ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى تاراۋلار جۇمىستانۋدى ىلگەرىلەتۋ جاعىندا قىزمەت وتەۋ قاتارلى قيمىلداردى ۇيىمداستىردى 

حالىق گازەتىنىڭ ءتىلشىسى چيۋ چاۋ – ي 4 – ايدىڭ 15 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، وقۋ – اعارتۋ مينيسترلىگى، اسكەري مىندەتتەن بوساعان اسكەريلەرگە قاتىستى ىستەر مينيسترلىگى، مەملەكەتتىك باس جۇمىسشىلار ۇيىمى، مەملەكەتتىك ايەلدەر بىرلەستىگى، مەملەكەتتىك ونەركاسىپشىلەر جانە ساۋداگەرلەر بىرلەستىگى جۋىردا ەلىمىز بويىنشا مەملەكەتتىك 2025 – جىلعى حالىقتىق كاسىپورىندارعا قىزمەت وتەۋ ايى قيمىلىن ورىستەتۋ جونىندە ورنالاستىرۋ جاساعان.

تانىستىرۋعا قاراعاندا، وسى رەتكى قيمىلدا ”حالىقتىق ەكونوميكانىڭ دامۋىنا قولداۋ كورسەتۋ، جوعارى ساپالى، تولىق جۇمىستاندىرۋدى ىلگەرىلەتۋ“ تاقىرىپ ەتىلگەن، 4 – ايدىڭ ورتا شەنىنەن 5 – ايدىڭ ورتا شەنىنە دەيىن ۇزدىكسىز ورىستەتىلەدى. قىزمەت وتەۋ وبيەكتىلەرى حالىقتىق كاسىپورىنداردى باستى ءتۇيىن ەتكەن ءتۇرلى ادام ىستەتۋشى ورىندار، سونداي – اق، جوعارى مەكتەپتەردەن وقۋ بىتىرگەندەر قاتارلى جاستار، شارۋا جۇمىسكەرلەر، تىزىمگە الىنعان جۇمىسسىز قالعاندار، اسكەري مىندەتتەن بوساعان اسكەريلەر قاتارلى ءتۇرلى قىزمەت ىزدەۋشىلەر. قيمىل مەزگىلىندە، جەر – جەردەگى ءارقايسى تاراۋلار ساياساتتى ۇگىتتەۋ تەبىنىن كۇشەيتىپ، كاسىپورىنداردىڭ سايكەستى ساياساتتاردان يگىلىكتەنۋىنە كومەكتەسىپ، ەرەكشەلىككە يە قىزمەتكەر قابىلداۋ قيمىلدارىن ۇيىمداستىرىپ، ينتەرنەت ارقىلى جانە ينتەرنەتتەن تىس فورمادا ءتۇرلى قيمىلداردى يكەمدى ورىستەتىپ، جۇمىس ىزدەۋ جانە قىزمەتكەر ىزدەۋ جاعىنداعى قامداۋ مەن قاجەتسىنۋدى تۇرگە ءبولىپ ۇشتاستىرىپ، حالىقتىق ەكونوميكانىڭ دامۋىنا كوڭىل بولەتىن جانە قولداۋ كورسەتەتىن تاماشا قوعامدىق اۋقىمدى قالىپتاستىرىپ، ەڭبەكشىلەردىڭ تابىس سەزىمىن، باقىت سەزىمىن كۇشەيتەدى.

ۇعىسۋعا قاراعاندا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى سونىمەن ءبىر ۋاقىتتا جۇڭگو قىزمەتكەر قابىلداۋ الەۋمەتتىك تورابىندا ”مەملەكەتتىك 2025 – جىلعى حالىقتىق كاسىپورىندارعا قىزمەت وتەۋ ايى“ ارناۋلى ايدارشاسىن اشىپ، جەر – جەردەگى قاتىستى تاراۋلاردىڭ توراپتارىمەن، APP تەكشەلەرىمەن بىرگە قيمىلعا قاتىستى ورنالاستىرۋلار، قىزمەتكەر قابىلداناتىن ورىندار قاتارلى ينفورماتسيالاردى جاريالايدى.

كەلۋ قاينارى: حالىق تورابى