پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى جۇڭگو ينجەنەريالىق عىلىمدار اكادەمياسىندا، شيزاڭدا، چيڭحايدا ۇگىت - لەكسيا جاسادى (پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە)

شينحۋا اگەنتتىگى، 11 - ايدىڭ 10 - كۇنى، بەيجيڭ. (تىلشىلەر ليۋ جىن، حۋ ۋەي - ي). پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى 11 - ايدىڭ 10 - كۇنى جۇڭگو ينجەنەريالىق عىلىمدار اكادەمياسىندا ۇگىت - لەكسيا جاسادى. ورتالىق ۇگىت - لەكسيا ۇيىرمەسىنىڭ مۇشەسى، جۇڭگو ينجەنەريالىق عىلىمدار اكادەمياسىنىڭ باستىعى، پارتيا باسشىلىق گرۋپپاسىنىڭ شۋجيى لي شياۋحۇڭ ۇگىت - لەكسيا بايانداماسىن جاسادى.

بايانداما جينالىسىندا لي شياۋحۇڭ ” 15 - بەسجىلدىق“ مەزگىلىندەگى ماڭىزدى ورىندى دۇرىس يگەرۋدى تاقىرىپ ەتىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتى مەن باستى نىساناسىن تەرەڭ ءتۇسىنىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ستراتەگيالىق مىندەتتەرى مەن كەلەلى شارالارى سياقتى جاقتاردى جان - جاقتى ءتۇسىنىپ، جالپى ءماجىلىستىڭ رۋحى جونىندە جان - جاقتى ۇگىت - لەكسيا جاسادى جانە جۇيەلى تۇسىنىك بەردى.

ول ۇگىت - لەكسيا بارىسىندا بىلاي دەدى: جالپى ءماجىلىستىڭ رۋحىن ۇيرەنۋدى، دايەكتىلەندىرۋدى شي جينپيڭنىڭ جاڭا ءداۋىر جۇڭگو ۇلگىسىندەگى سوتسياليزم يدەياسىن ۇيرەنۋمەن، تۇسىنۋمەن ساباقتاستىرىپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. مەملەكەتتىڭ ستراتەگيالىق عىلىم - تەحنيكا كۇشتەرىنىڭ رولىن كۇشەيتىپ، مەملەكەتتىڭ جوعارى دەڭگەيلى عىلىم - تەحنيكا اقىل - پاراسات قويماسى فۋنكتسياسىن ساۋلەلەندىرىپ، نازاردى مەملەكەتتىڭ ستراتەگيالىق قاجەتىنە شوعىرلاندىرىپ، ينجەنەريالىق عىلىم - تەحنيكادا جاڭالىق اشۋعا جەتەكشىلىك ەتىپ، مەملەكەتتىڭ كەلەلى عىلىم - تەحنيكالىق شەشىمدەرىنە تىرەك بولۋ كەرەك. قالىڭ اكادەميكتەر عىلىم - تەحنيكانىڭ كوشباسشى رولىن ساۋلەلەندىرىپ، كەلەلى ينجەنەريالىق تەحنيكالىق قيىن ماسەلەلەردى شەشىپ، ءتۇيىندى سالالارداعى شەشۋشى، وزەكتى تەحنيكالاردان جەدەل قامال الۋدى جۇزەگە اسىرۋى؛ عىلمي ماقالالاردى وتانىمىزدىڭ بايتاق دالاسىنا جازىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، جاڭا ساپالى وندىرگىش كۇشتەردى ۇزدىكسىز تۋىنداتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشۋعا تىڭ دا اناعۇرلىم زور ۇلەس قوسۋى كەرەك.

بىرنەشە كۇننىڭ الدىندا لي شياۋحۇڭ ىشكى موڭعۇل اۆتونوميالى رايونىنىڭ ۇلانچاب قالاسىنا بارىپ، ۇلانچاب بۇلت ساندى مالىمەت ورتالىعىنا، ءۇش قىساڭ ۇلانچاب تورابى حىشۋ تەحنيكالىق زەرتتەۋ - اشۋ سىناق بازاسىنا بارىپ تەكسەرۋ - زەرتتەۋ جۇرگىزدى ءارى ءبىرىنشى شەپتەگى قىزمەتكەرلەرمەن پىكىر اۋىستىردى.

«حالىق گازەتى»، 11 - ايدىڭ 10 - كۇنى، لحاسا (ءتىلشى يۋان چۋان). پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ بايانداما ءماجىلىسى 11 - ايدىڭ 10 - كۇنى شيزاڭ اۆتونوميالى رايونىنىڭ لحاسا قالاسىندا وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، مەملەكەتتىك دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، مەڭگەرۋشىسىنىڭ ورىنباسارى ۋاڭ چاڭلين ۇگىت - لەكسيا بايانداماسىن جاسادى.

بايانداما جينالىسىندا باس شۋجي شي جينپيڭنىڭ پارتيا 20 - كەزەكتى ورتالىق كوميتەتى ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحى جانە جالپى ءماجىلىستىڭ «ۇسىنىسىن» ۇيرەنۋ جانە دايەكتىلەندىرۋدى تاقىرىپ ەتىپ، ۋاڭ چاڭلين ”15 - بەسجىلدىق“ مەزگىلىندەگى سوتسياليستىك وسىزامانداندىرۋدى نەگىزى جاقتان ىسكە اسىرۋ بارىسىنداعى ماڭىزدى ورنىن دۇرىس يەلەپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتىن جانە نەگىز جاقتان جوسپاردى تەرەڭ ۇعىنۋدى، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ستراتەگيالىق مىندەتتەرى مەن كەلەلى شارالارىن جاپپاي ءتۇسىنىپ، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىن ۇيىستىرۋ سياقتى جاقتاردا ەلىمىزدىڭ ەكونوميكالىق، قوعامدىق دامۋ جاعدايىنا جانە شيزاڭ قىزمەتىنىڭ ءىس جۇزىندىك جاعدايىنا ۇشتاستىرىپ، ىشكەرىلەي ۇگىت - لەكسيا جاسادى جانە جان - جاقتى تۇسىنىك بەردى.

ۋاڭ چاڭلين بىلاي دەدى: جالپى ءماجىلىستىڭ «ۇسىنىسىن» دايىنداۋ بارىسى − اقىل - پاراساتتى ءونىمدى شوعىرلاندىرۋ، ورتاق تانىمدى كەڭ كولەمدە ۇيىستىرۋ بارىسى، پارتيا ىشىندەگى دەموكراتيا مەن تۇتاس بارىستاعى حالىق دەموكراتياسىن ساۋلەلەندىرۋدىڭ تاعى ءبىر رەتكى جاندى امالياتى. باس شۋجي شي جينپيڭنىڭ شيزاڭ قىزمەتى جونىندەگى ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شيزاڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، ورنىقتىلىق، دامۋ، ەكولوگيا، شەكارانى كۇشەيتۋ سىندى ”ءتورت ءىرى ءىستى“ ۇزدىكسىز ويداعىداي يگەرىپ، كەلەلى نەگىزدىك قۇرىلعىلار قۇرىلىسى مەن ەرەكشە باسىمدىلىققا يە شارۋاشىلىقتاردىڭ دامۋىن جەدەلدەتىپ، جەرگىلىكتى جاعدايعا قاراي جاڭا ساپالى وندىرگىش كۇشتەردى دامىتىپ، شيزاڭنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋ كەرەك. ەكولوگيانى الدىمەن ەسكەرۋگە، جاسىل دامۋعا تاباندى بولىپ، قارلى ۇستىرتتەگى اسپاننىڭ اناعۇرلىم اشىق، جەردىڭ اناعۇرلىم جاسىل، سۋدىڭ اناعۇرلىم تۇنىق، قورشاعان ورتانىڭ اناعۇرلىم كوركەم بولۋىنا مۇمكىندىك جاساۋ كەرەك.

11 - ايدىڭ 9 - كۇنى تۇستەن كەيىن، ۋاڭ چاڭلين لحاسا قالاسى داز رايونىنداعى شيزاڭ حالىقتىق اۆياتسياسىن دامىتۋ امبەباپ اۆياتسيا شەكتى سەرىكتەستىگىنە كەلىپ، نەگىزگى ساتىداعى جۇمىسشى - قىزمەتكەرلەردىڭ ۋاكىلدەرىمەن پىكىر اۋىستىرىپ، ”بەتپە - بەت“ ىقپالداستىق ۇگىت - لەكسياسىن ورىستەتتى.

شينحۋا اگەنتتىگى، 11 - ايدىڭ 10 - كۇنى، شينيڭ، (ءتىلشى ليۋ زىشيڭ). پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى 11 - ايدىڭ 9 - كۇنىنەن 10 - كۇنىنە دەيىن چيڭحاي ولكەسىندە ۇگىت - لەكسيا جاسادى. ورتالىق ۇگىت - لەكسيا ۇيىرمەسىنىڭ مۇشەسى، ورتالىق قازىنا كەڭسەسى مەڭگەرۋشىسىنىڭ ورىنباسارى، ورتالىق اۋىل شارۋاشىلىق كەڭسەسى مەڭگەرۋشىسىنىڭ ورىنباسارى جۋ ۋەيدۇڭ ۇگىت - لەكسيا بايانداماسىن جاسادى.

دوكلاد جيىنىندا، جۋ ۋەيدۇڭ باس شۋجي شي جينپيڭنىڭ پارتيا 20 - كەزەكتى ورتالىق كوميتەتى ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحى جانە جالپى ءماجىلىستىڭ «ۇسىنىسىن» ۇيرەنۋ جانە دايەكتىلەندىرۋدى تاقىرىپ ەتىپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ زور ماڭىزىن تولىق تانىپ، ”15 - بەسجىلدىق“ مەزگىلىنىڭ سوتسياليستىك وسىزامانداندىرۋدى نەگىزى جاقتان ىسكە اسىرۋ بارىسىنداعى ماڭىزدى ورنىن دۇرىس يەلەۋ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتى مەن باستى نىساناسىن تەرەڭ ءتۇسىنىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ستراتەگيالىق مىندەتتەرى مەن كەلەلى شارالارىن جاپپاي ءتۇسىنىپ، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ سياقتى جاقتاردا چيڭحايدىڭ ءىس جۇزىندىك جاعدايىمەن ۇشتاستىرىپ، جالپى ءماجىلىستىڭ رۋحى جونىندە جۇيەلى ۇگىت - لەكسيا جاسادى جانە ىشكەرىلەي تۇسىنىك بەردى.

جۋ ۋەيدۇڭ مىنالاردى ءبىلدىردى: شي جينپيڭ جاڭا ءداۋىر جۇڭگو ۇلگىسىندەگى سوتسياليزم يدەياسىن ىشكەرىلەي ۇيرەنگەندە، تۇسىنگەندە عانا، جالپى ءماجىلىستىڭ رۋحىن اناعۇرلىم تەرەڭ تۇسىنۋگە، ويداعىداي يگەرۋگە، ويداعىداي دايەكتىلەندىرۋگە بولادى. نازاريانى امالياتپەن ۇشتاستىرۋ سىندى ۇيرەنۋ ستيلىنە تاباندى بولىپ، ماسەلەنى باعدار ەتۋدى، امالياتتى باعدار ەتۋدى، سۇرانىستى باعدار ەتۋدى كورنەكتىلەندىرىپ، يدەيا مەن قىزمەتتىڭ ءىس جۇزىندىگىمەن تىعىز ۇشتاستىرىپ، اناعۇرلىم سانالى تۇردە عىلمي نازاريا ارقىلى امالياتقا جەتەكشىلىك ەتىپ، قىزمەتتى ىلگەرىلەتۋ كەرەك.

11 - ايدىڭ 9 - كۇنى تۇستەن كەيىن جانە 10 - كۇنى تۇستەن كەيىن، جۋ ۋەيدۇڭ حايدۇڭ قالاسى حۋجۋ تۋزۋ اۆتونوميالى اۋدانى بانيان قىستاعىنا، جۇڭگو تەلەگرافى (مەملەكەت) سيفرلى چيڭحاي جاسىل ءىرى ساندى مالىمەت ورتالىعىنا بارىپ بەتپە - بەت، ىقپالداستىق ۇگىت - لەكسيا جاسادى.