جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ ساي شۇيجىعا ”2 - دارەجەلى عارىش ۇلەسكەرى مەدالىن“ بەرۋ، سۇڭ ليڭدۇڭعا، ۋاڭ حاۋزىعا ”قاھارمان عارىشكەر“ داڭق اتاعىن بەرۋ ءارى ”3 - دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى

2024 - جىلى 10 - ايدىڭ 30 - كۇنى شىنجوۋ _ 19 عارىشكەرلى الەم كەمەسى ءساتتى ۇشىرىلدى، عارىشكەرلەر ساي شۇيجى، سۇڭ ليڭدۇڭ، ۋاڭ حاۋزى الەم كەمەسىمەن تيانحى وزەكتى بولمەسىنە ءساتتى كىرىپ، وربيتادا 6 اي تۇرىپ، ىلگەرىندى - كەيىندى 3 رەت كابينادان شىعۋ قيمىلىن جۇرگىزىپ، 6 رەت جۇك تيەيتىن گاز تيەكتى بولمەگە كىرىپ - شىعۋ مىندەتىن اتقارىپ، 90 نەشە ءتۇرلى كەڭىستىك بەكەتى قۇرىلىسىنىڭ دارەجەسىن جوعارىلاتۋ، قورعاۋ، جوندەۋ مىندەتىن ورىنداپ، 80 نەشە ءتۇرلى كەڭىستىك عىلمي تاجىريبەسى مەن تەحنيكالىق سىناعىن ورىستەتىپ، 2025 - جىلى 4 - ايدىڭ 30 - كۇنى امان - ەسەن ورالدى. شىنجوۋ - 19 عارىشكەرلى الەم كەمەسىنىڭ عارىشقا ادام الىپ ۇشۋ مىندەتى _ ەلىمىزدىڭ عارىشقا ادام الىپ ۇشۋ ينجەنەرياسىنىڭ كەڭىستىك بەكەتىن قولدانۋ جانە دامىتۋ ساتىسىنا قادام تاستاۋداعى 4 - رەتكى ادام الىپ ۇشۋ مىندەتى، عارىشكەرلەردىڭ كابينادان شىعۋ قيمىلىنىڭ 9 ساعاتتىق دۇنيە جۇزىلىك رەكوردىن جاراتىپ، حالىقارالىق تۇڭعىش كەڭىستىك وپتيكالىق كريستال شاقپاعى كۆانتتىق ەلىكتەمەلى تاجىريبە تۇعىرىن قۇرىپ، جۇڭگونىڭ عارىش ىستەرىنىڭ جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋىندە تىڭ قادام تاستاعاندىعىنان دەرەك بەردى، بۇل ەلىمىزدىڭ جالپىلىق مەملەكەت قۋاتى مەن جۇڭحۋا ۇلتىنىڭ ۇيىسۋ قۋاتىن جوعارىلاتىپ، بارلىق جۇڭحۋا ۇلاندارىنىڭ ۇلتتىق سەنىمى مەن ماقتانىش سەزىمىن ونان ارى كۇشەيتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن قيىندىقتاردى جەڭىپ، ۇدەرە العا تارتۋعا شابىتتاندىرۋ جونىنەن كەلەلى ماڭىز الادى.

شىنجوۋ - 19 عارىشكەرلى الەم كەمەسىنىڭ عارىشقا ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم - تەحنيكا قىزمەتكەرلەرىنىڭ، عارىشكەرلەردىڭ، كادرلار مەن جۇمىسشى - قىزمەتكەرلەردىڭ، ازاتتىق ارميانىڭ كوماندير - جاۋىنگەرلەرىنىڭ اقىل - پاراساتى مەن جۇرەك قانى سىڭگەن. ساي شۇيجى، سۇڭ ليڭدۇڭ، ۋاڭ حاۋزى جولداستار _ سولاردىڭ كورنەكتى ۋاكىلدەرى، ولار وتان ءۇمىتىن اقتاۋدى مۇرات ەتىپ، بورىشقا ادال بولىپ، حاۋىپ - قاتەردەن تايسالماي، جاۋاپكەرشىلىكتى باتىلدىقپەن ارقالاپ، دۇنيە جۇزىنە قۇدىرەتتى جۇڭگو جىگەرىن، جالىنىن، سەنىمىن ايگىلەدى. ساي شۇيجى جولداس عارىشقا ادام الىپ ۇشۋ مىندەتىن 2 رەت اتقارىپ، كابينادان جيىنى 5 رەت شىعۋ قيمىلىن ورىنداپ، ەلىمىزدىڭ كابينادان شىعۋ رەت سانى ەڭ كوپ عارىشكەرگە اينالدى. سۇڭ ليڭدۇڭ جولداس سابىرلى دا سالماقتى بولىپ، اۋىر مىندەتتى باتىلدىقپەن ارقالاپ، تۇڭعىش رەت عارىشقا ۇشتى، ياعني كابينادان 3 رەت شىعىپ، ەلىمىزدەگى كابينادان شىعۋ قيمىلىن تۇڭعىش رەت جۇرگىزگەن 90 - جىلداردىڭ تۇلەگى بولدى. ۋاڭ حاۋزى جولداس تاباندىلىقپەن، قاجىرلىلىقپەن شىڭدالىپ، داڭقپەن شىنجوۋ - 19 عارىشكەرلى الەم كەمەسىن ۇشىرۋ گرۋپپاسىنا تاڭدالىپ، كەڭىستىك بەكەتىنە كىرگەن تۇڭعىش ايەل عارىشقا ۇشۋ ينجەنەرىنە اينالدى. ولاردىڭ ەلىمىزدىڭ عارىشقا ادام الىپ ۇشۋ ىستەرىنە قوسقان كورنەكتى ەڭبەگىن ماداقتاۋ ءۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى ساي شۇيجى جولداسقا ”2 - دارەجەلى عارىش ۇلەسكەرى مەدالىن“ بەرۋدى، سۇڭ ليڭدۇڭ، ۋاڭ حاۋزى جولداستارعا ”قاھارمان عارىشكەر“ داڭق اتاعىن بەرۋدى ءارى ”3 - دارەجەلى عارىش ۇلەسكەرى مەدالىن“ بەرۋدى ۇيعاردى.

ساي شۇيجى، سۇڭ ليڭدۇڭ، ۋاڭ حاۋزى جولداستار — اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىستەرگە ءوزىن ارناۋدىڭ ءداۋىر اتويشىسى، عارىشقا ىزدەنىس جاساۋدىڭ، عارىشقا ارمان ورناتۋدىڭ، عارىش ىستەرىندەگى قۇدىرەتتى ەل قۇرۋدىڭ ۇلگىسى. پارتيا ورتالىق كوميتەتى مىناعان ۇندەدى: بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماداقتالىپ - سيلانعان عارىشكەرلەردى ۇلگى ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكى بومبى، ءبىر جاساندى سەرىك“ رۋحىن جانە عارىشقا ادام الىپ ۇشۋ رۋحىن بارىنشا ساۋلەلەندىرىپ، سەنىمدى بەكەمدەپ، تاباندىلىقتى ساقتاپ، قايراتتانا العا ۇمتىلىپ، ايانباي ۇلەس قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!

(شينحۋا اگەنتتىگى، 7 - ايدىڭ 23 - كۇنى، بەيجيڭ)

كەلۋ قاينارى: حالىق تورابى