جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنىڭ جالپى ورنالاستىرۋى جاريالاندى

«حالىق گازەتى»، 6 - ايدىڭ 24 – كۇنى، بەيجيڭ (ءتىلشى جين جىڭبو). بيىل − جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعى، ەلىمىز سالتاناتتى ەسكە ءتۇسىرۋ قيمىلىن وتكىزەدى. 9 - ايدىڭ 3 – كۇنى تۇستەن بۇرىن بەيجيڭدەگى تيان - انمىن الاڭىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جينالىسى سالتاناتپەن وتكىزىلەدى، اسكەري بولىمدەردى كوزدەن كەشىرۋ قامتىلادى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى.

جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعى قارساڭىندا ەسكە ءتۇسىرۋ قيمىلىن سالتاناتپەن وتكىزىپ، تاريحتى ەستەن شىعارماي، قۇربانداردى ساعىنا ەسكە الىپ، ۇلى وتانشىلدىق رۋحتى، جاپون شاپقىنشىلارىنا قارسى سوعىس ۇلى رۋحىن اسقاقتاتۋدىڭ ماڭىزى زور ءارى تەرەڭ.

مەملەكەتتىك كەڭەستىڭ اقپارات كەڭسەسى 6 - ايدىڭ 24 – كۇنى تۇستەن بۇرىن اقپار جاريالاۋ ءماجىلىسىن اشىپ، ەسكە ءتۇسىرۋ قيمىلىنىڭ جالپى تۇلعالىق ورنالاستىرۋىن تانىستىردى. ورتالىق كوميتەت ۇگىت ءبولىمى باستىعىنىڭ ۇنەمىلىك قىزمەتكە جاۋاپتى ورىنباسارى حۋ حىپيڭ اقپار جاريالاۋ ماجىلىسىندە الدىمەن 10 ءتۇرلى نەگىزگى قيمىلدىڭ ورنالاستىرۋىن تانىستىردى.

ءبىرىنشى، 9 - ايدىڭ 3 – كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان بەيجيڭدەگى تيان - انمىن الاڭىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جينالىسى سالتاناتپەن وتكىزىلەدى، اسكەري بولىمدەردى كوزدەن كەشىرۋ قامتىلادى. شي جينپيڭ ماڭىزدى ءسوز سويلەيدى. 9 - ايدىڭ 3 – كۇنى تۇستە بەيجيڭدە قوناعاسى بەرىلەدى، شي جينپيڭ ماڭىزدى ءسوز سويلەيدى. 9 - ايدىڭ 3 – كۇنى كەشتە بەيجيڭدە ادەبيەت - كوركەمونەر ساۋىق كەشى وتكىزىلەدى، وعان پارتيا مەن مەملەكەت باسشىلارى قاتىناسادى. ەكىنشى، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان جاپون شاپقىنشىلارىنا قارسى سوعىسقا قاتىناسقان كوزى ءتىرى ساقا جاۋىنگەرلەرگە، ساقا جولداستارعا، جاپون شاپقىنشىلارىنا قارسى سوعىس قولباسشىلارىنا نەمەسە ولاردىڭ وتباسى مۇشەلەرىنە ”جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 80 جىلدىعىن“ ەسكە ءتۇسىرۋ وردەنى تاراتىلادى. جەر - جەر، قاتىستى تاراۋلار جاپون شاپقىنشىلارىنا قارسى سوعىسقا قاتىناسقان ەل ىشىندەگى كوزى ءتىرى ساقا جاۋىنگەرلەردەن، ساقا جولداستاردان، جاپون شاپقىنشىلارىنا قارسى سوعىس قولباسشىلارىنان نەمەسە ولاردىڭ وتباسى مۇشەلەرىنەن، جاپون شاپقىنشىلارىنا قارسى سوعىس قۇرباندارىنىڭ وتباسى مۇشەلەرىنەن حال سۇراۋ قيمىلىن ورىستەتۋدى ۇيىمداستىرادى. ءۇشىنشى، 7 - ايدىڭ 7 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىندا بۇكىل ۇلتتىڭ جاپون شاپقىنشىلارىنا قارسى سوعىسى باستالعاندىعىنىڭ 88 جىلدىعىن ەسكە ءتۇسىرۋ سالتى وتكىزىلەدى، سونىمەن بىرگە، «ۇلت ازاتتىعى جانە دۇنيە ءجۇزىنىڭ بەيبىتشىلىگى ءۇشىن − جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ» نەگىزگى تاقىرىپتىق كورمەسىنىڭ اشىلۋ سالتى وتكىزىلەدى. ءتورتىنشى، 9 - ايدىڭ 3 – كۇنىنىڭ الدى - ارتىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ توڭىرەگىندە شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى قاتىستى قايراتكەرلەردىڭ اڭگىمە ءماجىلىسى، حالىقارالىق عىلمي تالقى ءماجىلىسى وتكىزىلەدى. بەسىنشى، 9 - ايدىڭ 18 – كۇنى لياۋنيڭ ولكەلىك پارتكوم، ولكەلىك ۇكىمەت اتىنان شىنياڭ قالاسىنداعى ”18 - قىركۇيەك“ تاريح مۇراجايىندا ”18 - قىركۇيەكتى“ ەستەن شىعارماۋ دابىل قاعۋ سالتى وتكىزىلەدى. التىنشى، 10 - ايدىڭ 25 - كۇنىنىڭ الدى - ارتىندا تايۋاننىڭ وتان قۇشاعىنا ورالعاندىعىنىڭ 80 جىلدىعىن اتاپ ءوتۋ جينالىسى وتكىزىلەدى. شەتەلدەگى چياۋباۋلاردىڭ سول جەردە ۇيىمداستىرعان قاتىستى ەسكە ءتۇسىرۋ قيمىلدارىنا قولداۋ كورسەتىلەدى. جەتىنشى، 12 - ايدىڭ 13 – كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس اتىنان نانجيڭ قالاسىنداعى جۇڭگوعا شاپقىنشىلىق جاساعان جاپونيا ارمياسىنىڭ نانجيڭ زور قىرعىنشىلىعىندا قازا بولعان باۋىرلاستار ەسكەرتكىش سارايىندا نانجيڭ زور قىرعىنشىلىعىندا قازا بولعاندارعا مەملەكەتتىك ازا ءبىلدىرۋ سالتى وتكىزىلەدى. سەگىزىنشى، جاپون شاپقىنشىلارىنا قارسى سوعىستىڭ 4 - توپتاعى مەملەكەت دارەجەلى ەسكەرتكىش قۇرىلعىلارىنىڭ، جۇرتتارىنىڭ تىزىمدىگى جانە جاپون شاپقىنشىلارىنا قارسى سوعىستاعى ايگىلى قاھارمان قۇربانداردىڭ، قاھارمان توپتاردىڭ تىزىمدىگى جاريالانادى. جاپون شاپقىنشىلارىنا قارسى سوعىستى ەسكە ءتۇسىرۋ قۇرىلعىلارى مەن جاپون شاپقىنشىلارىنا قارسى سوعىستىڭ ەسكى جۇرتتارىنا، مۇرالارىنا جوندەۋ جانە قورعاۋ ىستەرى جۇرگىزىلىپ، جاپون شاپقىنشىلارىنا قارسى سوعىس نەگىزگى تاقىرىبىنداعى ءبىر توپ سارا تۋىندى ايگىلەنەدى. توعىزىنشى، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ توڭىرەگىندە ءبىر توپ ادەبيەت - كوركەمونەر تۋىندىلارى مەن نەگىزگى تاقىرىپتىق باسىلىمدار جاراتىلىپ، عىلمي زەرتتەۋ كۇشەيتىلىپ، ءبىر توپ ءتۇيىندى تاقىرىپ بەكىتىلەدى. بۇدان سىرت، ەستەلىك اقشا مەن ەستەلىك ماركا تاراتىلادى. ونىنشى، جەر - جەر، تاراۋلار ءىس جۇزىندىك جاعدايمەن ۇشتاستىرىپ، بۇقارالىق ەسكە ءتۇسىرۋ قيمىلىن ورىستەتەدى. شياڭگاڭ مەن اۋمىن دا جەلىلەس ەسكە ءتۇسىرۋ قيمىلدارىن ورىستەتەدى.

وسىدان كەيىن اسكەري پاراتقا باسشىلىق ەتۋ گرۋپپاسى كەڭسەسى مەڭگەرۋشىسىنىڭ ورىنباسارى، ورتالىق اسكەري ىستەر كوميتەتى بىرلەسكەن شتابى سوعىس جۇرگىزۋ مەكەمەسىنىڭ شاۋجياڭ ورىنباسار باستىعى ۋ زىكى اسكەري پاراتقا قاتىستى جاعدايلاردى تانىستىردى. ول بىلاي دەدى: بۇل رەتكى اسكەري پارات جاياۋلار شارشى قوسىنى، جابدىق شارشى قوسىنى جانە اۋە تىركەسپەلى قوسىنىنان قۇرالعان، جالپى تۇلعالىق جوبا جاعىندا، ازاتتىق ارميا مەن قارۋلى ساقشى بولىمدەرىنىڭ پاراتتان وتەتىن كۇشتەرى عىلمي ورنالاستىرىلىپ، پاراتتان وتەتىن شارشى قوسىن، تىركەسپەلى قوسىن دەن قويا ۇيىمداستىرىلادى.

باستىسى مىناداي ءۇش ەرەكشەلىك بار: ءبىرىنشى ەرەكشەلىگى، ءارى تاريحقا مۇراگەرلىك ەتۋگە ءمان بەرىلەدى، ءارى داۋىرلىك ەرەكشەلىككە باي بولادى، ءبىر جاعىنان، جاپون شاپقىنشىلارىنا قارسى سوعىس اسكەري بولىمدەرىنىڭ كونە شارتتى ءنومىرىن، بايىرعى ەسەلى ەڭبەگىن جانە ەرەكشە رۋحىن ايگىلەۋ ارقىلى قاھارمان قۇرباندارعا دەگەن ساعىنىش، ەڭبەك سىڭىرگەندەردى قاستەرلەۋ، جاپون شاپقىنشىلارىنا قارسى سوعىس رۋحىنا مۇراگەرلىك ەتۋ ايگىلەنەدى، جاپون شاپقىنشىلارىنا قارسى سوعىس قاھارماندارىنىڭ ومىرىمەن جانە ىستىق قانىمەن سومدالعان تاريحي ەسكەرتكىشى ايگىلەنەدى، بۇلار جۇڭگو حالقىنىڭ جۇرەگىندە ماڭگى قاسقايىپ تۇرادى، حالىق ارمياسىن مەملەكەت پەن ۇلتتىڭ ار - نامىسىن قورعاۋعا ماڭگى جىگەرلەندىرەدى؛ ەندى ءبىر جاعىنان، ارميامىزدىڭ جاڭا ءتۇزىلىسىن، جاڭا قابىلەتىن، جاڭا بەت - بەينەسىن ايگىلەۋ ارقىلى جاڭا داۋىردەگى ارميانى قۇدىرەتتەندىرۋ ىستەرىندە قول جەتكەن تاريحي تابىستار، تۋىلعان تاريحي وزگەرىستەر، حالىق ارمياسىنىڭ دۇنيە جۇزىندەگى ماڭداي الدى ارميا بولۋعا قادام تاستاۋداعى نىق قادامى ايگىلەنەدى. ەكىنشى ەرەكشەلىگى: ءارى ارميا، اسكەر تۇرلەرىنىڭ ەرەكشەلىگى ايگىلەنىپ، ءارى ءبىر تۇلعالانعان بىرلەستىك، جاياۋ شارشى قوسىن ايگىلەنىپ، ارميامىزدىڭ رەفورما جاساپ، قايتا قۇرعاننان كەيىنگى جاڭا ارميا، اسكەر تۇرلەرىنىڭ قۇرىلىمدىق ورنالاسۋى، سونداي - اق ”ءۇش جاق ۇشتاسقان“ قارۋلى كۇشتەردىڭ قۇرامى ءتۇيىندى تۇردە ايگىلەنەدى؛ قارۋ - جاراق شارشى توبىندا ارميامىزدىڭ جابدىقتاۋ جۇيەسى قۇرىلىسىنىڭ ەڭ جاڭا جەتىستىكتەرى ءتۇيىندى تۇردە ايگىلەنىپ، توپتىق بىرلەستىك، شارشى توپتى بىرىكتىرۋ ءتاسىلى ارقىلى ارميامىزدىڭ بىرلەسىپ قولباسشىلىق ەتۋ، بىرلەسىپ ارەكەتتەنۋ، بىرلەسىپ قامتاماسىزداندىرۋ كۇشىن قولدانۋ جاڭا ۇلگىسى ايگىلەنىپ، ەلىمىزدىڭ قارۋ - جاراق جابدىقتارىندا دەربەس جاڭالىق جاراتۋ قۋاتى بەينەلەنەدى؛ اۋە تىركەسپەلى اترەتىندە ەلىمىزدىڭ اۋە سوعىس كۇشتەرىنىڭ جۇيەلىلەنۋ دەڭگەيى جانە جەدەل جوعارىلاعان وزىق جاۋىنگەرلىك قۋاتى ءتۇيىندى تۇردە ايگىلەنەدى. ءۇشىنشى ەرەكشەلىگى: ءارى ءداستۇرلى نەگىزگى سوعىس كۇشتەرى كورسەتىلەدى، ءارى جاڭا سالاداعى جاڭاشا كۇشتەر دە بار، وسى رەت پايدالانىلعان بارلىق جابدىق ەلىمىزدە وندىرىلگەن ناقتى اسكەري مىندەت وتەۋ نەگىزگى سوعىس جابدىقتارى بولىپ، ءبىز جاڭا بۋىن ءداستۇرلى قارۋ - جاراقتى كورسەتۋ نەگىزىندە، ءبىر ءبولىم ادامسىز زەيىندى، سۋ استىندا سوعىس جۇرگىزۋ، توراپ - ەلەكترون شابۋىلىنان قورعانۋ، جوعارى ۋلترا دىبىستى جابدىقتار سياقتى جاڭاشا سوعىس كۇشتەرىن دە ورنالاستىردىق، بۇلار ارميامىزدىڭ عىلىم - تەحنيكانىڭ دامۋى مەن سوعىس فورماتسياسىنىڭ وزگەرىسىنە ۇيلەسىپ، بولاشاقتاعى سوعىستا جەڭىسكە جەتۋدەگى قۇدىرەتتى قابىلەتىن ايگىلەيدى.

قازىر پارتيا ورتالىق كوميتەتى، ورتالىق اسكەري ىستەر كوميتەتى بەكىتكەن اسكەري پاراتتىڭ جالپى تۇلعالىق جوباسى بويىنشا، ءبىز ءتۇرلى دايىندىقتاردى تارتىپپەن ورىستەتۋدەمىز. وسى رەتكى اسكەري پاراتتا ءبىز ارميانى ۇقىپتىلىقپەن، ۇنەمشىلدىكپەن قۇرۋ پرينسيبىنە تاباندى بولىپ، شارت - جاعدايى بار ۇيىمداردىڭ اتقارۋىنا تولىق سۇيەنىپ، اسكەري پاراتتىڭ ۇسىنىلىم ونىمدىلىگىن مۇمكىندىكتىڭ بارىنشا جوعارىلاتتىق.

تىلشىلەردىڭ سۇراۋىنا جاۋاپ بەرگەندە حۋ حىپيڭ مىنالاردى ءبىلدىردى: وسى رەتكى ەسكە ءتۇسىرۋ قيمىلىنىڭ جالپى ورنالاستىرۋىنا ساي، قاتىستى ەلدەردىڭ باسشىلارى، بۇرىنعى ساياسي قايراتكەرلەرى، جوعارى دارەجەلى ءمانساپتىلارى، قاتىستى حالىقارالىق ۇيىمداردىڭ نەگىزگى جاۋاپتىلارى، شەتەلدىڭ جۇڭگودا تۇراتىن ەلشىلەرى، اسكەري ءمانساپتىلارى جانە حالىقارالىق ۇيىمداردىڭ جۇڭگودا تۇراتىن ۋاكىلدەرى، جۇڭگونىڭ جاپون شاپقىنشىلارىنا قارسى سوعىسىنىڭ جەڭىسىنە ۇلەس قوسقان حالىقارالىق دوستار نەمەسە ولاردىڭ وتباسى مۇشەلەرىنىڭ ۋاكىلدەرى ەسكە ءتۇسىرۋ قيمىلىنا قاتىناسادى.

ۋ زىكى مىنالاردى ءبىلدىردى: وسى رەتكى اسكەري پاراتتا پاراتتان وتكىزىلەتىن قارۋ - جاراقتىڭ بارلىعى ەلىمىزدە وندىرىلگەن اسكەري مىندەت وتەۋ نەگىزگى سوعىس جابدىعى، ارميامىز جۇيەسىنىڭ سوعىس جۇرگىزۋ قابىلەتىنىڭ، جاڭا سالاسىنىڭ، جاڭاشا سوعىس قۋاتىنىڭ، ستراتەگيالىق سەس كورسەتۋ قۋاتىنىڭ شوعىرلى ايگىلەنۋى، ەلىمىزدىڭ قارۋ - جاراق جابدىقتارىندا دەربەس جاڭالىق اشۋ قابىلەتىنىڭ شوعىرلى بەينەلەنۋى بولماق. باستى ەرەكشەلىكتەرى مىنالار: ءبىرىنشى ەرەكشەلىگى − جۇيە قالىپتاستىرۋ. پاراتقا قاتىناساتىن بارلىق قۇرال - جاراق پايدالانعان بارلىق قارۋ - جاراق تۇگەلدەي ارميا، اسكەر تۇرلەرىندەگى سوعىس جۇرگىزەتىن اسكەري بولىمدەردەن سارالانىپ تاڭدالادى، ءبىر ءبولىم ستراتەگيالىق سوققى بەرۋ كۇشتەرى دە، ءبىر ءبولىم شايقاستىق تاكتيكالىق وزىق جابدىقتار دا، بولاشاقتاعى سوعىس فورماتسياسىمەن سايكەسەتىن جاڭاشا كۇشتەر دە بار. ەكىنشى ەرەكشەلىگى: فاكتورى تولىق. قولباسشىلىق ەتۋ، مەڭگەرۋ، بارلاۋ، ساقتاندىرۋ، اۋە شابۋىلىنان قورعانۋ، باسقارىلمالى بومبىعا قارسى تۇرۋ، وت كۇشىمەن سوققى بەرۋ، جالپىلىق قامتاماسىزداندىرۋ سياقتى ءتۇرلى كۇشتەردى نەگىزىنەن قامتىدى. ءۇشىنشى ەرەكشەلىگى: ناقتى سوعىستىق سيپاتى. سوعىس جۇرگىزۋ گرۋپپالارىنىڭ گرۋپپالارعا ءبولىنۋى بويىنشا پاراتتان وتۋدە ينفورماتسيانى جەتەكشى ەتۋ، جۇيەنى تىرەك ەتۋ، اسكەر سۇرىپتاپ سوعىس جۇرگىزۋ، بىرلەسىپ جەڭىسكە جەتۋ ەرەكشەلىگى ايگىلەندى.

ۋ زىكى بىلاي دەدى: بۇل رەتكى اسكەري پاراتتا جاپون شاپقىنشىلارىنا قارسى سوعىستىڭ جەڭىسكە جەتۋ نەگىزگى تاقىرىبىن تۇسىندىرۋگە نازار اۋدارىلىپ، جاپون شاپقىنشىلارىنا قارسى سوعىستىڭ فاكتورلارىن، تاريحي فاكتورلارىن جوبالاۋعا ءمان بەرىلدى، باستىسى، مىناداي ءۇش جاقتان بەينەلەندى: ءبىرىنشى، جاپون شاپقىنشىلارىنا قارسى كۇرەستىڭ قان تامىرىنا مۇراگەرلىك ەتۋ. پاراتقا قاتىناسقان اسكەري بولىمدەردىڭ كوبى جاپون شاپقىنشىلارىنا قارسى سوعىس بولىمدەرىنىڭ قان تامىرى بار ورىنداردان تاڭدالعان، 8 - ارميا، جاڭا 4 - ارميا، شىعىس سولتۇستىك جاپون شاپقىنشىلارىنا قارسى سوعىس بىرلەسكەن ارمياسى، وڭتۇستىك جۇڭگو پارتيزاندار اترەتى قاتارلى جاپون شاپقىنشىلارىنا قارسى سوعىستاعى نەگىزگى كۇشتەر تولىق قامتىلىپ، حالىق ارمياسىنىڭ جاپون شاپقىنشىلارىنا قارسى جاپالى دا ەرەن سوعىس بارىسى تولىق بەينەلەنىپ، قىزىل گەننىڭ تاريحي جالعاسۋى بەينەلەندى. ەكىنشى، ەڭبەك ءسىڭىرۋ داڭقتى قاستەرلەندى. ارميامىزدىڭ جاپون شاپقىنشىلارىنا قارسى سوعىس داۋىرىندەگى ەڭبەك ءسىڭىرۋ داڭق تۋى سارالانىپ، حالىق ارمياسىنىڭ جاپون شاپقىنشىلارىنا قارسى سوعىستا قول جەتكىزگەن ۇلى جەڭىسى، سىڭىرگەن ەڭبەگى ايگىلەنىپ، توڭكەرىستىك قۇرباندارعا دەگەن تەرەڭ ساعىنىش، ەڭبەك ءسىڭىرىپ، داڭققا بولەنگەن اسكەري بولىمدەردى باستان - اياق ەستە بەرىك ساقتاپ، تاڭداۋلى ءداستۇرلى ستيلگە ۇزدىكسىز مۇراگەرلىك ەتۋ بەينەلەندى. ءۇشىنشى، تاريحي كلاسسيكالىق شىعارمالار قايتا ەسكە ءتۇسىرىلدى. وسى رەتكى اسكەري پاراتتا ءبىز اسكەري وركەسترمەن بىرلەسىپ، جاپون شاپقىنشىلارىنا قارسى سوعىستىڭ كوپشىلىككە تانىس كلاسسيكالىق مۋزىكالارىن ورىنداپ، اسكەري پاراتتىڭ ارناۋلى بەلگىسى سياقتىلاردى ارناۋلى جوبالاپ، بۇكىل ەل حالقىنىڭ جاپون شاپقىنشىلارىنا قارسى سوعىس تاريحىن قايتا ەسكە ءتۇسىرىپ، جاپون شاپقىنشىلارىنا قارسى سوعىس رۋحىن تۇسىنۋىنە مۇمكىندىك جاساپ، حالىق ارمياسىن مەملەكەت پەن ۇلتتىڭ ار – نامىسىن ولىسپەي بەرىسپەي قورعاۋعا شابىتتاندىردىق.

بيىل − جۇڭگو ارمياسىنىڭ بىرلەسكەن مەملەكەتتەر ۇيىمىنىڭ بەيبىتشىلىكتى قورعاۋ ارەكەتىنە قاتىناسقاندىعىنىڭ 35 جىلدىعى. ۋ زىكى مىنالاردى ءبىلدىردى: بيىلعى اسكەري پاراتتا بەيبىتشىلىكتى قورعاۋ مىندەتىن وتەگەن اسكەري ءبولىمدى كوزدەن كەشىرۋ ورنالاستىرىلادى. حالىق جاساعى − ەلىمىز قارۋلى كۇشتەرىنىڭ قۇرامداس بولەگى، جۇڭگو حالىق ازاتتىق ارمياسىنىڭ قولعاناتى جانە زاپاس كۇشى. بۇل رەتكى اسكەري پاراتقا حالىق جاساقتارىنىڭ شارشى توبى قاتىناسادى، بۇل − حالىق جاساقتارىنىڭ جاپون شاپقىنشىلارىنا قارسى سوعىستى ەسكە ءتۇسىرۋدى نەگىزگى تاقىرىپ ەتكەن اسكەري پاراتقا تۇڭعىش رەت قاتىناسۋى.

ۋ زىكى مىنالاردى ءبىلدىردى: دەنساۋلىق جاعدايى سياقتى فاكتورلاردى جان - جاقتى ويلاستىرىپ، وسى رەتكى اسكەري پاراتتا جاپون شاپقىنشىلارىنا قارسى سوعىسقا قاتىناسقان ساقا اسكەرلەر شارشى اترەتىن كوزدەن كەشىرۋدى ۇيىمداستىرمادىق، قايتا جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردى، ساقا جولداستاردى، ساقا حالىق جاساقتارىن، جەرگىلىكتى ورىنداعى الدىڭعى شەپكە كومەكتەسكەن ۇلگىلەردىڭ ۋاكىلدەرىن جانە جاپون شاپقىنشىلىعىنا قارسى سوعىس قۇرباندارىنىڭ وتباسى مۇشەلەرىنىڭ ۋاكىلدەرىن تيان - انمىن الاڭىنا بارىپ سالتتى تاماشالاۋعا ورنالاستىرىپ، ساقا قاھارماندارعا وسكەلەڭ قۇرمەت بىلدىرمەكپىز. بۇل رەتكى اسكەري پاراتتا گومينداڭنىڭ جاپون شاپقىنشىلارىنا قارسى سوعىس ساقا اسكەرلەرىنىڭ، سونداي - اق جۇڭگونىڭ جاپون شاپقىنشىلارىنا قارسى سوعىسىنىڭ جەڭىسىنە ۇلەس قوسقان حالىقارالىق دوستاردىڭ نەمەسە ولاردىڭ وتباسى مۇشەلەرىنىڭ ۋاكىلدەرى ناق مايدانعا كەلىپ كورۋگە ۇسىنىس ەتىلەدى.

كەلۋ قاينارى: حالىق تورابى