دامۋ سەنىمىن بەكەمدەپ، جاڭالىق اشۋ ارقىلى دەم بەرۋدى كۇشەيتىپ، جوعارى ساپالى دامۋدىڭ ورنىقتى، باياندى دامۋىن ىلگەرىلەتۋ كەرەك

شينحۋا اگەنتتىگى، 4 - ايدىڭ 16 - كۇنى، شي - ان. 4 - ايدىڭ 14 - كۇنىنەن 16 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ شانشيدە تەكسەرۋ - زەرتتەۋ جۇرگىزدى ءارى شي - اندا اڭگىمە ءماجىلىسىن باسقارىپ اشتى.

ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، دامۋ سەنىمىن بەكەمدەپ، ستراتەگيالىق تاباندىلىقتى ساقتاپ، ەكونوميكانىڭ ۇزدىكسىز قالپىنا كەلۋىن جەبەپ، جوعارى ساپالى دامۋدىڭ ورنىقتى، باياندى دامۋىن ىلگەرىلەتۋ كەرەك.

ديڭ شۋەشياڭ جىڭتاي زەردەلى ەلەكتر باتىس سولتۇستىك كاسىپ باقشاسىنا، لۇڭجي جاسىل ەنەرگيا عىلىم - تەحنيكا شەكتى جارنا سەرىكتەستىگىنە جانە باتىس سولتۇستىك ءتۇستى مەتال زەرتتەۋ ورنىنا بارىپ، كاسىپورىننىڭ ءوندىرىس، تيجارات، كاسىپ سالاسىنىڭ تيپىن وزگەرتىپ، دارەجەسىن جوعارىلاتۋ سياقتى جاعدايلارىن تەكسەرىپ - زەرتتەدى.

ول مىنالاردى ءبىلدىردى: كاسىپ سالاسى جۇيەسىنىڭ كەمەلدى بولۋى − ەلىمىز ەكونوميكاسىنىڭ دامۋىنداعى ابزالدىق ءارى ءتۇرلى حاۋىپ - قاتەرلەر مەن سىن - سايىستارعا توتەپ بەرۋدىڭ نەگىزى. جاڭالىق اشۋ ارقىلى دەم بەرۋدى كۇشەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن ىلگەرىلەتىپ، جاڭادان گۇلدەنگەن كاسىپ سالالارى مەن بولاشاقتاعى كاسىپ سالالارىن جەتىلدىرىپ، زورايتىپ، ءداستۇرلى كاسىپ سالالارىن جاڭالاۋدى، دەڭگەيىن جوعارىلاتۋدى ىلگەرىلەتىپ، وسىزاماندانعان كاسىپ سالالارى جۇيەسىن جەدەل قۇرۋ كەرەك. ءادىل، ءتارتىپتى بازار ءتارتىبىن قورعاپ، ”ىشكى قارا تالاسۋ ۇلگىسىندەگى“ باسەكەدەن ساقتانۋ كەرەك. جاڭاشا زەرتتەۋ قۇرىلىمدارىنىڭ دامۋىنا قولداۋ كورسەتىپ، قولدانىلمالى نەگىزدىك زەرتتەۋ مەن كاسىپتىك جالپىلىق تەحنيكانى زەرتتەۋ - اشۋدى كۇشەيتىپ، شارۋاشىلىقتىڭ دامۋىنا پارمەندى تىرەك بولۋ كەرەك.

ديڭ شۋەشياڭ باتىس سولتۇستىك ونەركاسىپ داشۋەسىنە، شانشي ونەركاسىپ كاسىپتىك - تەحنيكالىق شۋەيۋانىنا بارىپ، وقۋ - اعارتۋ، عىلىم - تەحنيكا دارىندىلارىن ءبىر تۇلعادا دامىتۋ قىزمەت جاعدايىنا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: جوعارى مەكتەپتەردىڭ نەگىزدىك زەرتتەۋ جانە كەلەلى عىلىم - تەحنيكادا قامال الۋ قاينارى بولۋ رولىن ساۋلەلەندىرىپ، شەشۋشى، وزەكتى تەحنيكالاردان قامال الۋدى كۇشەيتىپ، مەملەكەتتىڭ ستراتەگيالىق قاجەتىن اناعۇرلىم ويداعىداي قاناعاتتاندىرۋ كەرەك. بازار زاڭدىلىعىنا قۇرمەت ەتىپ جانە ودان پايدالانىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋ مەحانيزمى رەفورماسىن تەرەڭدەتىپ، يگىلىك جاراتۋعا قارجى قوسۋدى قولداۋ تەبىنىن ارتتىرىپ، رەال وندىرگىش كۇشتى، دامۋدىڭ جاڭا قوزعاۋشى كۇشىن جەدەل قالىپتاستىرۋ كەرەك. كاسىپتىك وقۋ - اعارتۋعا ايرىقشا ءمان بەرىپ، كاسىپتىڭ جالپىلاسۋىن، ءوندىرىس پەن وقىتۋدىڭ توعىسۋىن ىلگەرىلەتىپ، ءبىر توپ ءىرى ەل شەبەرلەرى مەن جوعارى ونەرلى دارىندىلاردى جەتىلدىرۋ كەرەك. جۇمىستانۋعا جەتەكشىلىك ەتۋدى، قىزمەت وتەۋدى ويداعىداي ىستەپ، مەكتەپ بىتىرگەن وقۋشىلاردىڭ كاسىپ تاڭداۋىنا، اناعۇرلىم تەز جۇمىستانۋىنا، مەملەكەتتىڭ دامۋىنا قىزمەت وتەۋ بارىسىندا ءومىر قۇنىن جۇزەگە اسىرۋىنا كومەكتەسۋ كەرەك.

سامسۇڭ (جۇڭگو) جارتىلاي وتكىزگىش شەكتى سەرىكتەستىگىندە، جۇڭگو - ەۆروپا كەزەكشى پويەزىنىڭ شي - ان شوعىرلاندىرۋ ورتالىعىندا ديڭ شۋەشياڭ شەتەل قارجىلاندىرعان كاسىپورىنداردىڭ دامۋى، سىرتقا ەسىك اشۋدى كەڭەيتۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: سىرتقا ەسىك اشۋ − جۇڭگونىڭ نەگىزگى مەملەكەت ساياساتى، قورعانىمپازدىق تەرىس اعىم نەعۇرلىم كۇشەيگەن سايىن، ءبىزدىڭ ەسىك اشۋدى كەڭەيتۋ بەكىمىمىز سولعۇرلىم بەكەمدەلە تۇسەدى.

كەدەن باجىسى سوعىسى، ساۋدا سوعىسى جۇرت كوڭىلىنە جاقپايدى، جۇڭگو ءار جاقپەن سەلبەستىكتى تەرەڭدەتىپ، ابزالدىقتار ارقىلى ءبىرىن - ءبىرى تولىقتاۋدى كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدى قالايدى. شانشي ”ءبىر بەلدەۋ، ءبىر جولدى“ بىرگە قۇرۋدىڭ جالپى جاعدايىمەن اناعۇرلىم تەرەڭ توعىسىپ، جۇڭگو - ەۆروپا كەزەكشى پويەزىنىڭ شي - ان شوعىرلاندىرۋ ورتالىعىنىڭ رولىن تولىق ساۋلەلەندىرىپ، سىرتقا ەسىك اشۋدىڭ ماڭىزدى ارناسىن قالىپتاستىرىپ، ىشكى قۇرلىقتاعى رەفورما جاساپ، ەسىك اشۋ بەلەسىن جەدەل قالىپتاستىرۋى كەرەك.

اڭگىمە ماجىلىسىندە ديڭ شۋەشياڭ مىنالاردى ءبىلدىردى: بيىل جىل باسىنان بەرى ەلىمىزدىڭ ەكونوميكالىق اينالىمى ورنىقتى باستالىپ، تاماشا باستاما جارىققا شىقتى.

پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋلارىنىڭ تياناقتانۋىن جەدەل ىلگەرىلەتىپ، اناعۇرلىم بەلسەندى، ۇتىمدى ماكرولىق ساياساتتاردى ويداعىداي اتقارىپ، ەلىمىز دامۋىنىڭ وراسان زور سەرپىمدىلىگى مەن ومىرشەڭدىك كۇشىن تولىق تاسقىنداتۋ كەرەك. ىشكى سۇرانىمدى جان - جاقتى كەڭەيتىپ، سىرتقى ساۋداعا ساياتىن كاسىپورىنداردىڭ قيىنشىلىق قىسپاعىنان وتۋىنە كومەكتەسىپ، جۇمىستاندىرۋدى ءتىپتى دە زور تەبىنمەن ورنىقتىرىپ، سىرتقى سوققىعا پارمەندى، ءونىمدى توتەپ بەرۋ كەرەك. شانشيدىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، وزىندىك ابزالدىعىن ساۋلەلەندىرىپ، ەكونوميكالىق، قوعامدىق دامۋدىڭ ۇزدىكسىز تىڭ دەڭگەيگە كوتەرىلۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ شانشي تاراۋىن قۇلشىنا جازۋىن ءۇمىت ەتەمىن.

كەلۋ قاينارى: حالىق تورابى