2025 – جىلعى قىزمەت وتەۋ ساۋدا جارمەڭكەسى 9 – ايدىڭ 10 – كۇنىنەن 14 – كۇنىنە دەيىن بەيجيڭدە وتكىزىلەدى 

حالىق گازەتىنىڭ ءتىلشىسى پان جۇنچياڭ 8 – ايدىڭ 11 – كۇنى بەيجيڭنەن حابارلايدى. ءتىلشىنىڭ 2025 – جىلعى جۇڭگو حالىقارالىق قىزمەت وتەۋ ساۋدا جارمەڭكەسىنە ءبىر اي قالعانى بايلانىسىمەن ۇگىت جۇرگىزۋ قيمىلىنان ۇعىسۋىنشا، 2025 – جىلعى قىزمەت وتەۋ ساۋدا جارمەڭكەسى 9 – ايدىڭ 10 – كۇنىنەن 14 – كۇنىنە دەيىن بەيجيڭ شوۋگاڭ باقشا رايونىندا وتكىزىلەدى، ”دۇنيە جۇزىلىك قىزمەت وتەۋ، ءوزارا تيىمدىلىك جەتكىزىپ، ورتاق يگىلىكتەنۋ“ تانىمى بويىنشا، ”سيفرلاندىرۋ جانە زەردەلىلەندىرۋدى جەتەكشىلىك ەتىپ، قىزمەت وتەۋدى جاڭعىرتۋ“ سىندى جىلدىق نەگىزگى تاقىرىپقا نازاردى شوعىرلاندىرا وتىرىپ، دۇنيە جۇزىلىك قىزمەت وتەۋ ساۋداسى سالاسىنداعى باسشىلاردىڭ باس قوسۋى، كورگىزبەگە قويىپ كورسەتۋ، تالقى مىنبەرى جانە ءماجىلىس، كەڭەسۋ جانە تانىستىرۋ، جەتىستىكتەردى جاريالاۋ، سايكەستى قيمىلدار قاتارلىلار ۇزدىكسىز وتكىزىلەدى.

وسى رەتكى قىزمەت وتەۋ ساۋدا جارمەڭكەسىنىڭ باستى جارمەڭكەسى مەن ارناۋلى تاقىرىپتىق جارمەڭكەسىنە شاقىرۋ قىزمەتى نەگىزىنەن ورىندالىپ بولعان، 70 كە جۋىق مەملەكەت پەن حالىقارالىق ۇيىم كورگىزبە ورنىن قۇرىپ، جارمەڭكەگە قاتىناساتىنىن بىلدىرگەن. 31 ولكە، اۆتونوميالى رايون، توتە قاراستى قالا، جوسپار بويىنشا ارناۋلى تىزىمدەلگەن 5 قالا، شينجياڭ ءوندىرىس – قۇرىلىس بيڭتۋانى جانە شياڭگاڭ، اۋمىن، تايۋان رايوندارى جارمەڭكەگە جالعاستى قاتىناسادى. باستى قوناق ەل اۆستراليا، باستى قوناق ولكە انحۇي ولكەسى تۇگەلدەي قىزمەت وتەۋ ساۋدا جارمەڭكەسى وتكىزىلگەننەن بەرگى ەڭ ءىرى كولەمدى جارمەڭكە ۇيىرمەسىن ۇيىمداستىرادى. سونىمەن بىرگە، 9 ءىرى ارناۋلى تاقىرىپ بويىنشا 800 نەشە كاسىپورىن ينتەرنەتتەن تىس جارمەڭكەگە قاتىناساتىنىن بىلدىرگەن، مۇنىڭ ىشىندە دۇنيە جۇزىلىك 500 مىقتى كاسىپورىن مەن كاسىپ سالاسىنداعى كوشباسشى كاسىپورىن قاتارىنا كىرەتىن 330 نەشە كاسىپورىن بار.

2012 – جىلدان بەرى، قىزمەت وتەۋ ساۋدا جارمەڭكەسى 11 رەت ءساتتى وتكىزىلىپ، دۇنيە ءجۇزى بويىنشا قىزمەت وتەۋ ساۋداسى سالاسىنداعى كولەمى ەڭ زور ۋنيۆەرسال جارمەڭكەگە اينالىپ، جيىنى 198 مەملەكەت پەن رايونداعى ءبىر ميلليون 100 مىڭنان استام ساۋداگەردى، شەكارا سىرتىنداعى 900 نەشە ساۋدا بىرلەستىگى مەن قۇرىلىمىن جارمەڭكەگە قاتىناسۋعا، كەڭەسۋگە جانە سەلبەسۋگە باۋراعان.

كەلۋ قاينارى: حالىق تورابى