«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» اتتى كىتاپتىڭ جاپون تىلىندەگى باسىلىمىنىڭ تۇڭعىش تاراتىلۋ سالتى جانە ”الەمدىك دامۋداعى جۇڭگو جوباسى“ اۋىس ـ كۇيىس، زەرتتەۋ ـ تالقى ءماجىلىسى توكيودا وتكىزىلدى

شينحۋا اگەنتتىگىنىڭ 6 ـ ايدىڭ 19 ـ كۇنى توكيودان بەرگەن حابارى (تىلشىلەر لي زىيۋە، ياڭ جىشياڭ). «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» اتتى كىتاپتىڭ جاپون تىلىندەگى باسىلىمىنىڭ تۇڭعىش تاراتىلۋ سالتى جانە ”الەمدىك دامۋداعى جۇڭگو جوباسى“ اۋىس ـ كۇيىس، زەرتتەۋ ـ تالقى ءماجىلىسى 6 ـ ايدىڭ 19 ـ كۇنى جاپونيانىڭ توكيوسىندا وتكىزىلدى.

ماجىلىسكە قاتىناسقان جۇڭگولىق، جاپونيالىق سيلى قوناقتار مەن وقىمىستىلار بىلاي دەپ قارادى: «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» اتتى كىتاپتا ءتوراعا شي جينپيڭنىڭ جۇڭگو ۇلگىسىندەگى وسىزامانداندىرۋدى ارقاۋ ەتە جاريالاعان ءبىر قىدىرۋ ماڭىزدى بايىمداۋى ەنگىزىلىپ، جۇڭگو ۇلگىسىندەگى وسىزامانداندىرۋ نازارياسىنىڭ باي مازمۇنى مەن وزەكتى ءمانى جالپى بەتتىك بەينەلەنگەن. بۇل شىعارمانىڭ جاپون تىلىندەگى باسىلىمى مەن وسىدان ىلگەرى باسپادان شىققان اعىلشىن تىلىندەگى، فرانسۋز تىلىندەگى، ورىس تىلىندەگى، اراب تىلىندەگى باسىلىمى، سونداي ـ اق جاقىندا باسپادان شىققان يسپان تىلىندەگى باسىلىمى حالىقارالىق قوعامنىڭ جۇڭگو ۇلگىسىندەگى وسىزامانداندىرۋدىڭ تاريحي اعىمىن، نازاريالىق جۇيەسىن، امالياتتىق تالابىن جانە دۇنيە جۇزىلىك ءمانىن تەرەڭدەي تۇسىنۋىنە ءتيىمدى.

ماجىلىسكە قاتىناسقان سيلى قوناقتار بىلاي دەپ قارادى: جۇڭگو ۇلگىسىندەگى وسىزامانداندىرۋ — ادامزات وركەنيەتىنىڭ العا باسۋىن ىلگەرىلەتەتىن شىعىس اقىل ـ پاراساتىنىڭ جاۋھارى، جۇڭگو كوممۋنيستىك پارتياسىنىڭ حالىقتى ىنتىماقتاستىرىپ جانە باستاپ 100 جىلدىق جورىقتا ورناتقان ”ءداۋىر بەلەسى“، جۇڭحۋانىڭ بايتاق دالاسىنا تامىر تارتقان، اقيقات نۇرىن شاشقان ادامزاتتىڭ ادىلەت جولى، ونان دا ماڭىزدىسى، ءتوراعا شي جينپيڭنىڭ ەل باسقارۋ يدەياسىنىڭ شوعىرلى بەينەلەنۋى. جۇڭگو ۇلگىسىندەگى وسىزامانداندىرۋ دۇنيە جۇزىنە ورنىقتىلىق جانە ايقىندىلىق ۇستەدى، دۇنيە جۇزىنە جاڭا قوزعالىس قۋاتى مەن جاڭا وراي ۇستەدى، دۇنيە جۇزىنە اشىقتىق جانە ءوزارا پايدا جەتكىزۋشىلىك ۇستەدى.

تۇڭعىش تاراتىلۋ سالتىندا جۇڭگولىق، جاپونيالىق سيلى قوناقتار «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردىڭ» جاپون تىلىندەگى جاڭا كىتابىنىڭ تۇساۋىن بىرگە كەستى، جۇڭگو جاق جاپونيا جاققا جاڭا كىتاپ ۇسىندى. قازىرگە دەيىن وسى كىتاپتىڭ باسپادان شىققان 6 ءتۇرلى شەتەل تىلىندەگى باسىلىمى دۇنيە جۇزىندەگى د30ان استام ەلگە جانە وڭىرگە تاراتىلدى.

جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ مەكەمەسىندەگى، جۇڭگونىڭ جاپونياداعى باس ەلشىلىگىندەگى نەگىزگى جاۋاپتى جولداستار، جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ قاتىستى تاراۋلارىنداعى جاۋاپتى جولداستار، جاپونياداعى ساياسي قايراتكەرلەر، وقۋ ـ اعارتۋ سالاسى، اقىل ـ پاراسات قويماسى ۋاكىلدەرى، حۋاچياۋلار، حۋارىندار ۋاكىلدەرى، مەديالار سياقتىلاردان 120دان استام ادام تۇڭعىش تاراتىلۋ سالتىنا جانە زەرتتەۋ ـ تالقى، اۋىس ـ كۇيىس جاساۋ قيمىلىنا قاتىناستى.

وسى رەتكى قيمىلدى جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ مەكەمەسى، جۇڭگونىڭ جاپونياداعى باس ەلشىلىگى باس بولىپ وتكىزدى، ورتالىق رەداكسيا ـ اۋدارما باسپا مەكەمەسى مىندەتىنە الىپ وتكىزدى.

كەلۋ قاينارى: حالىق تورابى