لي چياڭ سينگاپۋردىڭ زۇڭليى حۋاڭ شۇنسايمەن كەڭەس وتكىزدى

6 - ايدىڭ 23 - كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن سينگاپۋردىڭ زۇڭليى حۋاڭ شۇنسايمەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 6 - ايدىڭ 23 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 6 - ايدىڭ 23 - كۇنى تۇستەن كەيىن بەيجيڭدەگى حالىق سارايىندا جۇڭگوعا رەسمي ساپارمەن كەلگەن سينگاپۋردىڭ زۇڭليى حۋاڭ شۇنسايمەن كەڭەس وتكىزدى.

لي چياڭ مىنالاردى ءبىلدىردى: جۇڭگو مەن سينگاپۋر _ دوس كورشىلەر جانە ماڭىزدى سەرىكتەر. ديپلوماتيالىق قارىم - قاتىناس ورناتقان 35 جىلدان بەرى ەكى ەل باسشىلارىنىڭ ستراتەگيالىق جەتەكشىلىگىندە جۇڭگو مەن سينگاپۋردىڭ ءداستۇرلى دوستىعى ۇزدىكسىز تەرەڭدەپ، ەكى جاقتى قارىم - قاتىناس ۇزدىكسىز جوعارىلاپ، ناقتى سەلبەستىكتە سۇبەلى تابىستارعا قول جەتتى. ءتوراعا شي جينپيڭ زۇڭلي مىرزامەن كەزدەسىپ، ەكى ەل قارىم - قاتىناسىن ىشكەرىلەي دامىتۋ جونىندە ىشكەرىلەي جوبا جاسايدى. جۇڭگو جاق سينگاپۋرمەن بىرگە قۇلشىنىپ، ءوزارا قۇرمەت ەتۋ، ءوزارا سەنىم ارتۋ، تەڭ مامىلە جاساۋ، ءوزارا پايدا جەتكىزىپ، تەڭ يگىلىككە كەنەلۋ سياقتى تاڭداۋلى داستۇرگە مۇراگەرلىك ەتىپ، جوعارى جىكتەگىلەردىڭ ءجيى بارىس - كەلىسىن ساقتاپ، ستراتەگيالىق تىلدەسۋدى كۇشەيتىپ، ساياسي سەنىمدىلىكتى بەكەمدەپ، ەكى جاقتى قارىم - قاتىناس پەن سەلبەستىكتىڭ اناعۇرلىم مول تابىستارعا قول جەتكىزۋىن ىلگەرىلەتۋدى قالايدى.

لي چياڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن سينگاپۋردىڭ ەكونوميكا - ساۋدا سەلبەستىگى ۇزدىكسىز تەرەڭدەپ، اسا كۇشتى ومىرشەڭدىك كۇش پەن سەرپىمدىلىكتى ايگىلەدى. جۇڭگو جاق سينگاپۋر جاقپەن ەكى جاقتى سەلبەستىك مەحانيزمىنەن ۇزدىكسىز ويداعىداي، جەتكىلىكتى پايدالانىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسىن ويداعىداي تياناقتاندىرىپ، باستاماشى سەلبەستىك نىساندارىن اناعۇرلىم ۇلعايتىپ، كۇشەيتىپ، قوس باعىتتى ساۋدا، قارجى قوسۋ كولەمىن كەڭەيتىپ، سيفرلى ەكونوميكا، جاسىل ەكونوميكا، جاساندى زەردە، زەردەلى قالا، تەڭىز - مۇحيت ەنەرگياسى سياقتى سالالاردا سەلبەستىكتىڭ اناعۇرلىم كوپ كورىنەۋ تۇيىندەرىن قالىپتاستىرىپ، 3 - جاق بازار سەلبەستىگىن بەلسەنە كەڭەيتۋدى قالايدى. ەكى جاق ديپلوماتيالىق قارىم - قاتىناس ورناتۋدىڭ 35 جىلدىعىن قۇتتىقتاۋ جەلىلەس قيمىلدارىن ويداعىداي وتكىزىپ، ءوزارا ۆيزاسىز بارىپ - كەلۋدىڭ ”پايداسىنان“ ويداعىداي پايدالانىپ، وقۋ - اعارتۋ، مادەنيەت، ساياحات، اقپارات قۇرالدارى سياقتى سالالارداعى اۋىس - كۇيىستى كۇشەيتىپ، ەكى ەلدىڭ دوستىق سەلبەستىگىنىڭ حالىق رايى نەگىزىن ۇزدىكسىز بەكەمدەۋى كەرەك. جۇڭگو مەن سينگاپۋر _ ەكونوميكانىڭ جاھاندانۋى مەن ەركىن ساۋدانىڭ يگىلىگىن كورۋشىلەر جانە قورعاۋشىلار، اشىق وڭىرشىلدىككە جانە ناعىز كوپ جاقتىلىققا تاباندى بولىپ، ساۋدا، قارجى قوسۋدىڭ ەركىن، قولايلى بولۋىن بەلسەنە ىلگەرىلەتىپ، دۇنيە ءجۇزىدىك كاسىپ سالاسى تىزبەگى مەن قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋ كەرەك. جۇڭگو جاق سينگاپۋردى قامتىعان شىعىس وڭتۇستىك ازيا وداعىنداعى ەلدەرمەن بىرگە جۇڭگو - شىعىس وڭتۇستىك ازيا وداعى ەركىن ساۋدا رايونىنىڭ دارەجەسىن ءوسىرۋ جونىندەگى 3.0 نۇسقاداعى كەلىسىمىنە ۋاعىندا قول قويۋدى جانە ونى اتقارۋدى ىلگەرىلەتىپ، «وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىن» جوعارى ساپامەن اتقارىپ، وڭىرلىك ەكونوميكانىڭ ءبىر تۇلعالانۋ اياق الىسىن جەدەلدەتۋدى قالايدى.

حۋاڭ شۇنساي مىنالاردى ءبىلدىردى: سينگاپۋر مەن جۇڭگونىڭ قارىم - قاتىناسى ءوزارا قۇرمەتتەۋگە، ءوزارا تۇسىنۋگە جانە ءوزارا سەنىم ارتۋعا تامىر تارتقان، ەكى ەلدىڭ تاريحتان بەرگى باسشىلارىنىڭ دەن قويا جەتىلدىرۋىندە ۋاقىت وتكەن سايىن بەكەمدەلە ءتۇستى. سينگاپۋر جاق ەكى ەل باسشىلارىنىڭ ستراتەگيالىق جەتەكشىلىگىندە، بيىل ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 35 جىلدىعىن وراي ەتىپ، جۇڭگو جاقپەن جوعارى جىكتەگىلەردىڭ بارىس - كەلىسىن جانە ءار سالاداعى سەلبەستىكتى جيىلەتىپ، دوستىقتى جانە ءوزارا سەنىمدىلىكتى تەرەڭدەتىپ، سۋجوۋ ونەركاسىپ باقشا رايونى سياقتى جەتەكشى سەلبەستىك نىساندارىن ىلگەرىلەتىپ، سيفرلى ەكونوميكا، جاسىل ەكونوميكا، جاساندى زەردە، بيولوگيالىق ءدارى - دارمەك سياقتى جاڭادان گۇلدەنگەن سالالارداعى سەلبەستىك كومەسكى كۇشىن اشىپ، 3 - جاق سەلبەستىگىن اناعۇرلىم كەڭەيتىپ، گۋمانيتارلىق اۋىس - كۇيىستى جيىلەتۋدى كۇتەدى. سينگاپۋر جاق جۇڭگو ەكونوميكاسىنا كامىل سەنەدى، جۇڭگو جاقتىڭ «تىنىق مۇحيت اتتاعان جالپى بەتتىك سەرىكتەستىك قارىم - قاتىناس كەلىسىمىنە» جانە «سيفرلى ەكونوميكالىق سەرىكتەستىك قارىم - قاتىناس كەلىسىمىنە» قاتىناسۋىن قولدايدى، جۇڭگو - شىعىس وڭتۇستىك ازيا وداعى ەركىن ساۋدا رايونىنىڭ دارەجەسىن ءوسىرۋ جونىندەگى 3.0 نۇسقاداعى كەلىسىمنىڭ ەرتەرەك كۇشكە يە بولىپ اتقارىلۋىن كۇتەدى، جۇڭگو جاقپەن وڭىرلىك جانە كوپ جاقتى تۇعىرلاردا تىلدەسۋدى، سەلبەسۋدى كۇشەيتىپ، ەركىن ساۋدا جانە كوپ جاقتى ساۋدا ءتۇزىلىسىن قورعاۋدى قالايدى.

كەڭەستەن كەيىن ەكى ەل زۇڭليلەرى دارىندىلاردى تاربيەلەۋ، ءبىلىم مەنشىك ۇقىعى، ءۇشىنشى جاق سەلبەستىگى سياقتى كوپ ءتۇرلى سەلبەستىك قۇجاتتارىنا قول قويۋعا بىرگە كۋا بولدى.

كەڭەستەن بۇرىن لي چياڭ حالىق سارايىنىڭ سولتۇستىك زالىندا حۋاڭ شۇنسايدى قارسى الۋ سالتىن وتكىزدى.

ۋ جىڭلۇڭ جوعارىداعى قيمىلدارعا قاتىناستى.

كەلۋ قاينارى: حالىق تورابى