بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.21 14:59 كەلۋ قاينارى : حالىق تورابى
حالىق گازەتىنىڭ ءتىلشىسى يان يچياۋ 11 – ايدىڭ 20 – كۇنى بەيجيڭنەن حابارلايدى. جۋىردا وقۋ – اعارتۋ مينيسترلىگى، مەملەكەتتىك دامۋ – رەفورما جاساۋ كوميتەتى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك دەنە تاربيە باس مەڭگەرمەسى قاتارلى 5 تاراۋ «وقۋشىلاردىڭ دەنە قۋاتى ساپاسىن كۇشەيتۋ جوسپارىن اتقارۋ تۋرالى پىكىردى» بىرگە جاريالاپ، وقۋشىلاردىڭ دەنە قۋاتى ساپاسىن كۇشەيتۋگە قاتىستى «20 تارماقتى» شارانى ورتاعا قويىپ، جەر – جەردەگى ءتۇرلى مەكتەپتەردىڭ وقۋشىلاردىڭ دەنە قۋاتى ساپاسىن شىنايى كۇشەيتۋىن ىلگەرىلەتىپ، وقۋشىلاردىڭ اقاۋسىز ەسەيىپ – ەرجەتۋىن، جان – جاقتى جەتىلۋىن، وقۋ – اعارتۋدا قۋاتتى مەملەكەت بولۋ، عىلىم – تەحنيكادا قۋاتتى مەملەكەت بولۋ، دارىندىلار جاعىندا قۋاتتى مەملەكەت بولۋ قۇرىلىسى ءۇشىن دارىندىلار سالاسىندا بەرىك تىرەك ازىرلەۋىن جەبەدى.
پىكىردە 8 جاقتاعى ءتۇيىندى مىندەتتەر ورتاعا قويىلعان، دەنە تاربيەنى وقىتۋعا رەفورما جاساۋ، جاتتىقتىرۋ، باسەكە جانە دارىندىلاردى جەتىلدىرۋ جۇيەسىن كەمەلدەندىرۋ، دەنە تاربيە سالاسىنداعى تىرەكتى كۇشتەردى ۇلعايتۋ، دەنە تاربيە سالاسىنداعى باقىلاۋ جانە باعا بەرۋدى جاقسارتۋ، وقىتۋشىلار قوسىنى قۇرىلىسىن كۇشەيتۋ، شارت – جاعدايىن قامتاماسىزداندىرۋدى كۇشەيتۋ، دەنە تاربيە مادەنيەتىن جەتىلدىرۋ، قوعامدىق سايكەسۋدى ىلگەرىلەتۋ قاتارلىلاردى قامتيدى. 2027 – جىلعا بارعاندا مىندەتتى وقۋ – اعارتۋ كەزەڭى باستى ءتۇيىن ەتىلىپ، ورتا، باستاۋىش مەكتەپ وقۋشىلارىنىڭ كۇندەلىكتى جان – جاقتى دەنە تاربيە ارەكەتىمەن شۇعىلداناتىن ۋاقىتى 2 ساعاتتان تومەن بولماۋ كەرەك دەگەن تالاپ جالپى بەتتىك، جوعارى ساپالى تياناقتاندىرىلىپ، وقۋ كەزەڭدەرىن ۇشتاستىراتىن مەكتەپتەردە دەنە تاربيەنى وقىتۋ رەفورماسى جالپى بەتتىك ىشكەرىلەي ورىستەتىلىپ، بارلىق وقۋشىعا باعىتتالعان ساباقتان سىرتقى دەنە تاربيە قيمىلى باسەكەسى جاپپاي ورىستەتىلىپ، قۇرىلىمى اناعۇرلىم ۇيلەسىمدى وقىتۋشىلار قوسىنى العاشقى قادامدا قۇرىلادى، وقىتۋشىلار مەن وقۋشىلاردىڭ قاجەتىن قامتاماسىزداندىراتىن الاڭ جانە قۇرىلعى شارت – جاعدايى اناعۇرلىم جاقسارتىلادى؛ 2035 – جىلعا بارعاندا، وسىزامانداندىرىلعان، جوعارى ساپالى مەكتەپتەردەگى دەنە – تاربيە جۇيەسى نەگىزىنەن قالىپتاستىرىلادى، مەكتەپتەردەگى دەنە تاربيەنىڭ وقۋشىلاردىڭ اقاۋسىز ەسەيىپ – ەرجەتۋىندە، جان – جاقتى جەتىلۋىندە جانە وقۋ - اعارتۋدا قۋاتتى مەملەكەت قۇرىلىسىندا ماڭىزدى رول اتقارۋى جەبەلەدى دەپ ايقىن تۇراقتاندىرىلعان.
كەلۋ قاينارى: حالىق تورابى
