جۇڭگو كوممۋنيستىك پارتياسى ورتالىق كوميتەتى حۋ ياۋباڭ جولداس دۇنيەگە كەلگەندىگىنىڭ 110 جىلدىعىن ەسكە ءتۇسىرۋ اڭگىمە ءماجىلىسىن وتكىزدى

جۇڭگو كوممۋنيستىك پارتياسى ورتالىق كوميتەتى 11 - ايدىڭ 20 - كۇنى بەيجيڭدەگى حالىق سارايىندا حۋ ياۋباڭ جولداس دۇنيەگە كەلگەندىگىنىڭ 110 جىلدىعىن ەسكە ءتۇسىرۋ اڭگىمە ءماجىلىسىن وتكىزدى. شي جينپيڭ، ساي چي، لي شي قاتارلىلار اڭگىمە ماجىلىسىنە قاتىناستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 11 - ايدىڭ 20 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى 11 - ايدىڭ 20 - كۇنى تۇستەن بۇرىن حالىق سارايىندا اڭگىمە ءماجىلىسىن وتكىزىپ، حۋ ياۋباڭ جولداس دۇنيەگە كەلگەندىگىنىڭ 110 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ بىلاي دەپ باسا دارىپتەدى: حۋ ياۋباڭ جولداستىڭ وسكەلەڭ رۋحاني قاسيەتى مەن تاڭداۋلى ستيلىن مۇقيات ۇيرەنىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، العان بەتىنەن قايتپايتىن كۇرەسكەرلىك بەينەمەن ءتۇرلى ىستەردى تىڭعىلىقتى ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ساي چي اڭگىمە ءماجىلىسىن باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي شي اڭگىمە ماجىلىسىنە قاتىناستى.

شي جينپيڭ سوزىندە حۋ ياۋباڭ جولداستىڭ شۇعىلالى ءومىرى مەن ەرەن ۇلەسىن ەسكە الدى.

ول بىلاي دەپ اتاپ كورسەتتى: حۋ ياۋباڭ جولداس − ۇزاق سىننان وتكەن ادال كوممۋنيزم جاۋىنگەرى، ۇلى پرولەتاريات توڭكەرىسشىسى، ساياساتشى، ارميامىزدىڭ كورنەكتى ساياسي قىزمەتكەرى، ۇزاق ۋاقىت پارتيانىڭ ماڭىزدى باسشىلىق مىندەتىن ارقالاعان كورنەكتى باسشى، ۇلتتىڭ تاۋەلسىزدىگى مەن ازاتتىعى، سوتسياليستىك توڭكەرىس پەن قۇرىلىس، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن وشپەس ەڭبەك ءسىڭىردى.

شي جينپيڭ بىلاي دەپ باسا دارىپتەدى: حۋ ياۋباڭ جولداس اسقاق مۇرات ورناتىپ، كوممۋنيزم ءۇشىن قاجىماي - تالماي كۇرەس جۇرگىزۋدىڭ ۇزاق امالياتى بارىسىندا مىزعىماس توڭكەرىستىك جىگەرىن ايگىلەدى. بۇكىل پارتياداعى جولداستار مۇرات - سەنىمدى بەكەمدەپ، پارتياعا ادال بولىپ، جۇڭگو ۇلگىسىندەگى وسىزامانداندىرۋ قۇرىلىسىنا بەلسەنە ات سالىسىپ، ۇلى مۇرات پەن ورتاق مۇراتتى جۇزەگە اسىرۋ جولىندا قۇلشىنا كۇرەس جۇرگىزۋى كەرەك.

شي جينپيڭ بىلاي دەپ اتاپ كورسەتتى: حۋ ياۋباڭ جولداس بارلىق ىستە ءىس جۇزىندىكتى شىعار ءتۇيىن ەتۋگە باسا ءمان بەرىپ، ماركسيزمنىڭ جۇڭگوشالانۋىن ىلگەرىلەتۋگە جانە ۇيىمدىق لۋشيانداعى بىلىقپالىقتى وڭاۋعا ماڭىزدى ۇلەس قوستى. بۇكىل پارتياداعى جولداستار شىندىقتى ءىس جۇزىنەن ىزدەۋگە تاباندى بولىپ، اقيقاتقا تالپىنۋدى مۇرات ەتىپ، پارتيانىڭ جاڭالىق اشۋ نازارياسىمەن سانالى تۇردە وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، جاڭا داۋىردەگى جۇڭگوشا سوتسياليزمنىڭ ۇلى امالياتىن ىلگەرىلەتۋ بارىسىندا ماركسيزمنىڭ اقيقات كۇشىن ۇزدىكسىز ايگىلەۋى كەرەك.

شي جينپيڭ بىلاي دەپ باسا دارىپتەدى: حۋ ياۋباڭ جولداس رەفورما جاساپ، ەسىك اشۋدى بەلسەنە دارىپتەپ جانە ىلگەرىلەتىپ، سوتسياليستىك وسىزامانداندىرۋ قۇرىلىسىن ىلگەرىلەتۋگە قىرۋار زەيىن - زەردەسىن جۇمسادى. بۇكىل پارتياداعى جولداستار سول سياقتى ءداۋىردىڭ الدىڭعى لەگىندە تۇرىپ، باتىلدىقپەن رەفورما جاساپ، جاڭالىق اشىپ، قيىن تۇيىندەردەن قامال الۋ رۋحىمەن رەفورمانى ونان ارى جاپپاي تەرەڭدەتىپ، قوعامدىق وندىرگىش كۇشتەردى ۇزدىكسىز ازات ەتۋى جانە دامىتۋى، قوعامنىڭ ومىرشەڭدىك كۇشىن تاسقىنداتۋى جانە كۇشەيتۋى كەرەك.

شي جينپيڭ بىلاي دەپ اتاپ كورسەتتى: حۋ ياۋباڭ جولداستىڭ حالىققا دەگەن سۇيىسپەنشىلىگى شىنايى، تەرەڭ بولىپ، ەكونوميكانى دامىتۋ، حالىقتى تەز ارادا جاقسى تۇرمىسقا كەنەلتۋ ءۇشىن كوپتەگەن ناقتى، يگى ىستەر ىستەدى. بۇكىل پارتياداعى جولداستار سول سياقتى باستان - اياق حالىقتى كوكەيىندە ساقتاپ، دۇنيە جۇزىنە پايدا جەتكىزىپ، پارتيانىڭ ءتۇبىرلى ماقساتىن سانالى تۇردە امالياتتا ايگىلەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، تىڭعىلىقتى كۇرەس جۇرگىزۋ ارقىلى حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋى كەرەك.

شي جينپيڭ بىلاي دەپ باسا دارىپتەدى: حۋ ياۋباڭ جولداس پارتيا ستيلىن دۇرىستاۋعا ايرىقشا ءمان بەرىپ، پارتيانىڭ تاڭداۋلى ءداستۇرى مەن ستيلىن ساۋلەلەندىرۋگە شۇعىلالى ۇلگى ورناتتى. بۇكىل پارتياداعى جولداستار، وتە - موتە، باسشى كادرلار ءوز باسىنان ونەگە كورسەتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، بۇرىس ستيلدەر مەن شىرىكتەسۋ قۇبىلىستارىنا باتىل قارسى تۇرىپ، كوممۋنيستەردىڭ كىرشىكسىز، پاك ساياسي قاسيەتىن باستان - اياق ساقتاۋى كەرەك (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

ساي چي اڭگىمە ءماجىلىسىن باسقارعاندا بىلاي دەدى: باس شۋجي شي جينپيڭ ماڭىزدى سوزىندە حۋ ياۋباڭ جولداستىڭ پارتيا مەن حالىق ءۇشىن سىڭىرگەن وشپەس ەڭبەگىن ەسكە الىپ، بۇكىل پارتياداعى جولداستاردى حۋ ياۋباڭ جولداستىڭ وسكەلەڭ رۋحاني قاسيەتى مەن تاماشا ستيلىنەن ۇيرەنۋگە، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولۋعا ۇندەدى.

ءبىز مۇقيات ۇيرەنىپ، ءتۇسىنىپ، دايەكتى تياناقتاندىرۋدى مىقتى يگەرۋىمىز كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، زەيىن - زەردەنى، كۇش - قۋاتتى شوعىرلاندىرىپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ءۇشىن قۇلشىنا كۇرەس جۇرگىزۋىمىز كەرەك.

اڭگىمە ماجىلىسىندە ورتالىق پارتيا تاريحىن جانە قۇجات زەرتتەۋ ورنىنىڭ باستىعى چۇي چيڭشان، ورتالىق كوميتەت ۇيىمداستىرۋ ءبولىمى باستىعىنىڭ كۇندەلىكتى قىزمەتكە جاۋاپتى ورىنباسارى حۋاڭ جيانفا، ورتالىق پارتيا مەكتەبى (مەملەكەتتىك اكىمشىلىك شۋەيۋانى) باستىعىنىڭ كۇندەلىكتى قىزمەتكە جاۋاپتى ورىنباسارى (شۋەيۋان باستىعىنىڭ ورىنباسارى) شيە چۇنتاۋ، كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ا دۇڭ، حۋنان ولكەلىك پارتكومنىڭ شۋجيى شىن شياۋميڭ ىلگەرىندى - كەيىندى لەبىز ءبىلدىردى (سوزدەردىڭ ۇزىندىلەرىن «حالىق گازەتىنىڭ» 6 - بەتىنەن وقي الاسىزدار).

شى تايفىڭ، لي گانجيە، لي شۋلەي، لي حۇڭجۇڭ، چىن ۋىنچيڭ، ليۋ جينگو، ۋاڭ شياۋحۇڭ، جاڭ شىڭمين اڭگىمە ماجىلىسىنە قاتىناستى.

ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى، حۋنان ولكەسىندەگى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، حۋ ياۋباڭ جولداستىڭ تۋىس - تۋعاندارىنىڭ، كوزى تىرىسىندەگى دوستارىنىڭ جانە اۋىلداستارىنىڭ ۋاكىلدەرى قاتارلىلار اڭگىمە ماجىلىسىنە قاتىناستى.

كەلۋ قاينارى: حالىق تورابى