ورتالىق اسكەري ىستەرى كوميتەتى اسكەري قوسىنعا قاراستى 3 جوعارى مەكتەپتى رەتتەپ قۇرۋدى ماقۇلدادى 

5 – ايدىڭ 15 – كۇنى، قورعانىس مينيسترلىگى اقپارات مەڭگەرمەسىنىڭ ورىنباسار باستىعى، قورعانىس مينيسترلىگىنىڭ اقپارات مالىمدەمەشىسى، داشياۋ جياڭ بين جۋىردان بەرگى اسكەري سالاعا قاتىستى ىستەر جونىندە اقپارات جاريالادى.

جياڭ بين: پارتيا 20 – قۇرىلتايى ءۇشىنشى جالپى ءماجىلىسىنىڭ رۋحىن دايەكتى تياناقتاندىرۋ، ارميا مەن اسكەرلەردىڭ قۇرىلىمىن ورنالاستىرۋدى رەتتەۋ جانە اسكەري سالاداعى دارىندىلاردى جەتىلدىرۋدىڭ قاجەتىنە ۇيلەسۋ ءۇشىن، جۋىردا ورتالىق اسكەري ىستەر كوميتەتى جۇڭگو حالىق ازاتتىق ارمياسى قۇرلىق ارميا اسكەر ءتۇرى داشۋەسى، جۇڭگو حالىق ازاتتىق ارمياسى ينفورماتسيالىق قولداۋ كورسەتۋ قوسىنى ينجەنەريالىق داشۋەسى، جۇڭگو حالىق ازاتتىق ارمياسى ءبىر تۇتاس ارتقى شەپ جانە قامتاماسىزداندىرۋ قوسىنى ينجەنەريالىق داشۋەسى قاتارلى 3 مەكتەپتى رەتتەپ قۇرۋدى ۇيعارعان، ولاردىڭ بارلىعى جوعارى دارەجەلى مەكتەپتەر، قوعامنان جاي ورتا مەكتەپتەن بىتىرگەندەردى قابىلدايدى. مۇنىڭ ىشىندە، قۇرلىق ارميا اسكەر ءتۇرى داشۋەسى قۇرلىق ارميا ساۋىتتى قوسىن اسكەرلەرى شۋەيۋانى، قۇرلىق ارميا زەڭبىرەكشى اسكەرلەر – اۋە شابۋىلىنان قورعانۋشى اسكەرلەر شۋەيۋانىن نەگىز ەتىپ قۇرىلادى، مەكتەپتىڭ نەگىزگى ءبولىمى انحۇي ولكەسىنىڭ حىفەي قالاسىنا ورنالاستىرىلادى؛ ينفورماتسيالىق قولداۋ كورسەتۋ قوسىنى ينجەنەريالىق داشۋەسى مەملەكەت قورعانىسى عىلىم – تەحنيكا داشۋەسىنىڭ ينفورماتسيا جانە حابارلاسۋ شۋەيۋانى، قۇرلىق ارميا ينجەنەريالىق داشۋەسىنىڭ حابارشى سەرجانتتار مەكتەبىن نەگىز ەتىپ قۇرىلادى، مەكتەپتىڭ نەگىزگى ءبولىمى حۋبەي ولكەسىنىڭ ۋحان قالاسىنا ورنالاستىرىلادى؛ ءبىر تۇتاس ارتقى شەپ جانە قامتاماسىزداندىرۋ قوسىنى ينجەنەريالىق داشۋەسى قۇرلىق ارميا ءبىر تۇتاس ارتقى شەپ ىستەرى شۋەيۋانى، قۇرلىق ارميا اسكەري قاتىناس شۋەيۋانىنىڭ نەگىزگى ءبولىمى جانە وعان قاراستى اۆتوموبيلدى سەرجانتتار مەكتەبىن نەگىز ەتىپ قۇرىلادى، مەكتەپتىڭ نەگىزگى ءبولىمى چۇڭچيڭ قالاسىنا ورنالاستىرىلادى. جاڭادان قۇرىلعان 3 جوعارى مەكتەپتىڭ وقۋشى قابىلدايتىن كاسىپتەرى، قابىلدايتىن وقۋشى سانى قاتارلى ينفورماتسيالارى الدا جىلدىق وقۋشى قابىلداۋ جوسپارىمەن ۇشتاستىرىلا وتىرىپ، ۇيلەسىمدى ۋاقىتتا جاريالانادى.

كەلۋ قاينارى: حالىق تورابى