ەل ىشىندەگى جانارماي باعاسى جىل باسىنان بەرى جەتىنشى رەت قىمباتتاۋى مۇمكىن

جۇڭگو اقپارات تورابى ەكونوميكا ارناسىنىڭ 11 – ايدىڭ 10 – كۇنى بەرگەن حابارى (ۋان كى – ي) ەل ىشىندەگى وڭدەلگەن مۇناي باعاسىن جاڭا اينالىمدا رەتتەۋ تەرەزەسى 11 – ايدىڭ 10 – كۇنى ساعات 24 تە اشىلادى. قۇرىلىمداردىڭ كوزقاراسىن قورىتىندىلاۋعا قاراعاندا، وسى رەتكى رەتتەۋ بارىسىندا ماي باعاسى جىل باسىنان بەرى جەتىنشى رەت قىمباتتاۋى مۇمكىن.

جوچۋاڭ اقپارات سەرىكتەستىگىنىڭ ساندى مالىمەتتى باقىلاۋ مودەلىنە قاراعاندا، 11 - ايدىڭ 6 – كۇنگى سوڭعى باعا بويىنشا، ەل ىشىندە 9 – قىزمەت كۇنىندەگى سالىستىرۋعا بولاتىن شيكىزاتتىق مۇناي باعاسىنىڭ وزگەرىسى %3.12 بولعان، مەجەمەن بەنزين مەن ديزەل مايىنىڭ قىمباتتاۋ مولشەرى تونناسىنا 135 يۋان بولادى، ليتىرىنە سىندىرىپ ەسەپتەگەندە #92 بەنزين، #95 بەنزين جانە #0 ديزەل مايى تۇگەلدەي 0.11 قىمباتتايدى. قازىرگى مولشەر بويىنشا ەسەپتەگەندە، وسى اينالىمداعى وڭدەلگەن مۇنايدى بولشەك ساتۋ باعاسىن شەكتەلگەن باعا كولەمىندە جوعارىلاتۋ تۇراقتاندىرىلعان سوڭ، وتباسىلىق اۆتوموبيلدەردىڭ 50 ليترلىك ماي ساندىقشاسىن 92# بەنزينمەن ءبىر رەت تولتىرۋ ءۇشىن 5.5 يۋان ارتىق جۇمساۋعا تۋرا كەلەدى.

جۇڭگو اقپارات تورابى ەكونوميكا ارناسىنىڭ ساراپتاۋىنشا، جىل باسىنان بەرى ەل ىشىندەگى جانارماي باعاسىن رەتتەۋ تەرەزەسى باعانى 21 رەت رەتتەگەن، جەكە – جەكە ”التى رەت قىمباتتاپ، توعىز رەت ارزانداپ، التى رەت قالپىن ساقتاعان“. قىمباتتاۋ مەن ارزانداۋ مولشەرىن ءبىر – بىرىمەن دولايلاستىرعاندا، ەل ىشىندە بەنزين مەن ديزەل مايىنىڭ باعاسى ءار تونناسىنا بىلتىر جىل سوڭىنداعىدان جەكە – جەكە 745 يۋان جانە 715 يۋان تومەندەتىلگەن. ەگەر وسى اينالىمداعى باعا اتقارىلسا، 2025 – جىلعى باعانى رەتتەۋ جاعدايى ”جەتى رەت قىمباتتاپ، توعىز رەت ارزانداپ، التى رەت قالپىن ساقتاعان“ كۇيدە بولادى.

كەلۋ قاينارى: حالىق تورابى