قارتتارعا سۇيەنىش بولۋعا دەم بەرەدى! ەلىمىز بويىنشا ۇزاق مەرزىمدىك كۇتىمدەۋشى قىزمەتكەر كاسىبىنە قاتىستى تۇڭعىش رەتكى ەمتيحان 4 – ايدىڭ 19 – كۇنى الىنادى 

شينحۋا اگەنتتىگىنىڭ تىلشىلەرى شۇي پىڭحاڭ، جۋ شياۋ 4 – ايدىڭ 17 – كۇنى بەيجيڭنەن حابارلايدى. ءتىلشىنىڭ 4 – ايدىڭ 17 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنشا، ەلىمىز بويىنشا ۇزاق مەرزىمدىك كۇتۋشى قىزمەتكەر كاسىبى بويىنشا تۇڭعىش رەتكى باستاپقى دەڭگەيدەگى قىزمەتكەر (5 – دارەجەلى) ەمتيحانىنا ينتەرنەت ارقىلى جانە ينتەرنەتتەن تىس تىزىمدەلۋ ارقىلى 900 دەن استام ادام تىزىمدەلگەن. ەمتيحان الدا توپقا ءبولىپ الىنادى، العاشقى توپتاعى ەمتيحان 2025 – جىلى 4 – ايدىڭ 19 – كۇنى جياڭسۋ ولكەسىنىڭ نانتۇڭ قالاسىندا الىنادى.

ۇزاق مەرزىمدىك كۇتىمدەۋشى قىزمەتكەر دەگەنىمىز نەگىزدىك تۇرمىسقا قارايلاسۋ جانە كۇتىمدەۋ بىلىمدەرى مەن ونەرىنەن پايدالانىپ، وتباسى، الەۋمەتتىك اۋماق، قارتتاردى كۇتىمدەۋ قۇرىلىمدارى، ەمدەۋ قۇرىلىمدارى قاتارلى ورىنداردا ۇزاق مەرزىمدىك كۇتىمدەلۋدى قامسىزداندىرۋدان يگىلىكتەنەتىن ادامداردىڭ نەگىزدىك تۇرمىسىنا قارايلاسۋ جانە ونىمەن تىعىز قاتىستى ەمدەۋ جاعىنداعى كۇتىمدەۋ، فۋنكتسيالىق جاقتان قورعاۋ، پسيحيكالىق جاقتان قارايلاسۋ قاتارلى قىزمەتتەردى وتەيتىن قىزمەتكەرلەردى كورسەتەدى. 2024 – جىلدان بەرى، مەملەكەتتىك ەمدەۋدى قامتاماسىزداندىرۋ مەڭگەرمەسى ادام كۇشى بايلىعى جانە قوعامدىق قامتاماسىزداندىرۋ مينيسترلىگىمەن بىرگە ۇزاق مەرزىمدىك كۇتىمدەۋشى قىزمەتكەر بولۋدىڭ مەملەكەتتىك كاسىپتىك ولشەمىن، كاسىپتىك كۋرس تۇرلەرى جانە كاسىپتىك ونەر دارەجەسىن كۋالاندىرۋ جاقتارىندا اتقارىلاتىن پىكىردى جاريالاپ، ۇزاق مەرزىمدىك كۇتىمدەۋشى قىزمەتكەر كاسىبىن دامىتۋعا ساياساتتىق تىرەك ازىرلەپ، وعان كەڭ ءورىس اشقان.

كەلۋ قاينارى: حالىق تورابى