كەشە كەشتە ماي باعاسى تومەندەدى، ءبىر ساندىق مايعا 2.5 يۋان از جۇمسالادى

ءتىلشىنىڭ كەشە مەملەكەتتىك دامۋ جانە رەفورما كوميتەتىنەن ۇعىسۋىنا قاراعاندا، حالىقارالىق ماي باعاسىنىڭ تومەندەۋىنىڭ ىقپالىنان، ەل ىشىندەگى بەنزين مەن سالەركەنىڭ باعاسى 11 – ايدىڭ 24 – كۇنى ساعات 24 تەن باستاپ تومەندەيدى. مەملەكەتتىك دامۋ جانە رەفورما كوميتەتى باعا باقىلاۋ – ولشەۋ ورتالىعىنىڭ باقىلاپ – تەكسەرۋىنە قاراعاندا، وسى رەتكى وڭدەلگەن جانار مايدىڭ باعا رەتتەۋ پەريودىنىڭ (11 – ايدىڭ 10 – كۇنىنەن 11 – ايدىڭ 21 – كۇنىنە دەيىن) حالىقارالىق ماي باعاسى تولقىپ تومەندەگەن.

11 – ايدىڭ 24 – كۇنى ساعات 24 تەن باستاپ ەل ىشىندەگى بەنزين مەن سالەركەنىڭ ءار تونناسىنىڭ باعاسى جەكە - جەكە 70 يۋان جانە 65 يۋان تومەندەدى. بۇكىل ەل بويىنشا ورتاشا ەسەپپەن قاراعاندا، 92 - ءنومىرلى بەنزيننىڭ ليترى 0.05 يۋان، 95 - ءنومىرلى بەنزيننىڭ ليترى 0.06 يۋان، 0 - ءنومىرلى سالەركەنىڭ ليترى 0.06 يۋان تومەندەگەن.

ءتىلشى مىناداي ءبىر ەسەپ جاسادى: 92 - ءنومىرلى بەنزين قۇياتىن 50 ليترلىك ماي ساندىعىن تولتىرا ماي قۇيعاندا 2.5 يۋان از جۇمسالادى. زات تاسۋمەن اينالىساتىندار ايىنا 10 مىڭ كيلومەتر جۇرەدى دەسەك، 100 كيلومەترگە 38 ليتر ماي جۇمسايتىن اۋىر تۇرپاتتى جۇك اۆتوكولىگىن مىسالعا الساق، كەلەسى جولى باعا رەتتەۋ تەرەزەسى اشىلۋدان بۇرىن، جەكە اۆتوكولىكتىڭ جانار ماي وزىندىك قۇنى 106 يۋان اينالاسىندا تومەندەيدى.

كەلۋ قاينارى: حالىق تورابى