ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىنىڭ 3 - توپتاعى 5 - گرۋپپاسى جايعاسىپ بولدى

شينحۋا اگەنتتىگى، 11 - ايدىڭ 19 - كۇنى، بەيجيڭ. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ 1 - گرۋپپاسىنىڭ بەيجيڭ قالاسىن باقىلاۋ - تەكسەرۋ جونىندەگى اتتانىسقا كەلتىرۋ ءماجىلىسى 11 - ايدىڭ 19 - كۇنى بەيجيڭدە اشىلدى. سونىمەن ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ 3 - كەزەكتى 5 - توپتاعى 10 باقىلاۋ - تەكسەرۋ گرۋپپاسى تۇگەلدەي جايعاسىپ بولدى.

وسى توپتاعى باقىلاۋ - تەكسەرۋدە ورتالىقتىڭ ەكولوگيالىق ورتانى قورعاۋدى داعدىلى باقىلاۋ - تەكسەرۋ 8 گرۋپپاسى قۇرىلىپ، جەكە - جەكە بەيجيڭ، تيانجين، حىبەي سىندى 3 ولكەگە (قالا)، جۇڭگو حۋاديان توبى شەكتى سەرىكتەستىگى، مەملەكەتتىك ەنەرگيا قارجى قوسۋ توبى شەكتى جاۋاپكەرشىلىك سەرىكتەستىگى، انگاڭ بولات - تەمىر توبى شەكتى سەرىكتەستىگى، جۇڭگو باۋ - ۋ بولات - تەمىر توبى شەكتى سەرىكتەستىگى، جۇڭگو جۇڭمەي ەنەرگيا توبى شەكتى سەرىكتەستىگى سىندى 5 ورتالىقتاعى كاسىپورىنعا داعدىلى باقىلاۋ - تەكسەرۋ جۇرگىزەدى. سونىمەن قاتار، وسى توپتاعى باقىلاۋ - تەكسەرۋ بەيجيڭ، تيانجين، حىبەي، شاندۇڭ، حىنان، انحۇي، جياڭسۋ، جىجياڭ سياقتى 8 ولكەدە (قالا) دايۇنحى كانالىنىڭ ەكولوگيالىق ورتاسىن قورعاۋ جونىندە ارناۋلى باقىلاۋ - تەكسەرۋ جۇرگىزەدى.

داعدىلى باقىلاۋ - تەكسەرۋگە اتتانىسقا كەلتىرۋ ماجىلىسىندە جانە ارناۋلى باقىلاۋ - تەكسەرۋ قىزمەتىن ۇشتاستىرعاندا، باقىلاۋ - تەكسەرۋ گرۋپپاسىنىڭ باستىقتارى بىلاي دەپ اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىنا جانە ەكولوگيالىق ورتانى قورعاۋعا وسكەلەڭ ءمان بەرىپ، ەكولوگيالىق وركەنيەت قۇرىلىسىن ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدىڭ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى مازمۇنى ەتىپ، ەلىمىزدىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋدا تاريحي، بۇرىلىستىق، جالپى جاعدايلىق وزگەرىستەر تۋىلۋىن ىلگەرىلەتۋ كەرەك.

باقىلاۋ - تەكسەرۋ گرۋپپاسى جاعىنان باقىلاۋ جۇرگىزىلەتىن 8 وبيەكتىنىڭ نەگىزگى جاۋاپتى جولداستارى اتتانىسقا كەلتىرۋ ءسوزىن سويلەدى، ەكى ارناۋلى باقىلاۋ - تەكسەرۋ گرۋپپاسى باقىلاۋ - تەكسەرۋ وبيەكتىسىنىڭ جاۋاپتى جولداستارى پوزيتسيا ءبىلدىرىپ ءسوز سويلەپ، باقىلاۋ - تەكسەرۋگە سايكەسۋ قىزمەتىن بار كۇشپەن ويداعىداي ىستەپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىنە سايكەسۋ قىزمەت ورنالاستىرۋى بويىنشا، جاعدايدى تانىستىرۋ، ماتەريالمەن قامداۋ، سايكەستىرۋ، قامتاماسىز ەتۋ، باقىلاۋ - تەكسەرۋ، رەتتەۋ - تۇزەتۋ، ينفورماتسيانى جاريا ۇستاۋ سياقتى قىزمەتتەردى ويداعىداي ىستەپ، باقىلاۋ - تەكسەرۋ قىزمەتىنىڭ ءساتتى ىلگەرىلەۋىنە كەپىلدىك ەتىپ، ناقتى ونىمدىلىككە قول جەتكىزەتىندىگىن ءبىلدىردى.

قىزمەت ورنالاستىرۋى بويىنشا، 8 كەزەكتى باقىلاۋ - تەكسەرۋ گرۋپپاسىنىڭ ورنالاسىپ كىرۋ ۋاقىتى ءبىر اي، 2 ارناۋلى باقىلاۋ - تەكسەرۋ گرۋپپاسىنىڭ ورنالاسىپ كىرۋ ۋاقىتى 2 اپتا اينالاسىندا. ورنالاسىپ كىرگەندە، 8 كەزەكتى باقىلاۋ - تەكسەرۋ گرۋپپاسى جەكە - جەكە ارناۋلى كەزەكشىلىك تەلەفونى مەن پوچتا حات ساندىعىن ورناتىپ، باقىلاۋ - تەكسەرۋ وبيەكتىسىنىڭ ەكولوگيالىق ورتانى قورعاۋ جاعىنداعى ارىز - ارمان، اشكەرەلەۋ تەلەفونىن قابىلدايدى، اشكەرەلەۋ تەلەفونىن قابىلداۋ ۋاقىتى ءار كۇنى ساعات 20:00 - 8:00 بولادى. باقىلاۋ - تەكسەرۋ گرۋپپاسىنىڭ بارلىق مۇشەلەرى ءتارتىپ تالابىن قاتاڭ اتقارىپ، باقىلاناتىن وبيەكتىلەر مەن قوعامنىڭ باقىلاۋىن قابىلدايدى. كەيىنگى قىزمەت بارىسىندا ورتالىقتىڭ قاتىستى تالاپتارىن قاتاڭ تياناقتاندىرىپ، نەگىزگى ساتىنىڭ اۋىرتپالىعىن ونان ارى جەڭىلدەتىپ، ءتارتىپتى قاراپايىمداستىرىپ، ءتارتىپتى ساپالىلاندىرىپ، باقىلاۋ - تەكسەرۋ قىزمەتىنىڭ دالدىگىن، باعىتتامالىلىعىن ۇزدىكسىز جوعارىلاتىپ، باقىلاۋ - تەكسەرۋ مىندەتىن ءتارتىپتى، ءونىمدى ورىنداۋعا كەپىلدىك ەتەدى.