جاڭا بانكە قۇرىلاتىن بولدى! ۇكىمەت جاق رەسمي بەكىتتى 

11 – ايدىڭ 7 – كۇنى، مەملەكەتتىك فينانستى باقىلاۋ – باسقارۋ باس مەڭگەرمەسى جاريالاعان اقپاراتقا قاراعاندا، شينجياڭ اۋىل – قىستاق ساۋدا بانكەسى شەكتى جارنا سەرىكتەستىگى 10 – ايدىڭ 31 – كۇنى بەكىتۋدەن ءوتىپ قۇرىلاتىن بولدى.

مەملەكەتتىك فينانستى باقىلاۋ – باسقارۋ باس مەڭگەرمەسىنىڭ ايتۋىنشا، «شينجياڭ اۋىل – قىستاق ساۋدا بانكەسى شەكتى جارنا سەرىكتەستىگىن قۇرۋ جونىندە نۇسقاۋ سۇراۋ» مەن قاتىستى تۇسىنىكتەمە ماتەريالداردى تاپسىرىپ العان. تەكسەرۋ ارقىلى مىناداي بەكىتپە قايتارعان:

ءبىرىنشى، شينجياڭ اۋىل – قىستاق ساۋدا بانكەسى شەكتى جارنا سەرىكتەستىگىن قۇرۋ ماقۇلداندى.

ەكىنشى، شينجياڭ اۋىل – قىستاق ساۋدا بانكەسى شەكتى جارنا سەرىكتەستىگىن قۇرۋ قىزمەتىنە جاۋاپتى گرۋپپا بانكەنى قۇرۋ ءىسىن ءبىتىرۋ بارىسىندا قاتىستى زاڭ – تۇزىمدەردەگى تالاپتارعا قاتاڭ بويسۇنۋى كەرەك، بەكىتپە جاسالعان كۇننەن باستاپ، 6 اي ىشىندە قۇرۋ قىزمەتىن ورىنداپ بولۋى كەرەك.

ءۇشىنشى، قۇرۋ مەزگىلىندە شينجياڭ فينانستى باقىلاۋ – باسقارۋ مەكەمەسىنىڭ باقىلاۋىن جانە جەتەكشىلىك ەتۋىن قابىلدايدى. قۇرۋ قىزمەتى اياقتاعان سوڭ، قاتىستى بەلگىلەمەلەر مەن تارتىپتەر بويىنشا شينجياڭ فينانستى باقىلاۋ – باسقارۋ مەكەمەسىنە جۇمىس باستاۋ تۋرالى ءوتىنىش تاپسىرادى، شينجياڭ فينانستى باقىلاۋ – باسقارۋ مەكەمەسى زاڭ – تۇزىمگە ساي، ءتارتىپ بويىنشا جۇمىس باستاۋدى بەكىتۋگە ساياتىن ىستەردى ورىندايدى.

كەلۋ قاينارى: حالىق تورابى