ەلەكترلى اۆتوكولىك باتەرياسىنىڭ جاڭا مەملەكەتتىك ولشەمى 2026 – جىلى 7 – ايدىڭ 1 - كۇنىنەن اتقارىلادى

شينحۋا اگەنتتىگىنىڭ 4 – ايدىڭ 15 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 15 – كۇنى ۇعىسۋىنشا، ونەركاسىپ جانە ينفورماتسيالاندىرۋ مينيسترلىگى ۇيىمداستىرىپ جاساعان زورلىقتى مەملەكەتتىك ولشەم «ەلەكترلى اۆتوكولىككە پايدالانىلاتىن قوزعاۋشى كۇش اككۋمۋلياتورىنىڭ حاۋىپسىزدىك تالابى» (GB 38031 – 2025) بىرنەشە كۇننىڭ الدىندا جاريالاندى، 2026 – جىلى 7 – ايدىڭ 1 – كۇنىنەن باستاپ اتقارىلادى.

وسى رەتكى وزگەرىس ەنگىزۋ مازمۇنىندا نەگىزىنەن جىلۋ تاراتۋ سىناعىنا وزگەرىس ەنگىزىلىپ، ولشەنەتىن باتەريانىڭ تەمپەراتۋرا تالابى، جوعارى - تومەن ەلەكتر كۇيى، باقىلاۋ ۋاقىتى، تۇتاس اۆتوكولىكتى سىناۋ شارت - جاعدايى ونان ارى ايقىندالدى، تەحنيكالىق تالاپ وسىدان بۇرىنعى ورتەنۋدەن، قوپارىلىس جاساۋدان 5 مينۋت بۇرىن قىزۋ وقيعاسىنان ساقتىق سيگنالىمەن قامداۋى قاتارلىلاردان ءورت كەتپەۋ، قوپارىلىس جاساماۋعا (ءالى دە ساقتىق سيگنالىن بەرۋ)، ىس - تۇتەكتىڭ جولاۋشىلارعا زيان جەتكىزبەۋى قاتارلىلارعا رەتتەلدى؛ استىڭعى بولەگىنىڭ سوعىلۋ سىناعى تىڭنان قوسىلىپ، باتەريانىڭ استىڭعى بولەگىنىڭ سوعىلعاننان كەيىنگى قورعانۋ قۋاتى تەكسەرىلەدى؛ اينالىمدى تەز تولتىرعاننان كەيىنگى حاۋىپسىزدىك سىناعى تىڭنان قوسىلىپ، 300 رەت اينالىمدى تەز تولتىرعاننان كەيىن سىرتقى قىسقا تۇيىقتالۋ سىناعى جۇرگىزىلىپ، ءورت كەتپەۋ، قوپارىلىس جاساماۋ تالاپ ەتىلەدى.

بۇدان سىرت، وزگەرىس ەنگىزىلگەن نۇسقادا بۇل ولشەم ەلەكترلى اۆتوكولىككە قولدانىلاتىن قوزعاۋشى كۇش باتەرياسىنا قولدانىلادى، ياعني قوزعالمايتىن باتەرياعا قولدانىلمايدى؛ يزولياتورلىق كەدەرگى تالابىن كەمەلدەندىرىپ، اينىمالى توك تىزبەگى باتەريا جۇيەسىنىڭ يزولياتورلىق كەدەرگى تالابىن ارتتىرادى؛ قىسىم سىناعى تالابىن جوعارىلاتىپ، يزولياتسيالانعان كەدەرگىگە قاتىستى تۇجىرىم جاساۋ شارت - جاعدايىن ارتتىرادى.

كەلۋ قاينارى: حالىق تورابى