سىرت جەردە ەمدەلگەندە جۇمىس ۇستىندە جارالانۋدان قامسىزداندىرۋ قاراجاتىمەن تىكەلەي ەسەپ جاساۋ جاپپاي اتقارىلادى 

شينحۋا اگەنتتىگىنىڭ ءتىلشىسى جياڭ لين 4 – ايدىڭ 17 – كۇنى بەيجيڭنەن حابارلايدى. ءتىلشىنىڭ 4 – ايدىڭ 17 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، 4 – ايدىڭ 1 – كۇنىنەن باستاپ، ولكە اتتاپ سىرت جەردە ەمدەلگەندە جۇمىس ۇستىندە جارالانۋدان قامسىزداندىرۋ قاراجاتىمەن تىكەلەي ەسەپ جاساۋ بارلىق ايماق دارەجەلى قالالاردا جاپپاي ورىستەتىلگەن. جەر – جەر مەملەكەت بويىنشا سىرت جەردە ەمدەلگەندە جۇمىس ۇستىندە جارالانۋدان قامسىزداندىرۋ قاراجاتىمەن ەسەپ جاساۋ ينفورماتسيالارى جۇيەسىنە سۇيەنىپ، جۇمىس ۇستىندە جارالانعان جۇمىسشى – قىزمەتكەرلەردىڭ ولكە اتتاپ سىرت جەردە ەمدەلۋ بارىسىندا ەمحاناعا جاتقان جاعدايدا جۇمساعان ەمدەلۋ قاراجاتى، جۇمىس ۇستىندە جارالانۋ سەبەبىنەن ەمحاناعا جاتىپ ساۋىعۋ قاراجاتى جانە قوسىمشا اسپاپتاردى سايكەستىرىپ پايدالانۋ قاراجاتى قاتارلىلاردى قوعامدىق قامتاماسىزداندىرۋ كارتوچكاسى ارقىلى تىكەلەي ەسەپتەن كوتەرۋىن ىسكە اسىرادى.

ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى جۋىردا ۇقتىرۋ شىعارىپ، ولكە اتتاپ سىرت جەردە ەمدەلگەن كەزدە جۇمىس ۇستىندە جارالانۋدان قامسىزداندىرۋ قاراجاتىمەن ەسەپ جاساۋ ساياساتى جاپپاي اتقارىلعاننان كەيىنگى قاتىستى مامىلەلەرگە ساياتىن ساياساتتار، ەمدەلۋ ءتارتبى، ەستەلىككە الدىرۋ رەسميەتىن ءبىتىرۋ جولدارى، قاراجاتتى ەسەپتەۋ كولەمى جانە تالاپتار قاتارلى ىستەردى ايقىن بەلگىلەدى، سونىمەن بىرگە، ”15 – بەسجىلدىقتىڭ“ سوڭىنا دەيىن، جۇمىس ۇستىندە جارالانۋداعى ءۇش دارەجە بويىنشا كەلىسىمشارتىن جاساعان بارلىق ەمدەۋ قۇرىلىمدارى مەن ساۋىقتىرۋ جانە قوسىمشا اسپاپتاردى سايكەستى پايدالانۋ كەلىسىمشارتىن جاساعان قۇرىلىمداردى تولىق قامتۋدى ءۇش باسقىشقا ءبولىپ بىرتىندەپ ىسكە اسىرادى.

ۇقتىرۋدا مىنالار تالاپ ەتىلدى: جۇمىس ۇستىندە جارالانۋدان قامسىزداندىرۋ قاراجاتىنا قاتىناسقان ءارى جۇمىس ۇستىندە جارالانۋ جاعدايىن كۋالاندىرۋ، جۇمىس ۇستىندە تۋىلعان جاراقاتتىڭ قايتا قوزۋىن تۇراقتاندىرۋ، جۇمىس ۇستىندە جارالانعان سوڭ ساۋىققانىن تۇراقتاندىرۋ جانە قوسىمشا اسپاپتاردى سايكەستى پايدالانۋ جاعدايىن تۇراقتاندىرۋ باسقىشتارىن ورىنداعان، سىرت جەردە ۇزاق ۋاقىت قونىستانعان، سىرت جەردە تۇراقتى قونىستانعان جانە سىرت جەرگە جوتكەلىپ ەمدەلگەن ت.ب. جۇمىس ۇستىندە جارالانعان جۇمىسشى – قىزمەتكەرلەردىڭ ولكە اتتاپ سىرت جەردە ەمدەلگەندە جۇمساعان قاتىستى قاراجاتتاردى تىكەلەي ەسەپتەن كوتەرۋدى بىتىرۋگە ءوتىنىش بەرۋىنە بولادى. ادام كۇشى بايلىعى جانە قوعامدىق قامتاماسىزداندىرۋ تاراۋلارى سىرت جەردە ەمدەلۋدى قاجەت ەتەتىن ادامداردى ەستەلىككە الىپ باسقارۋدى اتقارادى ءارى سىرت جەردە ەمدەلگەندەرگە جۇمسالعان قاراجاتتى باسقارۋ مەن ينفورماتسيا جۇيەسىنىڭ قۇرىلىسىن ويداعىداي ىستەيدى.

كەلۋ قاينارى: حالىق تورابى