2025 - جىلعى (جۇڭگو) ازيا - ەۆروپا تاۋار ساۋدا كورمەسى باستالدى (سۋرەتتى حابار)

حالىق تورابىنىڭ 6 - ايدىڭ 26 – كۇنى ۇرىمجىدەن بەرگەن حابارى (ياڭ رۇي، چىن شينحۇي، لي شينياڭ) ”ازيا - ەۆروپا سەلبەستىگىن بىرگە اقىلداسىپ، جىبەك جولىنىڭ گۇلدەنۋىنەن بىرگە يگىلىكتەنەيىك“ تاقىرىبىنداعى 2025 - جىلعى (جۇڭگو) ازيا - ەۆروپا تاۋار ساۋدا كورمەسى (تومەندە قىسقاشا ساۋدا كورمەسى دەلىنەدى) 6 - ايدىڭ 26 - كۇنى شينجياڭ حالىقارالىق كورمە ورتالىعىندا اشىلدى.

وسى كەزەكتى ساۋدا كورمەسى نازاردى شينجياڭنىڭ ”10 ءىرى كاسىپ شوعىرى“ قۇرىلىسىنىڭ وزەكتى مىندەتىنە قىزمەت وتەۋگە شوعىرلاندىرىپ، 140 مىڭ شارشى مەتر كەلەتىن بولمەنىڭ ءىشى - سىرتىنداعى كورمە رايونىن قۇردى، كولەمى مەن حالىقارالانۋ دەڭگەيى وتكەن كەزەكتەردەن اسىپ ءتۇستى، 50 مەملەكەت پەن رايوننان كەلگەن 2800 دەن استام كاسىپورىن كورمەگە قاتىناستى. وسى ارالىقتا 60 نەشە مايدان ساۋدانى جەبەۋ قيمىلى شوعىرلى وتكىزىلىپ، كاسىپورىنداردىڭ الەمدىك بازارمەن ۇشتاسۋىنا دەم بەرىلەدى.

(جۇڭگو) ازيا ـ ەۆروپا تاۋار ساۋدا كورمەسى جۇڭگو — ازيا ـ ەۆروپا كورمەسىنىڭ ماڭىزدى قۇرامداس بولىگى رەتىندە 4 كەزەك ءساتتى وتكىزىلدى ءارى سۇبەلى تابىستارعا قول جەتكىزىپ، شينجياڭنىڭ جوعارى دەڭگەيدە سىرتقا ەسىك اشۋىن ىلگەرىلەتۋدە، جاڭا دامۋ جاعدايىن قالىپتاستىرۋدا ماڭىزدى رول اتقاردى.