ەڭ جوعارى باعاعا جەتتى! ساپ التىننان جاسالعان اشەكەي بۇيىمدارعا قويىلعان باعا ءار گرامىنا مىڭ يۋاننان استى 

حالىقارالىق بازاردا التىن باعاسىنىڭ ۇزدىكسىز قىمباتتاۋىنا بايلانىستى حالىق اقشاسىمەن ەسەپتەگەندەگى التىن باعاسى ۇزدىكسىز جوعارى دەڭگەيدى جاراتتى. 4 – ايدىڭ 16 – كۇنى ايگىلى ماركاداعى كوپتەگەن دۇكەندەردە ساپ التىننان جاسالعان اشەكەي بۇيىمدارعا قويىلعان باعا ءار گرامىنا 1000 يۋاننان اسىپ، بازارداعى جالپىلىق باعا ءار گرامىنا 1005 يۋان اينالاسىندا بولىپ، تاريحتاعى جاڭا ورەنى جاراتتى.

جۋىردا بازاردا قاتەردەن ساقتانۋ نىسايى ارتىپ، لوندونداعى دايىن التىننىڭ باعاسى 4 – ايدىڭ 16 – كۇنى بازار بارىسىندا ءبىر مەزگىل ءار ۋنتسياسىنا 3270 ا ق ش دوللارىنان جوعارى دەڭگەيگە جەتكەن، 4 – ايدان بەرى جيىنى %5 كە جۋىق قىمباتتاعان. وسىنىڭ جەتەگىندە شاڭحايداعى التىن بيرجاسىندا دايىن التىننىڭ باعاسى بازار بارىسىندا ءار گرامىنا 775 يۋاننان جوعارى دەڭگەيگە جەتكەن، شاڭحايداعى كەسىكتى بۇيىم بيرجاسىندا بازارعا شىعارىلعان كەسىكتى التىن تۋرالى ەڭ ءىرى كەسىكتى توقتامداعى باعا ءبىر مەزەت ءار گرامىنا 777.36 يۋانعا جەتىپ، تۇگەلدەي ەڭ جاڭا ورەنى جاراتقان.

جىل باسىنان بەرى، حالىق اقشاسىمەن باعا ەسەپتەلگەن دايىن التىننىڭ باعاسى جيىنى %26 كە جۋىق قىمباتتاپ، بىلتىرعى تۇتاس جىلداعى قىمباتتاۋ مولشەرىنە جاقىنداعان.

كەلۋ قاينارى: حالىق تورابى