وقۋ – اعارتۋ مينيسترلىگى قىزمەتتى باقىلاۋ جانە تەكسەرۋ، ۇزدىكتەردى باعالاۋ، قىزمەتتى باعالاۋ تىزىمدىگىن باسقارۋدى جۇيەگە تۇسىرەدى

حالىق گازەتىنىڭ ءتىلشىسى ديڭ ياسۇڭ 11 – ايدىڭ 10 – كۇنى بەيجيڭنەن حابارلايدى. وقۋ – اعارتۋ مينيسترلىگى جۋىردا «ورتا، باستاۋىش مەكتەپتەگى وقىتۋشىلاردىڭ تاربيەلەۋ – وقىتۋ كولەمىنە جاتپايتىن اۋىرتپالىقتارىن اناعۇرلىم جەڭىلدەتۋگە قاتىستى ءبىرقىدىرۋ شارالار تۋرالى ۇقتىرۋدى» جاريالاپ، ورتا، باستاۋىش مەكتەپ وقىتۋشىلارىنىڭ اۋىرتپالىعىن جەڭىلدەتۋ قىزمەتىن ىشكەرىلەي ورىستەتۋ جونىندە جۇيەلى ورنالاستىرۋ جاساعان. ۇقتىرۋدا مىنالار تالاپ ەتىلگەن: الەۋمەتتىك ىستەردى مەكتەپ اۋلاسىندا ورىستەتۋگە ساياتىن اق تىزىمدىك ءتۇزىمىن كەمەلدەندىرىپ، تاربيەلەۋ – وقىتۋ قىزمەتىمەن قاتىستى جوق قيمىلدارعا وقىتۋشىلاردى ءماجبۇرلى قاتىناستىرۋعا قاتاڭ تيىم سالىنادى، وقىتۋشىلاردان وزەندى شارلاپ، ورماندى قورعاۋ، كوشەدە مىندەت وتەۋ، وركەنيەتتى قالا قۇرۋ جانە قۇتتىقتاۋ قيمىلدارى، ويىن – ساۋىق جانە كورمە قاتارلى تاربيەلەۋ – وقىتۋمەن قاتىستى جوق مىندەتتەردى اتقارۋدى تالاپ ەتۋگە بولمايدى. جوقتاماعا قاتىناسىپ، ەستەلىك قالدىرۋ، قورىتىندى جازۋ قاتارلى فورمالارمەن وتكىزىپ الۋ قيمىلىن ۇيىمداستىرۋعا قاتاڭ تيىم سالىنادى، قاتىناسۋ جاعدايىن قىزمەتتى باعالاۋمەن، وزاتتاردى باعالاۋمەن بايلانىستىرۋعا بولمايدى.

ۇقتىرۋدا مىنالار تالاپ ەتىلگەن: مەكتەپكە، وقىتۋشىعا قاتىستى باقىلاۋ، تەكسەرۋ، وزاتتاردى باعالاۋ، قىزمەتتى باعالاۋ تىزىمدىگىن جۇيەگە ءتۇسىرىپ، باقىلاۋ، تەكسەرۋ، وزاتتاردى باعالاۋ، قىزمەتتى باعالاۋ ىستەرىنىڭ جىلدىق تىزىمدىگىن باسقارۋ ءتۇزىمىن قاتاڭ اتقارىپ، ءار جىلى جىل باسىندا وقۋ – اعارتۋ مينيسترلىگىنە جولداپ ەستەلىككە الدىرۋ قاجەت، تىزىمدىككە ەنگىزىلمەگەن ىستەردى ورىستەتۋگە، استە، بولمايدى. وركەنيەتتى ورىن قۇرۋدا ۇلگى كورسەتۋ، ”ءبىر داۋىسپەن تويتارىس بەرۋ“ جانە جاۋاپكەرشىلىك حاتىنا قول قويدىرۋ قاتارلى ىستەردى الباتى ورنالاستىرۋعا بولمايدى، تەكسەرۋ – زەرتتەۋ، ساراپتاۋ، جەتەكشىلىك ەتۋ، قاداعالاۋ قاتارلى جەلەۋلەرمەن باقىلاۋ، تەكسەرۋ، قىزمەتتى باعالاۋ قاتارلىلاردى ءتۇرى وزگەرگەن فورمادا ورىستەتۋگە قاتاڭ تيىم سالىنادى.

ۇقتىرۋدا مىنالار تالاپ ەتىلگەن: ورتا، باستاۋىش مەكتەپ وقىتۋشىلارىنىڭ قىزمەتىن ۋاقىتشا اۋىستىرۋدى، ۋاقىتشا ىستەتۋدى باسقارۋدى قاتاڭداستىرۋ كەرەك. جوعارى دارەجەلى ورگانداردىڭ، ورىنداردىڭ، پرينسيپتىك جاقتان، ورتا، باستاۋىش مەكتەپ وقىتۋشىلارىن ۋاقىتشا اۋىستىرۋىنا بولمايدى، ارناۋلى قىزمەت القاسى، ىلەسىپ ۇيرەنۋ، اۋىس – كۇيىس جاساپ شىنىعۋ دەگەن اتتارمەن ءتۇرى وزگەرگەن فورمادا اۋىستىرۋىنا بولمايدى.

مۇنان سىرت، ۇقتىرۋدا مىنالار تالاپ ەتىلگەن: وقىتۋشىلاردىڭ ساباقتان سىرت قىزمەت وتەۋىنە كەپىلدىك ەتۋ مەحانيزمىن كەمەلدەندىرۋ كەرەك. ساباقتان كەيىن قىزمەت وتەۋدى ساباق بار كۇندەرگە، سونداي – اق، مەملەكەت بەلگىلەگەن ساباقتاردى جانە مەكتەپتىڭ ساباق ءوتۋ جوسپارىن ورىنداپ بولعان سوڭ ورنالاستىرۋ كەرەك، اياقتايتىن ۋاقىتىن سول جەردىڭ قالىپتى قىزمەتتەن تۇسەتىن ۋاقىتىمەن ويداعىداي ۇشتاستىرۋ كەرەك، قالاعانىنشا كولەمدى كەڭەيتۋگە بولمايدى.

كەلۋ قاينارى: حالىق تورابى