ەكى تاراۋ ورتالىقتىڭ 300 ميلليون يۋان جاراتىلىستىق اپاتتان قۇتقارۋ قارجىسىن شۇعىل بوساتتى 

شينحۋا اگەنتتىگىنىڭ 6 – ايدىڭ 23 – كۇنى بەيجيڭنەن بەرگەن حابارى. كەزەكتە ەلىمىزدىڭ قارا ورىك جاڭبىرلى ماۋسىمى جاپپاي باستالدى، وڭتۇستىكتەگى كوپتەگەن جەرلەردە كۇشتى جاۋىن ـ شاشىن بولىپ، ءىشىنارا رايونداردا اۋىر تاسقىن اپاتى، گەولوگيالىق اپات تۋىلدى. قازىنا مينيسترلىگى، شۇعىل جاعدايدى باسقارۋ مينيسترلىگى 6 – ايدىڭ 23 - كۇنى 300 ميلليون يۋان ورتالىقتىڭ تابيعي اپاتتان قۇتقارۋ قاراجاتىن بوساتىپ، حۋنان، گۋاڭدۇڭ، چۇڭچيڭ، گۇيجوۋ، حۋبەي قاتارلى 7 ولكەنىڭ (قالانىڭ) اپاتتان شۇعىل قۇتقارۋ جانە اپاتقا ۇشىراعان بۇقارانى قۇتقارۋ قىزمەتىن قانات جايدىرۋىنا ءتۇيىندى تۇردە قولداۋ كورسەتتى، اپاتقا ۇشىراعان ادامداردى ىزدەۋ، قۇتقارۋ، جوتكەۋ، حاۋىپتەن اراشالاۋ قاتارلى شۇعىل جاعدايعا توتەپ بەرۋ، ءبىر جاقتى ەتۋ، اپات كومەسكى قاتەرىن تەكسەرۋ جانە شۇعىل جونگە سالۋ، قۇلاعان تۇرعىن ۇيلەردى قالپىنا كەلتىرۋ قاتارلىلاردى ءبىرتۇتاس ويداعىداي ىستەپ، حالىق بۇقاراسىنىڭ ءومىرى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتەدى.

كەلۋ قاينارى: حالىق تورابى