۋدى كۇشەيتىپ، كاسىپ سالاسى سەلبەستىگىنىڭ كومەسكى كۇشىن ىشكەرىلەي اشۋ كەرەك. نەگىزدىك قۇرىلعىلار قۇرىلىسى سەلبەستىگىن ورنىقتى ىلگەرىلەتىپ،ۇلاستىرۋ - تۇتاستىرۋ دەڭگەيىن جوعارىلاتىپ، ساۋدانىڭ ىركىلىسسىزدىگىنە كەپىلدىك ەتۋ كەرەك. ساۋدا، قارجى قوسۋ سياقتى ءداستۇرلى سالالارداعى سەلبەستىكتى زورايتىپ، كۇشەيتىپ، 5 G، جاساندى زەردە، تازا ەنەرگيا، سيفرلى ەكونوميكا سياقتى جاڭادان گۇلدەنگەن كاسىپ سالاسى سەلبەستىگىن كەڭەيتۋ كەرەك. ءتۇزىلىستى باتىل قورعاپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، تەپە ـ تەڭ باعىتقا قاراي دامۋىن بىرگە ىلگەرىلەتۋ كەرەك.

ەكى جاق گۋمانيتارلىق سەلبەستىكتى تەرەڭدەتىپ، جۇڭگو ـ ۆيەتنام دوستىعىنىڭ نەگىزگى اۋەنىن اسقاقتاتۋى كەرەك. جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتاۋ جانە ”جۇڭگو - ۆيەتنام گۋمانيتارلىق اۋىس - كۇيىس جىلى“ جەلىلەس قيمىلدارىن ويداعىداي وتكىزىپ، جۇڭگو - ۆيەتنام دوستىعىنىڭ قىزىل حيكايالارىن جاقسى اڭگىمەلەۋمەن بىرگە، ەكى ەلدىڭ ءوزارا پايدا جەتكىزىپ سەلبەسۋىنىڭ، قول ۇستاسا وسىزامانداندىرۋعا بەت الۋىنىڭ حيكايالارىن دا جاقسى بايانداۋ كەرەك. حالىقتىڭ قالاۋىنان شىعاتىن، حالىقتىڭ تىلەگىنە ۇيلەسەتىن، حالىق تۇرمىسىنا تيىمدىلىك جاسايتىن اناعۇرلىم كوپ نىساندى اتقارۋ كەرەك.

فان ميڭجىڭ مىنالاردى ءبىلدىردى: ءتوراعا شي جينپيڭنىڭ ۆيەتنامدا مەملەكەتتىك ساپاردا بولۋى _ ەكى ەلدىڭ بيىلعى ەڭ ماڭىزدى جوعارى جىكتەگىلەرىنىڭ بارىس ـ كەلىسى، ۆيەتنام ـ جۇڭگو قارىم - قاتىناسىنداعى ءىرى ءىس، قۋانىشتى ءىس، تاريحي مانگە يە، ۆيەتنام ـ جۇڭگو قارىم - قاتىناسىنىڭ اناعۇرلىم زور دامۋعا قول جەتكىزۋىنە جەتەكشىلىك ەتىپ، ەكى جاقتى سەلبەستىككە پارمەندى قوزعاۋشى كۇش قوسادى.

فان ميڭجىڭ مىنالاردى ءبىلدىردى: ءتوراعا شي جينپيڭ 2023 ـ جىلى ۆيەتنامعا ساپارلاي بارعاننان بەرى ەكى ەل قارىم - قاتىناسىنىڭ ستراتەگيالىق ءوزارا سەنىمدىلىگى ونان ارى كۇشەيىپ، ناقتى سەلبەستىكتە كەلەلى ىلگەرىلەۋشىلىككە قول جەتكىزىلىپ، حالىقتىڭ دوستىق سۇيىسپەنشىلىگى كۇن سايىن تەرەڭدەدى. ۆيەتنام جاق جۇڭگومەن قارىم - قاتىناسىنا ايرىقشا ءمان بەرەدى، ستراتەگيالىق مانگە يە ۆيەتنام ـ جۇڭگو تاعدىرلاس ورتاق تۇلعاسى قۇرىلىسىن تاباندىلىقپەن ىلگەرىلەتۋگە بەل بايلاپ وتىر. ۆيەتنام جاق جۇڭگونىڭ قول جەتكىزگەن وراسان زور دامۋ جەتىستىكتەرىن شىن جۇرەكتەن قۇتتىقتايدى، جۇڭگونىڭ ۇزدىكسىز دامۋىن، زورايۋىن قولدايدى، جۇڭگونىڭ پارتيانى جونگە سالۋ، مەملەكەتتى جونگە سالۋ تاجىريبەسىن، جۇڭگونىڭ ءوز كۇشىنە سۇيەنۋ، ءوزىن الۋەتتەندىرۋ رۋحىن، جۇڭگونىڭ دامۋ ۇستانىمى ۇلگىسىن ۇيرەنۋدى ءۇمىت ەتەدى.

ۆيەتنام جاق جۇڭگو جاقپەن ەكونوميكا ـ ساۋدا، قارجى قوسۋ، ۇلاستىرۋ - تۇتاستىرۋ، عىلىم ـ تەحنيكا، فينانس سياقتى سالالارداعى سەلبەستىكتى كۇشەيتىپ، ەكونوميكانىڭ ومىرشەڭدىك كۇشى مەن ارتۋ قوزعاۋشى كۇشىن نىعايتىپ، حاۋىپ ـ قاتەر مەن سىن ـ سايىستارعا بىرگە توتەپ بەرۋدى ءۇمىت ەتەدى. ”ۆيەتنام - جۇڭگو گۋمانيتارلىق اۋىس - كۇيىس جىلى“ قيمىلىن ويداعىداي وتكىزىپ، ادامداردىڭ بارىس - كەلىسى مەن جەرگىلىكتى ورىنداردىڭ سەلبەستىگىن كۇشەيتىپ، حالىقتىڭ دوستىق سۇيىسپەنشىلىگىن نىعايتۋدى ءۇمىت ەتەدى. جۇڭگومەن حالىقارالىق، وڭىرلىك ىستەردەگى سەلبەستىكتى كۇشەيتىپ، كۇردەلى دە قۇبىلمالى حالىقارالىق جاعدايدا ستراتەگيالىق تۇراقتىلىقتى ساقتاپ، كوپ جاقتىلىقتى جانە حالىقارالىق ءتارتىپتى بىرگە قورعاۋدى ءۇمىت ەتەدى.

ساي چي، ۋاڭ ي، ۋاڭ شياۋحۇڭ قاتارلىلار قاتىناستى.

كەلۋ قاينارى: حالىق تورابى