ەمدەۋ دەنساۋلىق ساقتاۋ قۇرىلىمدارىنىڭ جۇڭگوشا شيپاگەرلىك، ءدارى ـ دارمەك كلينيكالىق زەرتتەۋ جونىندەگى جاڭا بەلگىلەمەسى جاريالاندى

شينحۋا اگەنتتىگىنىڭ 11 ـ ايدىڭ 24 ـ كۇنى بەيجيڭنەن بەرگەن حابارى. مەملەكەتتىك جۇڭگوشا ەمدەۋ، ءدارى ـ دارمەك باسقارۋ مەكەمەسى 11 ـ ايدىڭ 24 ـ كۇنى «ەمدەۋ دەنساۋلىق ساقتاۋ قۇرىلىمدارىنىڭ زەرتتەۋشىلەر باستاعان جۇڭگوشا شيپاگەرلىك، ءدارى ـ دارمەك كلينيكالىق زەرتتەۋىن باسقارۋ ءادىسىن» جاريالادى. بۇل ءادىستىڭ ماقساتى — باسقارۋعا قاتىستى كلينيكالىق زەرتتەۋدى ونان ارى ارناعا ءتۇسىرىپ، زەرتتەۋ ساپاسىن جوعارىلاتۋ.

وسى باسقارۋ ادىسىنە نەگىزدەلگەندە، زەرتتەۋشىلەر باستاعان جۇڭگوشا ەمدەۋ، ءدارى - دارمەك كلينيكالىق زەرتتەۋى دەگەنىمىز ەمدەۋ - دەنساۋلىق ساقتاۋ قۇرىلىمدارى ورىستەتكەن، جۇڭگوشا ەمدەۋ، ءدارى - دارمەك نازارياسىنىڭ جەتەكشىلىگىندە، ادامدى زەرتتەۋ وبيەكتىسى ەتىپ، ءدارى – دارمەك، ەمدەۋ اسپاپتارى (دەنە سىرتىندا دياگنوز قويۋ سىناق ءدارىسى قاتارلىلاردى قامتيدى) سەكىلدىلەردى تىركەمەۋدى ماقسات ەتپەي، اۋرۋدىڭ سەبەبىن زەرتتەۋ، دياگنوز قويۋ، ەمدەۋ، ساۋىقتىرۋ، اۋرۋدان كەيىن قالپىنا كەلتىرۋ، الدىن الۋ، تىزگىندەۋ جانە دەنساۋلىقتى قورعاۋ قاتارلى قيمىلدار.

بۇل باسقارۋ ءادىسى جيىنى 8 تاراۋ، 49 تارماق بولىپ، قاتىستى زەرتتەۋدىڭ قولدانىلۋ كولەمىن تۇراقتاندىرىپ، قۇرىلىمنىڭ نەگىزگى جاۋاپكەرشىلىگىنە تاباندى بولىپ، زەرتتەۋشىلەر باستاعان جۇڭگوشا شيپاگەرلىك، ءدارى - دارمەك كلينيكالىق زەرتتەۋىنىڭ عىلىميلىعىن تەكسەرۋ، ەتيكالىق تەكسەرۋ، قۇرىلىمنىڭ نىسان تۇرعىزۋ جانە نىساندى اياقتاۋى، زەرتتەۋ ينفورماتسياسىن جاريا ۇستاۋ قاتارلى نەگىزگى تۇزىمدەردى بەلگىلەدى، وسى تەكتەس جۇڭگوشا شيپاگەرلىك پەن ءدارى - دارمەكتىڭ كلينيكالىق زەرتتەۋىن باقىلاۋ - باسقارۋ مەحانيزمى ايقىندالدى.

اتالعان باسقارۋ ادىسىندە جۇڭگوشا شيپاگەرلىك پەن ءدارى - دارمەكتىڭ ەرەكشەلىگىنە قاراتا قاتىستى بەلگىلەمەلەر جاسالدى. مىسالى، باسقارۋ ادىسىندە مىنالار ايقىن بەلگىلەندى: جۇڭگوشا شيپاگەرلىك پەن ءدارى - دارمەكتىڭ ينتەرفەرەنتسيالىق زەرتتەۋىن ورىستەتۋدە مۇشەلەر جۇڭگوشا ەمدەۋ، ءدارى - دارمەك كاسىپتىك - تەحنيكالىق قىزمەتكەرلەرىن قامتۋى، زەرتتەۋ بارىسىندا ساياتىن جۇڭگوشا شيپاگەرلىك، ءدارى - دارمەك عىلىمىنا تۇجىرىم جاساۋى، كلينيكالىق شەشىم جاساۋى كەرەك؛ باسقارۋ ادىسىندە جۇڭگوشا شيپاگەرلىكتىڭ ءدارى - دارمەككە جاتپايتىن ەمدەۋ قاتارلى ەرەكشە قوسىلعان شارالارىنىڭ زەرتتەۋ نەگىزى مەن قۇرىلىم تولىمدىلىعى جونىندە ايقىن تالاپتار قويىلدى.

كەلۋ قاينارى: حالىق تورابى