بۇكىل ەل بويىنشا بىرلىككە كەلگەن ءىرى بازار قۇرىلىسىن ىشكەرىلەي ىلگەرىلەتەيىك

شينحۋا اگەنتتىگى، 9 - ايدىڭ 15 - كۇنى، بەيجيڭ. 9 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 18 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «بۇكىل ەل بويىنشا بىرلىككە كەلگەن ءىرى بازار قۇرىلىسىن ىشكەرىلەي ىلگەرىلەتەيىك» اتتى ماڭىزدى ماقالاسى جاريالانادى.

ماقالادا بىلاي دەپ باسا دارىپتەلدى: بۇكىل ەل بويىنشا بىرلىككە كەلگەن ءىرى بازار قۇرۋ − پارتيا ورتالىق كوميتەتىنىڭ كەلەلى شەشىمى، جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ قاجەتى عانا ەمەس، حالىقارالىق باسەكەدە ىرىقتىلىققا قول جەتكىزۋدىڭ دە قاجەتى. ەلىمىز دۇنيە جۇزىندەگى ەكىنشى ۇلكەن تۇتىنۋ بازارى رەتىندە، ءسوز جوق، بۇكىل ەل بويىنشا بىرلىككە كەلگەن ءىرى بازاردى ويداعىداي قۇرىپ، حاۋىپ - قاتەر مەن سىن - سايىسقا بايىپتىلىقپەن توتەپ بەرۋ جىگەرىمىزدى نىعايتۋىمىز كەرەك.

ماقالادا بىلاي دەپ اتاپ كورسەتىلدى: بۇكىل ەل بويىنشا بىرلىككە كەلگەن ءىرى بازار قۇرىلىسىن ىشكەرىلەي ىلگەرىلەتۋدىڭ نەگىزگى تالابى − ”بەستى بىرلىككە كەلتىرۋ، ءبىردى اشىق ۇستاۋ“. ”بەستى بىرلىككە كەلتىرۋ“ دەگەنىمىز بازار نەگىزدىك ءتۇزىمىن بىرلىككە كەلتىرۋ، اسىرەسە، مال - مۇلىك ۇقىعىن قورعاۋ، ءادىل باسەكە، ساپا ولشەمى سياقتى تۇزىمدەردىڭ بىرلىگىن جۇزەگە اسىرۋ؛ بازار نەگىزدىك قۇرىلعىلارىن بىرلىككە كەلتىرىپ، زات اينالىمى، قارجى اينالىمى، ينفورماتسيا اينالىمىن ىركىلىسسىزدەندىرىپ، وسى زامانعى ساۋدا اينالىم جۇيەسىن اقاۋسىزداندىرۋ؛ ۇكىمەتتىڭ ارەكەت ولشەمىن بىرلىككە كەلتىرىپ، جەرگىلىكتى ورىندار ەكونوميكانىڭ دامۋىن، اسىرەسە، ساۋداگەر شاقىرىپ، قارجى ەنگىزۋدى ىلگەرىلەتكەندە، قايسىسىن ىستەۋگە بولاتىنىن، قايسىسىن ىستەۋگە بولمايتىنىن ايقىن قاعيدا بەلگىلەپ، اركىم ءوز بىلگەنىن ىستەمەۋ؛ بازاردى باقىلاۋ - باسقارۋ زاڭ اتقارۋىن بىرلىككە كەلتىرىپ، بازاردى باقىلاۋ - باسقارۋ، اكىمشىلىك جازا بەلگىلەۋ ولشەمىن ايقىنداپ، ولشەمدى ەڭ سوڭىنا دەيىن قولدانۋ؛ فاكتور بايلىعى بازارىن بىرلىككە كەلتىرىپ، ەركىن اينالىمدى، جوعارى ءونىمدى ورنالاستىرۋدى جەبەپ، بايلىقتىڭ قاتە ءبولىنۋى مەن بوس قالۋىن، ىسىراپشىلدىعىن ازايتۋ كەرەك. ”ءبىردى اشىق ۇستاۋ“ دەگەنىمىز ەسىك اشۋدى ۇزدىكسىز كەڭەيتىپ، ىشكە، سىرتقا ەسىك اشۋدى ۇلاستىرۋ، جابىق اينالىممەن شۇعىلدانباۋ دەگەن ءسوز.

ماقالادا بىلاي دەپ اتاپ كورسەتىلدى: نازاردى ءتۇيىندى، قيىن تۇيىندەرگە شوعىرلاندىرىپ، ەسكىلىكتى كىناراتتاردى الاستاۋعا بەل بايلاۋ كەرەك. ءبىرىنشى، كاسىپورىنداردىڭ تومەن باعاداعى ءتارتىپسىز باسەكە بىلىقپالىعىن كۇش سالا جونگە سالۋ كەرەك. ”ىشكى قاراتالاسۋ ۇلگىسىندەگى باسەكە“ اۋىر رايوندى زاڭ، بەلگىلەمە بويىنشا ءونىمدى جونگە سالۋ كەرەك. كاسىپتىك قوعامداردىڭ ءوزىن تەجەۋ رولىن اناعۇرلىم ويداعىداي ساۋلەلەندىرىپ، كاسىپورىنداردى ءونىم ساپاسىن جوعارىلاتۋعا جەتەكتەۋ كەرەك. مەشەۋ ءوندىرىس قۋاتىنىڭ تارتىپپەن شەگىنىپ شىعۋىم ىلگەرىلەتۋ كەرەك. ەكىنشى، ۇكىمەتتىك ساتىپ الۋعا مەردىگەر شاقىرۋداعى بىلىقپالىقتى كۇش سالا جونگە سالۋ كەرەك. ەڭ تومەن باعادا مەردىگەر بولۋ، جاقسىنىڭ ورنىن ناشارمەن تولتىرۋ، مۇددەلىك استاسۋ سياقتى كورنەكتى ماسەلەلەردى ءتۇيىندى تۇردە جونگە سالۋ كەرەك. ۇكىمەتتىك ساتىپ الۋ مەن مەردىگەر شاقىرۋ، مەردىگەرلىككە مالىمدەلۋدى ارناعا ءتۇسىرىپ، مەردىگەر بولۋ ناتيجەسىنىڭ ادىلدىگى جونىندەگى تەكسەرۋدى كۇشەيتۋ كەرەك. ءۇشىنشى، جەرگىلىكتى ورىنداردىڭ ساۋداگەر شاقىرىپ، قارجى ەنگىزۋدەگى بىلىقپالىعىن كۇش سالا جونگە سالۋ كەرەك. بۇكىل ەل بويىنشا بىرلىككە كەلگەن جەرگىلىكتى ورىنداردىڭ ساۋداگەر شاقىرىپ، قارجى ەنگىزۋ ارەكەت تىزىمدىگىن جاساپ، شابىتتاندىراتىن جانە تيىم سالاتىن ناقتى ارەكەتتەردى ايقىنداۋ كەرەك. ساۋداگەر شاقىرىپ، قارجى ەنگىزۋ ينفورماتسياسىن جاريالاۋدى كۇشەيتۋ كەرەك. ءتورتىنشى، ىشكى - سىرتقى ساۋدانىڭ ءبىر تۇلعالانىپ دامۋىن كۇش سالا ىلگەرىلەتۋ كەرەك. ەكسپورتتىڭ ىشكى بازاردا ساتىلۋ جولىن ىركىلىسسىزدەندىرىپ، ەل ىشىندەگى، حالىقاراداعى ولشەمدەردىڭ بىردەيلىگىن جوعارىلاتىپ، ىشكى - سىرتقى ساۋداداعى ءبىر توپ ساپالى كاسىپورىندى جەتىلدىرۋ كەرەك. بەسىنشى، زاڭ - ەرەجە، ءتۇزىم جاعىنداعى ولقىلىقتاردى كۇش سالا تولىقتاۋ كەرەك. كاسىپورىندارعا ساياتىن زاڭ اتقارۋدى ارناعا ءتۇسىرۋ ارناۋلى قيمىلىن ۇزدىكسىز ورىستەتۋ كەرەك. بازاردىڭ بىرلىككە كەلۋىنە پايدالى قازىنا، باجى ءتۇزىلىسى، ساناق، ەسەبات ءتارتىبى جانە سەنىمدىلىك جۇيەسىن كەمەلدەندىرۋ كەرەك. التىنشى، قىزمەت ناتيجەسى كوزقاراسىنداعى اعاتتىقتاردى كۇش سالا تۇزەتۋ كەرەك. جوعارى ساپالى دامۋدى باعالاۋ جۇيەسى مەن كادرلاردىڭ قىزمەت ناتيجەسىن باعالاۋ جۇيەسىن كەمەلدەندىرۋ كەرەك.

ماقالادا بىلاي دەپ باسا دارىپتەلدى: بۇكىل ەل بويىنشا بىرلىككە كەلگەن ءىرى بازار قۇرۋ − ءارى قامال الۋ شايقاسى، ءارى ۇزاققا سوزىلاتىن شايقاس، جەر - جەر، تاراۋلار ساياسي جانە جالپى جاعداي تۇرعىسىنان تياناقتاندىرۋدى ويداعىداي يگەرۋى كەرەك. ورتالىق پەن جەرگىلىكتى ورىندار، جەرگىلىكتى ورىندار مەن جەرگىلىكتى ورىندار، ۇكىمەتتەر مەن كاسىپورىندار، كاسىپورىندار مەن كاسىپورىندار سايكەسۋدى، سەلبەسۋدى كۇشەيتىپ، ىلگەرىلەتۋدىڭ بىرىككەن كۇشىن قالىپتاستىرۋى كەرەك.

كەلۋ قاينارى: حالىق تورابى