اۋىل شارۋاشىلىعىنا ساياتىن جالپىعا ءتيىمدى تيپتەگى قارىز بەرۋ ءبىرشاما تەز ارتۋ مولشەرىن ساقتادى 

حالىق گازەتىنىڭ ءتىلشىسى جاۋ جانحۇي 8 – ايدىڭ 11 – كۇنى بەيجيڭنەن حابارلايدى. ءتىلشىنىڭ فينانستى باقىلاۋ – باسقارۋ باس مەڭگەرمەسىنەن ۇعىسۋىنشا، بيىل الدىڭعى جارىم جىلدا ەلىمىز بويىنشا اۋىل شارۋاشىلىعىنا ساياتىن جالپىعا ءتيىمدى تيپتەگى قارىز بەرۋ، استىققا ساياتىن ءتۇيىندى سالالاردا قارىز بەرۋ مولشەرى تۇگەلدەي ءبىرشاما تەز ارتۋ مولشەرىن ساقتاعان، ال، ءوسىم مولشەرىنىڭ ورەسى ۇزدىكسىز تومەندەگەن.

6 – ايدىڭ سوڭىنا دەيىن، ەلىمىز بويىنشا اۋىل شارۋاشىلىعىنا ساياتىن جالپىعا ءتيىمدى تيپتەگى قارىزدىڭ قالدىق سوماسى 13 تريلليون 940 ميلليارد يۋان بولىپ، جىل باسىنداعىدان %8.34 ارتقان؛ ەلىمىز بويىنشا استىققا ساياتىن ءتۇيىندى سالالارداعى قارىزدىڭ قالدىق سوماسى 5 تريلليون 100 ميلليارد يۋان بولىپ، جىل باسىنداعىدان %13.5 ارتقان. بيىل 1 – ايدان 6 – ايعا دەيىن، ەلىمىز بويىنشا جاڭادان تاراتىلعان اۋىل شارۋاشىلىعىنا ساياتىن جالپىعا ءتيىمدى تيپتەگى قارىزدىڭ ورتاشا ءوسىم مولشەرى سايكەستى مەزگىلدەگىدەن 0.61 پايىز تومەندەپ، تومەندەۋ بەتالىسىن جالعاستى ساقتاعان.

فينانستى باقىلاۋ – باسقارۋ باس مەڭگەرمەسىنىڭ قاتىستى جاۋاپتىسىنىڭ ايتۋىنشا، اۋىل شارۋاشىلىعى، اۋىل – قىستاق جانە شارۋالار سالاسى بويىنشا فينانس ءتۇزىلىسى مەن مەحانيزمىنە رەفورما جاساۋدى ۇزدىكسىز تەرەڭدەتىپ، استىق ءوندىرۋ، اۋدان اۋماعىندىق حالىقتى اۋقاتتاندىرۋ كاسىپ سالاسى، اۋىل – قىستاقتى كوركەيتۋ قاتارلى اۋىل شارۋاشىلىعى، اۋىل – قىستاق جانە شارۋالار قىزمەتىندەگى ءتۇيىندى سالالارعا نازاردى شوعىرلاندىرىپ، فينانستىق قامداۋدى ۇزدىكسىز كۇشەيتىپ، اۋىل شارۋاشىلىعى، اۋىل – قىستاق جانە شارۋالار سالاسىنا فينانستىق قىزمەت وتەۋدىڭ ساپاسى مەن ونىمدىلىگىن ۇزدىكسىز جوعارىلاتادى.

كەلۋ قاينارى: حالىق تورابى