ۋاڭ حۋنيڭ عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتۋ جونىندەگى تەكسەرۋ - زەرتتەۋ، كەڭەسۋ اڭگىمە ماجىلىسىنە قاتىناستى

«حالىق گازەتى»، 6 - ايدىڭ 18 - كۇنى، بەيجيڭ (ءتىلشى لي چاڭيۇي). عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتۋ جونىندەگى تەكسەرۋ - زەرتتەۋ، كەڭەسۋ اڭگىمە ءماجىلىسى 6 - ايدىڭ 18 - كۇنى بەيجيڭدە اشىلىپ، قاتىستى دەموكراتيالىق پارتيا - توپتاردىڭ ورتالىق كوميتەتى ورىستەتكەن ءتۇيىندى تەكسەرۋ - زەرتتەۋ جەتىستىكتەرى جونىندە كەڭەس وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتى عىلىم - تەحنيكادا جاڭالىق اشۋدى مەملەكەتتىڭ دامۋ جالپى جاعدايىنداعى كەلەلى ستراتەگيالىق ورىنعا قويىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتۋ جونىندە كەلەلى ورنالاستىرۋ جاسادى. ءبىز باس شۋجي شي جينپيڭنىڭ عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى توعىستىرا دامىتۋدى ىلگەرىلەتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىندا العا قويىلعان مىندەتتەردى، تالاپتاردى ىشكەرىلەي يگەرىپ، ساياسي دەڭگەيدى جوعارىلاتىپ، بورىش پەن جاۋاپكەرشىلىكتى كۇشەيتىپ، جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى ىلگەرىلەتۋگە، جاڭاشىل مەملەكەت قۇرۋدى جەدەلدەتۋگە اقىل - پاراساتىمىز بەن كۇش - قۋاتىمىزدى ارناۋىمىز كەرەك.

ۋاڭ حۋنيڭ قاتىستى دەموكراتيالىق پارتيا - توپتاردىڭ ورتالىق كوميتەتتەرىنىڭ عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتۋدى ارقاۋ ەتە وتىرىپ ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرگەندىگىن تولىق تۇراقتاندىردى.

ول مىنالاردى ءبىلدىردى: عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتۋ − ”ءتورتتى بەتكە الۋ“ ستراتەگيالىق بەتالىسىنا تاباندى بولۋدىڭ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدىڭ، وسىزاماندانعان كاسىپ سالاسى جۇيەسىن ورناتۋدىڭ ءتيىستى ءمانى، جاڭاشا وندىرگىش كۇشتەردى جەتىلدىرۋدىڭ، جوعارى ساپالى دامۋدى ىلگەرىلەتۋدىڭ ىشكى تالابى، جاڭاشىل مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ماڭىزدى شاراسى. تەكسەرىپ - زەرتتەۋدىڭ، كەڭەسۋدىڭ، اقىل - كەڭەس بەرۋدىڭ تەرەڭدىك دارەجەسى مەن ونىمدىلىگىن كۇشەيتىپ، عىلىم - تەحنيكادا جاڭالىق اشۋدى جانە كاسىپ سالاسىندا جاڭالىق اشۋدى ىلگەرىلەتۋ بارىسىنداعى ءتۇيىندى، قيىن ماسەلەلەر مەن ساياساتتاردى تياناقتاندىرۋ بارىسىنداعى بوگەتتەردى ارقاۋ ەتىپ، ىشكەرىلەي زەرتتەۋ جۇرگىزىپ، ناتيجە جاراتىپ، قولدانۋ، كادەگە جاراتۋ قىزمەتىن ويداعىداي ىستەۋ كەرەك. ساياسي پارتيالاردىڭ كەڭەسۋ ساپاسىن جانە ۇكىمەت ءىسىن كەڭەسۋ، اقىل - كەڭەس بەرۋ دەڭگەيىن جوعارىلاتىپ، ءتۇيىندى قىزمەت تەكسەرۋ، تەكسەرۋ - زەرتتەۋ قىزمەتىن كۇشەيتىپ، جوعارى ساپالى تەكسەرۋ - زەرتتەۋ ارقىلى پارتيا مەن ۇكىمەتتىڭ شەشىم جاساۋىنا قىزمەت ەتىپ، پارتيا مەن مەملەكەت ىستەرىنىڭ دامۋىنا كەڭ كولەمدە زەيىن - زەردەنى، كۇش - قۋاتتى شوعىرلاندىرۋ كەرەك.

جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 ـ قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا اڭگىمە ماجىلىسىندە تەكسەرۋ ـ زەرتتەۋ جەتىستىكتەرىن تانىستىردى ءارى جاڭا كاسىپ، جاڭا ۇلگى، جاڭا قوزعاۋشى كۇشتى جەتىلدىرۋ، ءداستۇرلى كاسىپ سالالارىنىڭ تيپتە بۇرىلىس جاساپ دامۋىن تەزدەتۋ، جاساۋ كاسىبىن سيفرلاندىرۋ، جوعارى ورەدە سىرتقا ەسىك اشۋدى ىلگەرىلەتۋ، كاسىپورىنداردىڭ جاڭالىق جاراتۋ ەكولوگياسىن ساپالىلاندىرۋ سياقتىلار توڭىرەگىندە ناقتى، ورىندى ساياساتتىق ۇسىنىستار قويدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى لي گانجيە ءماجىلىستى باسقاردى. شاۋ حۇڭ، چين بويۇڭ، جۋ يۇڭشين، ياڭ جىن ماجىلىسكە قاتىناستى. مەملەكەتتىك دامۋ جانە رەفورما كوميتەتىندەگى، عىلىم - تەحنيكا مينيسترلىگىندەگى، ونەركاسىپ جانە ينفورماتسيالاندىرۋ مينيسترلىگىندەگى جاۋاپتى جولداستار پارتيا سىرتىنداعى قايراتكەرلەرمەن كەڭەسىپ، اۋىس - كۇيىس جاسادى.