ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 12 - ءماجىلىسى اشىلدى

«حالىق گازەتى»، 6 - ايدىڭ 23 - كۇنى، بەيجيڭ (ءتىلشى جياڭ جيە). ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 12 - ءماجىلىسى 6 - ايدىڭ 23 - كۇنى تۇستەن بۇرىن بەيجيڭدە اشىلدى، ءماجىلىس ”ەكونوميكالىق ءتۇزىلىس رەفورماسىن ونان ارى تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ“ توڭىرەگىندە ۇكىمەت ءىسىن كەڭەستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اشىلۋ جيىنىنا قاتىناستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ ۇسىنىس بويىنشا ماجىلىسكە قاتىناستى ءارى بايانداما جاسادى. ول مىنالاردى ءبىلدىردى: جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە ەكونوميكالىق ءتۇزىلىس رەفورماسىنىڭ جەتەكشىلىك رولىن ساۋلەلەندىرىپ، ءار سالاداعى رەفورمانى ءبىر تۇتاس جوسپارلاۋ باسا دارىپتەلدى. باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ءبىرسىپىرا جاڭا يدەيا، جاڭا كوزقاراس، جاڭا تۇجىرىمدارىن ىشكەرىلەي ۇيرەنىپ، دايەكتىلەندىرىپ، ەكونوميكالىق ءتۇزىلىس رەفورماسىن تەرەڭدەتۋدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى ءمانىن جەتە تانىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ، ەكونوميكانىڭ جوعارى ساپالى دامۋىن ىلگەرىلەتۋ ءتۇزىلىس، مەحانيزمىن اقاۋسىزداندىرۋ، جاپپاي جاڭالىق اشۋدى قولدايتىن ءتۇزىلىس، مەحانيزم ورناتۋ، ماكرولىق ەكونوميكانى جونگە سالۋ جۇيەسىن اقاۋسىزداندىرۋ، جوعارى دەڭگەيدەگى سىرتقا ەسىك اشۋ ءتۇزىلىس، مەحانيزمىن كەمەلدەندىرۋ، ەكولوگيالىق وركەنيەت ءتۇزىلىسى رەفورماسىن تەرەڭدەتۋ سياقتى جاقتاردى ارقاۋ ەتىپ، رەفورما مىندەتتەرىنىڭ تياناقتانۋىن شىنايى ويداعىداي يگەرۋ كەرەك.

مەملەكەتتىك ساياسي كەڭەس ءتوراعاسىنىڭ ورىنباسارى حۋ چۇنحۋا اشىلۋ جيىنىن باسقاردى. ول مىنالاردى ءبىلدىردى: مەملەكەتتىك ساياسي كەڭەس تۇراقتى كوميتەتىنىڭ قۇرامىنداعىلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مىندەت اتقارىپ، جاۋاپكەرشىلىكتى ادا ەتۋدىڭ جاۋاپكەرشىلىك سەزىمىن، بورىشتىلىق سەزىمىن شىن مانىندە كۇشەيتىپ، ”ەكونوميكالىق ءتۇزىلىس رەفورماسىن ونان ارى تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى“ مىقتاپ ارقاۋ ەتىپ، ىشكەرىلەي كەڭەسىپ، ۇكىمەت ءىسىن اقىلداسىپ، بەلسەنە اقىل - كەڭەس بەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل - پاراسات جانە كۇش - قۋات قوسۋعا قۇلشىنۋ كەرەك.

اشىلۋ جيىنى مەملەكەتتىك ساياسي كەڭەستىڭ قاتىستى ارناۋلى كوميتەتتەرىنىڭ ”ءتۇيىندى سۋ يگىلىگى نەگىزدىك قۇرىلعىلار قۇرىلىسىن كۇشەيتىپ، استىق سياقتى ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋعا كەپىلدىك ەتۋ“، ”تۋىتتى جەبەۋدى قولداۋ ساياساتىن كەمەلدەندىرۋ“، ”جاساندى زەردەنىڭ ’تورتكە بەت الۋىن ىلگەرىلەتۋ“، ”گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ ەرەجەسىن، مەحانيزمىن ۇشتاستىرۋدى كۇشەيتۋ“، ”مادەنيەت پەن عىلىم - تەحنيكانىڭ ىشكەرىلەي توعىسۋىن ىلگەرىلەتۋ“ سياقتى تەكسەرۋ - زەرتتەۋ احۋالدارىنان باياندامانى تىڭدادى؛ «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ كەڭەس قىزمەتى ەرەجەسىن (وزگەرىس ەنگىزىلگەن جوبا)»، «جۇڭگو حالىق ساياسي ءماسليحات كەڭەسى مەملەكەتتىك كوميتەتى ارناۋلى كوميتەتتەرىنىڭ جالپى ەرەجەسىن (وزگەرىس ەنگىزىلگەن جوبا)» دايىنداۋ احۋالى جونىندەگى تۇسىنىكتى تىڭدادى.

وسى رەتكى ساياسي كەڭەس تۇراقتى كوميتەتىنىڭ ءماجىلىسى ەكى جارىم كۇن جالعاسادى، ساياسي كەڭەس تۇراقتى كوميتەتىنىڭ قۇرامىنداعىلار 7 ارناۋلى تاقىرىپ توڭىرەگىندە گرۋپپالارعا ءبولىنىپ تالقى جۇرگىزەدى.

مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە تۇسىنىك جانە بايانداما جاسادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي ءتوراعاسىنىڭ ورىنباسارلارى شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى